រឿង នាងកូឡាបខ្មៅ (ភាគ1)

 រឿង នាងកូឡាបខ្មៅ

(ភាគ1)

និពន្ធដោយ Wong Nau

#Khmer_Novel69

From: Future Bold Man

ក្នុង វគ្គ2នេះ គឺខ្ញុំសេសេរមកក្នុងបំណង​បង្ហាញអោយឃើញពីភាពកខ្វក់ នៃផ្នែកខ្លះរបស់ BL​ សង្ឃឹមថា​នឹងមិនមានប្រតិកម្ម​បែបអវិជ្ជមាន ពីអ្នកអាន (ប៉ះពាល់)​ ខ្ញុំគ្មានបំណង ប្រមាថមើលងាយ អ្នកណាទេ តែចង់អោយអ្នកអាន មើលឃើញបញ្ហា​និងកុំអោយចាញ់ការលួងលោម ស្នេហារកផលប្រយោជន៍។

ក្នុងឆ្នាំ2018 ខ្ញុំ​បាន​ឆ្លៀតចូលបំរើការងារ​ ក្រៅម៉ោង បន្ថែម​ នៅហាងអាហារតូចមួយ ម្តុំក្បែរវត្តលង្កា។ ដោយគិតថា ការងារ​ដដែលៗគួរអោយធុញ ទើបគិតថាអនាគតចង់ងាកទៅធ្វើការរកសុី តូចតាច​វិញម្តង គ្រាន់បានភ្លក់រស់ជាតិជីវិតប្លែកៗកុំអោយ ដដែលៗពេក ម្យ៉ាង​ក៏ចង់ឃើញមនុស្សម្នាអ៊ូអរ ខុសពីការងារ office ជួបតែក្រុមការងារ មួយក្តាប់តូច😜។ ខ្ញុំចេញពីកន្លែងការងារមកចូលផ្ទះបងស្រី ងូតទឹកផ្លាស់សម្លៀកបំពាក់​ ទើបបន្តទៅធ្វើការ ដែល​start ពីម៉ោង 6 ដល់ម៉ោង​10យប់។ ​ទល់មុខហាងរបស់ខ្ញុំមាន បា​មួយ​ឈ្មោះថា​ Duplex សំបូរតែភ្ញៀវបរទេស (type ខ្ញុំ😜) ម្ល៉ោះហើយទើបទាក់ចិត្តខ្ញុំអោយចង់បំរើការងារនៅទីនោះ។ ម្ចាស់ហាងឬថៅកែរខ្ញុំគាត់ជាជនជាតិ ក្រិចកាត់អារ៉ាប់ គាត់មិនញាំសាច់ជ្រូកទេ ចំណែកប្រពន្ធគាត់មិនដឹងសាសន៍អ្វីទេ ដឹងតែនាង ស្អាតដូចម៉ារ៉ាកាំង ភ្នែកធំច្រមុះស្រួច មុខតូច កាត់សក់ខ្លី​ បែបទាន់សម័យ។ ខ្ញុំ​ក៏មានមិត្តរួមការងារម្នាក់ជាជនជាតិ ហ្វីលីពីន​។ អាគាត់ណឹង ក្មេងជាងខ្ញុំ​1ឆ្នាំ ឈ្មោះគាត់ អេវីន ក៏មានប្រពន្ធកូនរួចហើយតែនៅហ្វីលីពីនឯណោះ។ បើនិយាយពីម៉ូយវិញ គឺភាគច្រើនជាជនបរទេស ស្ទើតែគ្មានខ្មែរផង បើមានក៏មានតែពួកខ្មែរ ដែលនិយមស្ទីលបរទេស ឬ​ មករកបរទេស (លក់ខ្លួន​ឬ​មានសង្សាបរទេស...។ ល។)​ ការងាររបស់ខ្ញុំ​ បើនិយាយពីប្រាក់ខែគឺតិចមែនទែន ព្រោះ​ថា​ គ្មានអ្នកចេះភាសាអង់គ្លេសអាចទំនាក់ទំនងបានដោយស្រួល ហើយ​សាច់ឈាមស្អាតបាត ស្លៀកពាក់ស្អាតបាត ឯណាមកធ្វើការ សុីប្រាក់ខែប៉ុននឹងទេ ភាគច្រើនគឺអ្នកមកពីគ្រួសារខ្វះខាត​និងរៀនពុំសូវបានច្រើន ទើបព្រមធ្វើការងារក្នុងប្រាក់ខែប៉ុននេះ។ តាំងពីថ្ងៃចូលធ្វើការដំបូង បុគ្គលិក​នៅហាងម្តុំៗណឹង គេហាក់ដូចជា លួចមើលខ្ញុំ ហើយខ្ញុំគិតថាបែបមកពីខ្ញុំ ចេះតែញញឹមដាក់គេ ទើបគេចូលចិត្តក៏មិនដឹង ឬ​ក៏មកពីខ្ញុំមើលទៅ ស្អាតបាត😜។ ធ្វើការនៅណឹងត្រឹម1អាទិត្យទើបខ្ញុំដឹងពីមូលហេតុ ដែលអ្នកជិតខាងគេចេះតែមើលមកខ្ញុំ​។ ថ្ងៃមួយនាងបំរើការក្នុងហាង Mango shake គាត់មកនិយាយលេងនឹងខ្ញុំថា គាត់សរសើរថៅកែរខ្ញុំណាស់ ដែលពូកែររកបុគ្គលិកមកធ្វើការ ព្រោះ​អ្នកមុនៗនៅមិនសូវបានយូរ។ ខ្ញុំ​សួរគាត់ថាថីបានគេនៅមិនបានយូ? គាត់ថា​ អោយប្រាក់ខែតិច​ ហើយតឹងតែង។ ខ្ញុំ​ស្តាប់គាត់ហើយក៏មិនតបអីដែរ ព្រោះ​ខ្ញុំមិនមានបញ្ហារឿងប្រាក់ខែទេ... មិនមែនខ្ញុំអ្នកមានទេ តែខ្ញុំចង់ចេះម្ហូបក្នុងហាង និងចង់បើកហាងដោយខ្លួនឯងច្រើនជាង គិតរឿងប្រាក់ខែ។ មេខ្ញុំគាត់សប្បាយចិត្តណាស់ដែលខ្ញុំព្រមធ្វើការ ក្នុងតម្លៃ ប្រហែល1មុឺនរៀលមួយថ្ងៃ។ ខ្ញុំ​ចាំថា ថ្ងៃមួយពេលចេញពីហាង ម៉ោង​10យប់តិចតួចស្រាប់តែម៉ូតូខ្ញុំបែកកង់ក្រោយ ធូស្ពេត។
🧔 ស៊យដល់ហើយ មកបែកទាំងយប់មិនដឹងរកជាងឯណាទេ... ហុឺ
💃អើបង បែកកង់ទាំងយប់... (គាត់ជាភេទទី3 ដែលធ្វើការនៅនឹងក្លឹបជិតណឹង​ គាត់លៀបក្រែប ផាត់ម្សៅតិច ល្មមមើលដឹងថាខ្ទើយ ហើយ​ បថមទៀត)​
🧔 បាទបែកចឹងមិនដឹងថាមានជាងជិតៗណឹងអត់?
💃 បងនៅដល់ណា...ជិះដល់ស្ពានជ្រោយចង្វាអត់?
🧔 ខ្ញុំនៅហួសណឹងទៅទៀត
💃អោយខ្ញុំដោយសារផងទៅ ចាំខ្ញុំប្រាប់កន្លែងប៉ះ...
ខ្ញុំ​មើលទៅគាត់ដូចរាក់ទាក ហើយក៏មិនគួអោយខ្លាចអ្វីដែរ
🧔 មានអី​ខ្ញុំជិះតែឯងណឹង...😁
💃តោះចឹង មកតាមខ្ញុំមក នៅជិតនេះទេ
គាត់នាំខ្ញុំឆ្លងផ្លូវ ក្រោយវត្តលង្កា នៅនឹងកែងផ្លូវសីហនុ មានជាងប៉ះកង់ពិតមែន ជាងនោះប៉ះដល់រំលងអាធ្រាតុឯណោះ។
🧔 អេហេតុអី សុំខ្ញុំជូនទៅផ្ទះ​ទុកចិត្តខ្ញុំដែរ?
💃ខ្ញុំឃើញបងឯងរាល់ថ្ងៃ ហើយដឹងថាទើបមកធ្វើការនៅណឹងទៀត... មានអីត្រូវខ្លាចបង...សុទ្ធតែអ្នកធ្វើការដូចគ្នា ម្យ៉ាង​ ខ្ញុំគ្មានអីខ្លាចបាត់បង់ផង
ខ្ញុំ​គិតក្នុងចិត្តចង់ញ៉ោះគាត់លេងផង ក៏បន្ត
🧔 ធម្មតាទេ ខ្ញុំឃើញជាស្ត្រីភេទ ចេះតែសួរនាំទៅ
💃អូយបង មើល និយាយ... ខ្ញុំ​ជាស្ត្រី​ដែលមិនចេះខ្លាចប្រុសទេ
ក្មេងប៉ះកង់ គាត់ញឹមៗ ចង់សើច ខ្ញុំក៏បង្អាប់បន្ថែម
🧔 ណ៎ អូនប៉ះកង់លួចមើលហ៎ អូនប៉ះកង់ចង់អោយគាត់ខ្លាចអត់?
ក្មេងប៉ះកង់សើចតិចៗ ហើយតបថា <ចង់អោយគាត់ស្រលាញ់... ហិហិ... 😁>
🧔 ឆ្លាតណាស់នាគ ចេះឆ្លើយឡើងលូយ
💃បងស្រលាញ់ទាំងអស់អូន តែស្មោះតែហាន់នីបងមួយទេ
🧔 អូយសេដបាត់... មានហាន់នីហើយ... ចុះថ្ងៃនេះហាន់នីទៅណា? អត់មកយក?
💃ញាំការ គេឯស្រុក ស្អែកបានឡើងមក វិញ។ ហើយសេធមែនអី លឺថាខ្ញុំមានហាន់នីចឹង? (គេលេងធ្វើភ្នែក បិតបើកស្ទាយស្រីស្អាត)​
🧔 និយាយលេងទេ... ញ៉ោះលេងតើ ខ្ញុំចូលចិត្តធ្វើអោយគេសប្បាយចិត្ត...
💃 អូ...​ដល់ម្លឹងផង... រាងតូចបន្តិច បើធំជាងណឹងខ្ញុំលង់តែម្តង💋
🧔 អើហើយចុះឈ្មោះអី​? យូណាស់ហើយអត់ទាន់ដឹងឈ្មោះ?
💃កូលាប​ ចា...
🧔 ខ្ញុំ​ឈ្មោះ​រីយ៉ូ...
ពួកយើងជជែកគ្នារហូតជាងប៉ះកង់រួចរាល់ ទើបខ្ញុំជិះឌុបកូលាប​តាមផ្លូវវិមានឯករាជ្យ ឆ្ពោះទៅ​ផ្លូវមាត់ទន្លេ... ជាលើកទីមួយហើយដែលខ្ញុំឌុបភេទទី3 ដែលមិនស្គាល់គ្នាសោះបែបនេះ។ បើពីមុនវិញដាច់ខាតមិនឌុបទេ ព្រោះ​ខ្មាសគេ​ខ្លាចគេថាយើងខ្ទើយ ខ្លាចបងប្អូនឃើញ អីជាដើម។ ជិះមកដល់វត្តភ្នំ ខ្ញុំសួរគាត់
🧔 កូលាប​ធ្លាប់ដឹងអត់ថាម្តុំណឹងសំបូរគេលក់ខ្លួន?
💃ដឹងតើ ហើយធ្លាប់សាកអត់?
🧔ខ្ញុំ​ធ្លាប់ត្រូវស្រីៗនៅណឹងហៅតើ... កាលណឹងខ្ញុំនៅរៀនវេនយប់។ ម៉ែលែងហៅយ៉ាងសាហាវ... ប្រើពាក្យចំៗហ្មង... ចុ*អត់?
💃ចុះគេខ្លាចយើងអត់ដឹង គេមិនហៅចឹង មកពីបងមើលគេទេដឹងបានគេហៅ?
🧔មិនដឹងដែរ... ខ្ញុំឃើញជាស្រីក្មេង សម្បុរស​ តែខ្ញុំមេចហ៊ាន កាលណឹងខ្លាចឆ្លងអេដស៍ងាប់សឹងអី!
💃ស្រីៗចូលចិត្តណាស់ប្រុសចឹងៗ
🧔ថីបានចូលចិត្ត?
💃បែបគេគិតថា ប្រុសចឹងនៅហ្សុីន គេស្រីលក់ខ្លួន អត់មានហ្សុីន ចឹងបើគ្នា បានសុីប្រុស ហ្សុីនអោយគ្នាមិនរំភើបមេចបាន។
🧔ហ្សុីនអី ដៃរាល់អាទិត្យ ហាស​ហាស🤣🤣🤣
ជជែកគ្នាប្រធានបទសាហាវៗ ក្នុងបរិយាកាស រ៉ូមែនទិច មានបង្គោលភ្លើង តាមដងផ្លូវដូចពន្លឺចន្ទ ខ្យល់រាត្រីត្រជាក់ដល់បេះដូង ធ្វើអោយ ស្រម៉ៃថា បើសិនជាអ្នកខាងក្រោយខ្នងជា the bus man (បុរសដែលខ្ញុំជួបនៅឡានក្រុង ហើយលង់ស្រលាញ់ទាំងមិនដែលឃើញគ្នាជាថ្មី)​ ខ្ញុំនឹងមានក្តីសុខ ដូចក្នុងប្រលោមលោកដ៏​ Romatic មិនខាន។ ក្តីស្រម៉ៃ ធ្វើអោយខ្ញុំ​រំភើបចិត្ត​ ចង់ក្លាយជាប្រុសសង្ហាឌុបសង្សា នាពេលរាត្រី ទៅឡើងឋានសួគ៍ គាល់ព្រះឥន្ទ្រ😜។ ខ្ញុំ​ដឹងថាផ្ទៃមុខចាប់ផ្តើមភាយកំដៅ បេះដូងលោតមិនញាប់ទេ តែខ្លាំងៗផឹបៗជាងមុន ខ្ញុំខំលេបទឹកមាត់សំរួលអារម្មណ៍ កុំអោយកុងទ័រវាត់ឡើង​។ ចំណែកឯកូលាបពិតខ្លួនប៉ះខ្នងខ្ញុំម្តងៗមានកំដៅក្តៅភាយៗពេលខ្ញុំចាប់ហ្វ្រាំង​។ តែខ្ញុំជាមនុស្សគោរពខ្លួនឯង មិនបំពានអ្នកណាទេ ក៏ធ្វើជាមិនដឹងៗ ជិះរហូតមកដល់ម្តុំផ្សារតូចគាត់អោយខ្ញុំដាក់គាត់ចុះ​នៅមាត់ច្រកមួយជាផ្លូវចូលផ្ទះគាត់​ បែបផ្ទះជួលព្រោះម្តុំណឹងសំបូរផ្ទះជួល។
តាំងពីថ្ងៃណឹងមក ខ្ញុំនិងកូលាបហាក់ស្និតស្នាលនឹងគ្នា​ពេលខ្លះមានភ្ញៀវចង់ញាំ wrap (នំបុ័ង​ទួគី)​ ហាងខ្ញុំ គឺកូលាប តែងមកកុម្មង់ អោយ​ជានិច្ច​។ ឯមេខ្ញុំគាត់ហាក់សប្បាយចិត្តដែលឃើញខ្ញុំចេះស្និតស្នាលនឹងបុគ្គលិកក្លឹប ហើយគេជួយទិញអាហារពីហាងគាត់។ រាប់អានគ្នាបានជាង1ខែ​ទើបខ្ញុំដឹងថា ការពិតកូលាប គាត់មិនត្រឹមតែជាបុគ្គលិកក្លឹបទេ តែក៏រកសុីក្រៅផ្លូវការផងដែរ។ យប់មួយមានបរទេស 2នាក់អង្គុយញាំអីនៅហាងខ្ញុំ។ហើយកូលាបគាត់មកកុម្មង់អាហារអោយភ្ញៀវហាងគាត់ ហើយភ្ញៀវបរទេសនោះ សម្លឹងមើលត្រគៀកនិងចាប់គូថនាងទៀតផង។ ឯកូលាបបែបគាត់ខ្មាស់ខ្ញុំទើបបេះដៃគេចេញ​។ តែនិយាយស្និតស្នាលគ្នាណាស់ សុទ្ធតែ​ I miss you baby, you made such a wonderful last time! It would be good if we make it again!
ខ្ញុំ មិនហ៊ានសួរនាំអីច្រើនទេ ត្រឹមប៉ុននឹងក៏យល់ហើយ។ ខ្ញុំ​ព្យាយាម​ញញឹមបង្ហាញមិត្តភាព ព្រោះ​មិនចង់អោយគាត់ខ្មាស់ ដែលខ្ញុំដឹងថាគាត់ចឹង...! តាំងពីថ្ងៃណឹងមក គាត់ក៏លែងខ្មាស់អៀន ឯខ្ញុំក៏ធ្វើធម្មតា និង​កាន់តែលើសពីធម្មតា ក្រោយពីដឹងរឿងគាត់កាន់តែច្រើន។ បែបខ្ញុំជាមនុស្សដែលធ្វើការលើបញ្ហាវិបត្តិផ្លូវចិត្តទើបធ្វើអោយ មនុស្សដែលស្និតគ្នាល្មមៗក៏ចង់និយាយរឿងក្នុងចិត្តប្រាប់ខ្ញុំដែរ​។ នៅថ្ងៃសៅរ៍ខ្ញុំមិនធ្វើការនៅអង្គការទេ ចឹងខ្ញុំអាចមានពេលទំនេរទៅអង្គុយញាំ ស្វាយក្រឡុក នៅហាង​ក្បែរនោះ,​ Mango shake, ចៃដន្យកូលាបគាត់ដើរកាត់ហាងណឹងដែរ គាត់ស្គាល់ម៉ូតូខ្ញុំ ពួកយើងជជែកគ្នាលេងប្រហែលជា1ម៉ោង។ តាមការជជែកគ្នាខ្ញុំដឹងថា គាត់ជាអ្នកស្រុកស្អាងកោះធំ គ្មានឪពុកម្តាយទេ​។ កាលពីតូចនៅជាមួយមីងនិងបានយាយជួលមើល។ គាត់ជួយលក់ទឹកអំពៅ បបរ​ បង្អែម​ អោយគេ យកលុយទិញសម្ភារៈសិក្សា ដោយខ្លួនឯង​។ មីងគាត់ក៏ជាអ្នកចំការមិនធូធារប៉ុន្មានទេ ម្យ៉ាងគេក៏មានកូនដែរ។ រហូតគាត់រៀនធ្លាក់ថ្នាក់ទី9 យាយក៏ស្លាប់ទៀត ទើបគាត់ផ្លាស់ទៅធ្វើការងារនៅសៀមរាប​ ជាអ្នករត់តុ តាមអ្នកភូមិម្នាក់គេបបួលទៅ។ នៅទីនោះហើយដែលគាត់ស្គាល់ជីវិត ជាខ្ទើយ ព្រោះ​មេចុងភៅនៅភោជនីយដ្ឋាននោះ លូកលាន់​ដោយសារតែឃើញគាត់ក្មេងនិងរាងញិកញ៉ក់ផង (គាត់និយាយប្រាប់ខ្ញុំបណ្តើរសើចកាច់ក បង្ហាញសភាពញិកញ៉ក់ដូចក្មេងពិតៗ)។ ដំបូងៗលូកចាប់បេះបោច... យូរៗទៅក៏ឈានដល់រឿង 18+។ ខ្ញុំ​សួរគាត់ថា ចូលចិត្តអាបុិកណឹងដែរមែនបានទៅរួច? គាត់ថា មានអី​កាលណោះមិនធ្លាប់ចឹងទេ ដល់តែគេនាំ លេងអង្អែលៗទៅស្រួលក៏តាមណឹងទៅ។ គាត់ធ្វើការណឹងបានមួយរយៈធំ ទើបស្គាល់ភេទទី3ម្នាក់(តែងស្រី)​ នៅឯផ្សាជួបគ្នា​និយាយគ្នាលេងយូរទៅក៏ចេះតែរាប់អាន... ហើយភេទទី3ម្នាក់ណឹងហើយ ជាអ្នកណែរនាំភ្ញៀវអោយគាត់។ ដំបូងគាត់មិនហ៊ានទេ​ តែគាត់មិនមែនមិនធ្លាប់ឯណា​(លេងជាមួយមេចុងភៅ) ហើយលេងជាមួយ ពូមេចុងភៅណឹងបានលុយតិចតួច ណឹង​ ទើបគាត់យល់ព្រមធ្វើដើម្បីលុយ ហើយគាត់ក៏បន្តរកសុីបែបណឹង តាមសួន តាមផ្សាររាត្រី ផ្លូវ​ ​Pub Street... អីជាដើម។ គាត់ថា​ សំណាងដែរ គាត់មាននិស្ស័យបានស្គាល់ជនជាតិហូឡង់ម្នាក់​គាត់អាយុជាង50 មកធ្វើការនៅសៀមរាប​។ យប់នោះគាត់ត្រូវ ពួកស្ទាវ​ពាលលូកលាន់​ធ្វើបាប។ គាត់ប្រតាយប្រតប់ជាមួយពួកនោះ តិចតួច​ រួចពួកនោះក៏ចេញទៅ។ ពេលគាត់កំពុងអង្គុយចាំម៉ូយនៅ ស្ទឹងសៀមរាប​ ស្រាប់តែ បរទេស​ម្នាក់​ចេះនិយាយខ្មែរ ខ្លះៗ មកសួរនាំគាត់ថា មុនណឹងមានរឿងអី? គាត់ក៏ប្រាប់ថា ពួកនឹងឈ្លើយណាស់ តែងធ្វើបាបចំអកអោយគាត់ដោយសារតែគាត់ ក្មេងកំព្រា គ្មានអ្នកណាជួយ។ ជនបរទេសនោះ មិនដឹងថាស្រលាញ់គាត់ឬអាណិតគាត់ទេ ក្រោយពីសួរនាំជីវប្រវត្តិគាត់ហើយគាត់ដកលុយ100$ អោយកូលាប។ ហើយប្រាប់ថា​ បើមិនស្អប់ខ្ពើមគាត់ទេ ទៅធ្វើអ្នកថែផ្ទះអោយគាត់ទៅ គាត់អោយ 300$ក្នុងមួយខែ។ កាលណឹងប្រាក់ខែជាមេផ្ទះបានប៉ុននឹងគឺច្រើនហើយ។ បានទាំងសុីស្រាប់ដេកស្រាប់មិនអស់ថ្លៃឈ្នួលទៀត។ មិនបាច់គិតយូ កូលាបឆ្លើយតបយល់ព្រមភ្លាមៗ។ គាត់រស់នៅជាមួយបរទេសនោះ បាន​ជាង3ឆ្នាំ​(ខ្ញុំមិនហ៊ានសួរទេថា ដេកនៅជាមួយគ្នាឬអត់?)​។ ជនបរទេសនោះក៏ចប់ការងារ ត្រូវត្រឡប់ទៅស្រុកវិញ។ គាត់បានទុកលុយកាក់មួយចំនួនដែរដល់កូលាប (ខ្ញុំមិនសួរថាប៉ុន្មានទេ? ហើយក៏មិនសួរថាជាថ្លៃអ្វីដែរ?)​

កូលាបតែងតែហៅខ្ញុំបងយ៉ូៗ ហៅឡើងស្និត ឡើងពេលខ្លះ មេខ្ញុំអោយតែឃើញកូលាប គាត់ចំអន់ខ្ញុំថា bong Yoៗ។ តាមធម្មតាខ្ញុំចេញនៅម៉ោង 10យប់ទេ តែក្នុងថ្ងៃឆ្លងឆ្នាំ 2018​ ថៅកែរគាត់សុំអោយនៅដល់ម៉ោង2ភ្លឺ ព្រោះ​មានភ្ញៀវដើរចេញចូលកាត់ម្តុំណឹងទល់ភ្លើ។ ថ្ងៃនោះខ្ញុំឡើងល្វើយព្រោះ វាខុសម៉ោងគេង អត់ងងុយ​ផង​ លក់ក៏ដាច់ដោយសារយើងមានធ្វើ សាច់អាំង បាប៊ីខ្ជូ (សាច់មាន់និងចៀម)​។ ពេលចុងម៉ោងធ្វើការ កូលាបបាននាំប្រុសម្នាក់មកហាងខ្ញុំ។ ម្នាក់នោះឈ្មោះ ពេជ្រ​ កំពស់​ ល្បាក់1.70 សម្បុរស្រអែម កាត់សក់ខ្លី និងមានរូបសាក់ ពីងពាង​ នៅក ក្រោមត្រចៀក។ តាំងពីថ្ងៃដំបូងជួបគ្នា ខ្ញុំយល់ថា ពេជ្រគាត់មិនសូវស្រលាញ់ កូលាបទេ។ មានពេលខ្លះគាត់សម្លឹងទៅកូលាបដោយក្តីធុញទ្រាន់ ជិនណាយ។ ហើយក៏គ្មានមនុស្សស្រលាញ់គ្នាណាមើលមកគ្នាចឹងដែរ។ ពួកគេហៅ​ wrape ញាំ​ ចំណែកខ្ញុំ​ក៏ឆ្លៀតបន្តនិយាយលេង ជាមួយពួកគេខ្លះៗ ហើយក៏ដឹងថា រាល់ការចំណាយសុីចុកគឺកូលាបជាអ្នកប៉ាវ ទៅដើរលេងតាមខេត្តតាមអីក៏កូលាបជាអ្នកចេញ។ ដោយសារតែកូលាបនិយាយរឿងណឹងទើប​ពេជ្រគេមានទឹកមុខអោយខ្ញុំដឹងថា ពួកគេគឺ ជាគូរស្នេហ៍នៅខាងក្រៅឯខាងក្នុងគឺដើម្បីតែប្រយោជន៍ ប៉ុណ្ណោះ​។
មានពេលមួយពេជ្រ​callមករកខ្ញុំ ខ្ញុំពិតជាឆ្ងល់មែនទែនថា ពេជ្របានលេខទូរសព្ទខ្ញុំពីណាមក។ បើសូម្បីកូលាបក៏ខ្ញុំមិនដែលអោយលេខផង។ ខ្ញុំ​បានសួរគាត់ថា បានលេខពីណាមក? គាត់ថាគាត់មានខ្សែរយៈ ខ្ញុំលឺហើយចង់បះសក់😬(ខ្សែតាមណាចេះ)​
🧔 និយាយត្រង់ៗមកមើលបានលេខមកពីណា?
🙋‍♂️ ចុះមានអីចម្លែកបងគ្រាន់តែខ្ញុំដឹងលេខ
🧔 ទេបើខ្ញុំចាំច្បាស់ថាអត់បានអោយសូម្បីតែកូលាប​ ចុះមេចពេជ្រមានលេខ?
🙋‍♂️ ខ្ញុំយកពី មិត្តរួមការងារបងឯង អេវីន។ ថ្ងៃមុនខ្ញុំទៅរកបងឯងនៅកន្លែង តែបងឯងអត់នៅ ទើបខ្ញុំសុំលេខពីគាត់។
🧔អូរ៍ចឹងទេ។
🙋‍♂️ធូទ្រូងមែនបង?
🧔OK ចឹងពេជ្ររកបងមានការអី?
គាត់បានសួរខ្ញុំថាមានពេល ឬអត់? ព្រោះចង់និយាយរឿងគាត់និងកូលាបអោយស្តាប់​គាត់ថាគាត់ពិបាកចិត្ត។ បើខ្ញុំឆ្លើយថាមិនទំនេរដូចជាឈ្លើយក៏ព្រមស្តាប់ព្រោះ ធ្វើការលើផ្នែកណឹងស្រាប់។ គាត់ផ្តើមនិយាយថា គាត់និងកូលាប គឺមានបញ្ហានឹងគ្នា មិនសូវចុះសម្រុងទេ ដោយសារតែ​កូលាប ប្រចន្ឌគាត់ច្រើនពេក ហើយរាល់លើកដែលឈ្លោះគ្នាគឺកូលាប តែងនិយាយថាអោយគាត់ ទៅដេកគិតទៅថា ទៅរកបថមណាបានប្រហែលគាត់។ រកសុីលក់ខ្លួនលក់ក្តិ* ធ្វើការត្រុកៗយប់ថ្ងៃយកមកផ្គត់ផ្គង់... ដេញគាត់អោយវេចអង្ករដើររកទៅ។ គាត់ប្រាប់ខ្ញុំថា កន្លងមក​គឺមិនមែនកូលាប ប៉ាវឬចិញ្ចឹមគាត់ទេ គឺមួយរយៈមុនគាត់រកសុីមានលុយ ក៏គាត់ប៉ាវនិងទិញរបស់ប្រើប្រាស់អោយកូលាបដែរ ទើបតែឥលូវ គាត់ត្រូវរើតូប ព្រោះបងស្រីគាត់ឈប់ជួលកន្លែងអ៊ុតសក់ទើបគាត់ត្រូវរកកន្លែងលក់កាហ្វេថ្មី​(គាត់លក់កាហ្វេនៅហាងអ៊ុតសក់ មិនអស់ឈ្នួល)​។ ចឹងមួយរយៈណឹងគាត់ត្រូវពឹងលុយកូលាបចាយវាយសិន។ ឯរឿងលក់ខ្លួនណឹងក៏ចង់អោយឈប់ដែរ តែគាត់មិនហ៊ាននិយាយទេ ព្រោះ​គាត់មិនទាន់មានលទ្ធភាពចិញ្ចឹមកូលាបនៅឡើយ ចឹងអោយកូលាបធ្វើអីធ្វើចុះមិនប្រកាន់ទេ​ ព្រោះ​ពួកគេ​សុទ្ធតែអ្នកអត់ដូចគ្នា។
ខ្ញុំ​ស្តាប់គាត់ដល់ប៉ុននេះ ក៏កើតមានចិត្តអាណិតពួកគេ ហេតុតែក្រ ស្អីក៏ធ្វើ ជាពេស្យា ជាប៉ាឡាំងកាស ទ្រាំអោយគេសើចចំអក។ ក្រោមមេឃតែមួយ តែវាសនាខុសគ្នា ជួបហើយ ពេលនេះ។
ពេជ្រក៏បានប្រាប់អោយដឹងទៀតថា... ការប្រចន្ឌនោះគឺដោយសារ តែខ្ញុំ​លេង​ FB​ ជាមួយមិត្តភត្តិ ហើយគាត់ទារឆែក ពេលខ្ញុំទៅបន្ទប់ទឹកក៏គាត់លបស្តាប់ ក្រែងខ្ញុំឆ្លៀតណាត់ជួបអ្នកណា.... និយាយទៅគាត់សុាំខ្លាំងហ្មង ទើបខ្ញុំពិបាក យល់ចិត្តគាត់។ ខ្ញុំ​ដឹងពីការលះបង់ការស្រលាញ់ដែលគាត់មានចំពោះខ្ញុំ តែខ្ញុំមិនអាចរស់នៅជាមួយមនុស្សស្តេចប្រចន្ឌចឹងទេ ហើយ​រំលើករឿងគាត់ផ្គត់ផ្គង់ខ្ញុំប្រាប់អ្នកដទៃ គាត់ដូចអត់ទុកកិត្តិយសអោយខ្ញុំសោះ។
មកដល់ត្រឹមណឹង ខ្ញុំ​ចាប់ផ្តើមកាត់សម្តីពេជ្រ
🧔ពេជ្រស្រលាញ់កូលាបមិនចឹងឬ?​ បើពេជ្រស្រលាញ់គាត់ព្រោះថា ធ្លាប់តស៊ូរស់នៅស្គាល់ភាពកម្សត់អត់ឃ្លាន យល់ចិត្តគ្នាហើយ... ចឹងអាកាលះបង់ត្រឹម ផ្តល់សិទ្ធិអោយគាត់ឆែក FB ឆែកសារ និង​ ការព្យាយាមនិយាយទូរសព្ទនៅចំពោះមុខគាត់ វានឹងមិនពិបាកទេមែនទេ? តាមខ្ញុំដឹងកូលាប គាត់ជាមនុស្សលក់ខ្លួន ចឹង គាត់ពិតជា ចង់បានប្រុសម្នាក់ដែលអាចទទួលយកគាត់ ដោយមិនប្រកាន់អតីតកាល ដូចជាពេជ្រចឹង។ ជឿខ្ញុំទៅ កូលាបគាត់គ្រាន់តែចង់បានការទុកចិត្ត ស្មោះត្រង់ប៉ុននោះ។ បើពេជ្រអាចបញ្ជាក់បានថា ពេជ្រស្មោះនឹងគាត់ នោះបញ្ហាផ្សេងៗ ដែលគាត់ធ្វើដាក់ពេជ្រ (ប្រចន្ឌនិងប្រមាថ)​វានឹងលែងមានដូចអំបិលត្រូវទឹកមិនខាន។
ក្រោយពីជជែកគ្នា ជាង​១០នាទី ខ្ញុំក៏បញ្ចប់កិច្ចសន្ទនា ជាមួយពេជ្រ ដោយប្រាប់ថាដល់ម៉ោងធ្វើការ។ ពេជ្រគេបានអរគុណ និង​ សរសើរខ្ញុំថា បើកូលាបចេះមានហេតុផលដូចខ្ញុំចឹង នោះពិតជាល្អខ្លាំងណាស់។ និយាយត្រង់​ខ្ញុំ​មិនហ៊ាននិយាយ​ថា​ពេជ្រធ្វើរឿងមិនល្អជាមួយកូលាបទេ ព្រោះ​វាឈ្លើយ និងប្រញ៉ាប់វាយតម្លៃគេពេក។ តែតាមបទពិសោធន៍និងអារម្មណ៍ខ្ញុំគឺ ១០០% ពេជ្រច្បាស់ជាមានលួចសុីក្រៅ បើមនុស្សស្មោះគេមិនធ្វើលាក់លៀមទេ ហើយមកពីលាក់លៀមទើបកូលាប ចេះតែសង្ស័យ​(គាត់អ្នកលក់ខ្លួនដែរចឹងគាត់អាចតាមទាន់)​។ ខ្ញុំ​ដកដង្ហើមវែងៗ បញ្ចេញ​ ថាមពល​អវិជ្ជមាន​ស្មុគស្មាញ​មុននឹងទៅធ្វើការជាមួយក្មេងៗបន្តវិញ។
រឿងរ៉ាវ​របស់កូលាបនិងពេជ្រ គឺមិនទាន់ចប់ត្រឹមតែប៉ុននឹងទេ។ ក្រោយមកទៀត ពេជ្រ​ call មកខ្ញុំប្តឹងរឿងគេនិងកូលាបជាថ្មី។ គាត់ប្រាប់ថា​ កូលាបអត់កែរចរិតទេ នៅតែនិយាយស្តីមើលងាយខ្ញុំ និង​ តាមបិតសិទ្ធិសេរីភាពខ្ញុំ ទាំងដែលខ្ញុំបើកដៃអោយឆែក FB​ និយាយទូរសព្ទមុខគាត់ តាមដែលបងប្រាប់។ តែនៅតែមិនជឿចិត្តខ្ញុំដដែល។ ដងនេះខ្ញុំប្រាប់ពេជ្រជាថ្មីម្តងទៀតថា
🧔 ពេជ្រ​ ការបញ្ជាក់អះអាងមិនមែនត្រឹមតែយើងផ្តល់សិទ្ធិអោយគេឆែកទូរសព្ទម្យ៉ាងទេ ទង្វើនិងសម្តីយើងផងដែរណា។ តើពេជ្រ មានបានធ្វើអ្វីអោយកូលាបយល់ថា ពេជ្រមិនសូវស្រលាញ់គាត់ឬទេ? (ខ្ញុំនិយាយបែបនេះព្រោះធ្លាប់ឃើញ ពេជ្របង្ហាញកាយវិការ​ហាក់មិនសូវស្រលាញ់ កូលាប)​។ ពេជ្រប្រាប់ខ្ញុំវិញថា​ខឹងខ្ញុំដោយសារ​ខ្ញុំអត់ស្រួលខ្លួន អត់ចង់ដាក់​ ដល់ចឹងគាត់ថាខ្ញុំទៅសុីក្រៅហើយហ្មងបានគ្មានកម្លាំង។ ខ្ញុំ​លឺហើយផ្ទុះសំណើចទប់មិនជាប់... គិតស្រម៉ៃរូបភាពចង់តែសើច។ ខ្ញុំ​ខំទប់ចិត្ត ហើយនិយាយថា ដំណោះស្រាយស្រួលតើ ថា​ ចាំសងវិញ គ្រប់ចំនួនពេលជាវិញ។ ពេជ្រថាគាត់និយាយចឹងតើ តែកូលាបអត់ស្តាប់ហេតុផល ចាត់ទុកខ្ញុំដូច....។ គាត់សុំជួបខ្ញុំនិយាយគ្នា ព្រោះ​មានរឿងច្រើនចង់និយាយ។ ល្ងាចណឹងគាត់ណាត់ខ្ញុំទៅញាំសាច់អាំងឯទួលគក។ ខ្ញុំ​គិតថាខ្ញុំហាក់ដូចជាត្រូវគេអូសទាញអោយចេះដឹងរឿងគេមេចទេ...។ តែណ្ហើយ​ចាត់ដូចទៅញាំអីលេងចុះ។ ល្ងាចនោះពួកយើង ផឹកបណ្តើរជជែកគ្នាបណ្តើ ខ្ញុំដឹងរឿងប្លែកៗជាច្រើនពីពួកគាត់។ ពេជ្រគាត់សារភាពថា គាត់មានដៃគូច្រើនពិតមែន​ តាម​FB​ តាម​ App តែតាំងពីស្គាល់កូលាបមកគាត់ មិនទាក់ទងអីនឹងពួកនោះទៀតទេ ព្រោះ​ពួកនោះ ចង់តែសប្បាយជាមួយគាត់ មិនដូចកូលាបដែល​លះបង់​ តស៊ូជាមួយគាត់។ ពេជ្រធ្លាប់មានសង្សាជាស្រី 2-3នាក់ហើយ សុទ្ធតែបែកគ្នា ព្រោះតែពេជ្រមិនច្បាស់លាស់។ ខ្លះរកគាត់ដើម្បីតែសប្បាយក៏មាន..... ដល់គាត់និយាយអួតចឹងពេក ខ្ញុំក៏ផ្តើមសម្លឹងមុខគាត់ ដោយយកចិត្តទុកដាក់។ មើលទៅ​គាត់ស្អាតជាងសព្វដងពិតមែន ច្រមុះស្រួចល្មម មុខទ្រវែង​ ចង្កាស្រួច មាត់ទំរង់ស្អាតពេលញញឹម... អ្វីដែលបិតបាំងសំរស់គាត់នោះគឺ សាច់មុខគាត់ប្រហោងតិចៗនៅថ្ពាល់និងច្រមុះ។ និយាយទៅខ្ញុំចូលចិត្តអ្នកសាច់រលោង សាច់ស្អាត​ ចឹងហើយទើបមិនដែលខ្វល់យកចិត្តទុកដាក់មើលសំរស់របស់គាត់ទេ។ យប់នោះខ្ញុំមិនដឹងថាពេជ្រគាត់ស្រវឹង​ឬមានចេតនាទេ គាត់ហាក់ស្និតចូលជិតខ្ញុំ ខ្លាំងជាងសព្វដង និយាយជាមួយខ្ញុំ ចាប់ស្មា អូសកាត់ដើមទ្រូង ទះទ្រូងខ្ញុំ ហើយសម្លឹងខ្ញុំដោយខ្សែភ្នែកព្រាន រាយមន្តស្នេហ៍អីជាដើម... ត្បិតតែពួកយើងជា ហ្គេយ៍តែពួកយើងអត់មានញិកញ៉ក់អោយអ្នកណាចាប់ថ្នាក់ទេ ម្យ៉ាង​យើងនិយាយឈ្មោះកូលាប ស្តាប់ទៅអ្នកណាក៏ថាយើងនិយាយពីមនុស្សស្រីដែរ​។ ពេលលាគ្នាត្រឡប់មកផ្ទះវិញ​គិតលុយអស់ម្នាក់ៗក្បែរ10$ (ចេញស្មើ)​ ខ្ញុំហុចដៃចាប់គាត់បំណងថាលាគ្នាតែពេជ្រគាត់ទាញខ្ញុំអោបហើយគោះស្មាខ្ញុំ អរគុណបង​ មកកំដរប្អូន។ ពេលមកដល់ផ្ទះ ខ្ញុំឃើញពេជ្រ message មក​ (ដល់ផ្ទះនៅបង? បើដល់ប្រាប់ប្អូនផង ប្អូនបារម្ភ😍)​ ខ្ញុំហាក់ប្លែកចិត្តមិនយល់ថា​ពេជ្រគេកំពុងចង់ធ្វើអ្វី? គេរកខ្ញុំអោយជួយនិយាយជាមួយកូលាប អោយជួយយល់ចិត្តគេ តែទង្វើគេដូចញ៉ែខ្ញុំមេចទេ។ ខ្ញុំថាអាគាត់នេះ​ បែបចរិតឃើញញ៉ែចឹង បានកូលាបប្រចន្ឌណាស់។ នេះបែបគិតថាខ្ញុំ ណឹង​ បថមដូចកូលាបដឹងបានញ៉ែញ៉ងចឹង។
<បាទប្អូនបងមកដល់ផ្ទះហើយ... ចាំបងរកពេលពន្យល់កូលាប អោយគាត់និងប្អូនបានយល់ចិត្តគ្នាវិញណា។ បងចង់ឃើញគូស្នេហ៍ហ្គេយ៍អាចស្រលាញ់គ្នាស្មោះស្មគ្រមិនចាញ់ប្រុសស្រីទេ>
មួយសន្ទុះសម្លេងសារតបមកវិញ
< បាទបង បើកូលាបចេះគិតដូចបងគឺគួអោយស្រលាញ់ណាស់💋>
ខ្ញុំ តបទៅវិញរាងវែងដែរ ព្រោះ​គិតថា​ពេជ្រកំពុងទាញខ្ញុំអោយក្លាយជាជនទី៣ហើយ
< ប្អូនមិនទាន់ស្គាល់បងទេ ទើបគិតថាបងគួរអោយស្រលាញ់...តាមពិត បងជាមនុស្សដែលមិនចេះស្រលាញ់អ្នកណាទេ​ ហើយបងក៏មិនអាចលះបង់ខ្លួនឯង​ផ្គាប់ចិត្តគូស្នេហ៍​ដូចកូលាបដែរ​ ។ បងមិនស្អាត ហើយបងក៏មិនចង់ធ្វើជាមនុស្សចាញ់ដែរ មនុស្សចាញ់គឺមនុស្សចាញ់ស្នេហ៍គេ លែងគិតពីខ្លួនឯង គិតមេចអោយតែបានគេស្រលាញ់>។
បែបនេះជាសារលើកចុងក្រោយហើយដែរខ្ញុំបានលេងជាមួយេពេជ្រ... ព្រោះ​បន្ទាប់ពីណឹងមក ពួកយើងដូចទឹកនិងប្រេង (តើអ្នកអានគិតថា នឹងមានអ្វីកើតឡើងរវាងខ្ញុំនិងពេជ្រ? សូមរង់ចាំចម្លើយនូវភាគបន្ទាប់)