រឿង ម្ចាស់គ្រងបេះដូង💜 ភាគទី៨

រឿង ម្ចាស់គ្រងបេះដូង 

ភាគទី៨

និពន្ធដោយ Pii Chhay

#Khmer_Novel69

ព្រឹកនេះខ្ញុំក្រោកមុននាឡិការោទិ៍ទៀតព្រោះគ្មានបានដេកអីទេយប់មិញ។ បិទភ្នែកនឹកឃើញតែមុខសោកសៅរបស់គេ។ ហឿយតើគេបាត់ខឹងខ្ញុំនៅណ៎? តេីខ្ញុំត្រូវរៀបពាក្យសុំទោសគេយ៉ាងមិចទៅ? អូយយយយ កាន់តែគិតកាន់តែស្មុគ ងូតទឹកទៅរៀនវិញ។ ក្រោយពីងូតទឹករៀបចំខ្លួនរួចខ្ញុំក៏ចុះទៅក្រោមញ៉ាំអាហារពេលព្រឹកជុំគ្នា។ ម៉ាក់ឃើញខ្ញុំភ្លាមក៏និយាយឡើង 

”ថ្ងៃនេះក្រោកលឿនម៉េសកូន” មើលទៅម៉ាក់ដូចជាបាត់ខឹងនឹងខ្ញុំហើយ រៀងធូរចិត្តតិច។  

”ភ្ញាក់ដឹងខ្លួនទាបភ្លឺហើយក៏ក្រោកម៉ងទៅម៉ាក់”  

”អង្គុយចុះទៅម៉ាករៀបបបរឲ្យ” ម៉ាកដែលកំពុងរៀបចំអាហារពេលព្រឹកស្រាប់នោះក៏ដួសបបរដាក់ឲ្យខ្ញុំមុនគេ។  

”ម៉ាក់ឲ្យខ្ញុំសុំទោសរឿងពីម្សិលមិញណា ដែលធ្វើឲ្យម៉ាក់អារម្មណ៍មិនល្អ” ម៉ាក់ដើរមកអង្អុយទល់មុខខ្ញុំហើយនិយាយ 

”អ្នកដែលគួរលឺពាក្យនឹងគឺហ៊ាងបានត្រូវ ម៉ាក់មិនដែលខឹងឬអារម្មណ៍មិនល្អដាក់កូនទេ ព្រោះកូនជាកូនម៉ាក់” សូម្បីម៉ាក់ក៏គិតដូចហ៊ាដែរ។  

”វ៉ាវៗៗ ថ្ងៃនេះមានអ្នកមកចាំតុមុនទៀត” តួឈ្នានីសមកទៀតហេីយ។  ហ៊ាដើរចុះមកឃើញខ្ញុំក៏និយាយឌឺភ្លាម។ ខ្លាំងដៃណាស់ 

”ក្មេងល្អចឹងហើយ” 

”បាទល្អគ្មានពីរទេឯងនឹងនោះ” មុននឹងដាក់គូទអង្អុយមិនភ្លេចឡើយអារឿងញីសក់ក្បាលនឹង។  

”បើដឹងចឹងល្អហើយ” ខ្ញុំនិយាយលាតអណ្តាតដាក់គាត់។ ហើយប៉ានឹងបងស្រីក៏ចុះមកដែរ ពួកយើងក៏ចាប់ផ្តើមអាហារពេលព្រឹកទាំអស់គ្នា។ ក្រោយពីអាហារពេលព្រឹកហើយហ៊ាក៏មកប្រចាំកន្លែងដើម្បីជូនខ្ញុំទៅរៀនដូចរាល់ដង។ 

លឿនណាស់ៗៗ ចេញចូលៗដាច់អស់មួយព្រឹកទៀតហើយ ហ៊ាក៏មកទទួលខ្ញុំដូចសព្វដង។ ពេលវេលាដើរលឿនមែន រកតែខ្ញុំឆ្លៀតពេលធ្វេីអីក៏មិនចង់ទាន់ដែរ។ មកដល់ផ្ទះញ៉ាំបាយរៀបចំងូតទឹកអីហើយក៏ជិតដល់ម៉ោងទៅរៀនថ្ងៃបន្តទៀត ខ្ញុំនៅធ្វើចិត្តមិនទាន់រួចផង។ អាននេះអាននោះចុចមើលនេះមើលនោះហ៊ាក៏ឡើងមកហៅ ដល់ម៉ោងទៅសាលាទៀតហើយ។  

”មិចហើយរៀបពាក្យនិយាយជាមួយគេហើយនៅ” ជិះបានពាក់កណ្តាលផ្លូវហ៊ាក៏និយាយឡើង។  

”គ្រាន់តែសុំទោសសោះចាំបាច់រៀបពាក្យដែរ” 

”ពាក្យសុំទោសវាស្តាប់ទៅដូចធម្មតាមែន តែបើអ្នកនិយាយមិនឲ្យតំលៃលើវា វាក៏គ្មានន័យដែរ” គ្រូអាចារ្យចូលខ្លួនហើយហ៊ាខ្ញុំ។  

2 / 8

”បាទ ខ្ញុំម្ចាស់ជ្រាបហើយ” ខ្ញុំលេីកដៃក្រាបសំពញហ៊ា តែគាត់មកខោកក្បាលខ្ញុំលឺសូរ ឃ្លូសសស 

ទីបំផុតក៏បានមកដល់សាលាហើយ។ ខ្ញុំរុញទ្វារថ្នាក់ចូលហើយកន្លែងដែលខ្ញុំសំលឹងមើលមុនគេគឺតុដែលនៅក្រោយខ្នងខ្ញុំ។ ខ្ញុំរាងចម្លែកចិត្តបន្តិចដែលឃើញមានតែបងយុទ្ធម្នាក់។ បងយុទ្ធញញឹមដាក់ខ្ញុំតាំងពីមាត់ទ្វារមកខ្ញុំក៏ញញឹមតបទៅវិញ។ តើគេទៅណាគេនឹង?  

”Hiទូ ស្មានតែមិនមករៀនទៀតហើយ” ដាក់គូទអង្គុយចុះមិនទាន់ស្រួលផងបងយុទ្ធក៏រាក់ទាក់មក។  

”អត់មកមិចបានបងខាតរៀនអស់មួយថ្ងៃហៃ”  

ក្រាកកកក និយាយជាមួយបងយុទ្ធចប់ហើយខ្ញុំក៏បានលឺសំលេងទ្វារថ្នាក់បើក។ ខ្ញុំងាកទៅក៏ឃើញថាជាគ្រូសោះ ខំនឹកគិតថាជាគេម្នាក់នោះ។ នេះគេមិនមករៀនទេហៃ ចង់ងាកទៅសួរបងយុទ្ធដែរតែខ្លាចគាត់គិតថាយើងខ្វល់ពីគេ។ ចាំមើលតិចទៀតសិនមើលក្រែងគេមានការរវល់មកយឺត។  

”Ok class this is your homework for today. see you guys tomorrow” ម៉ោងទីមួយត្រូវបានបញ្ចប់ទៅហេីយ តែខ្ញុំនៅមិនទាន់ឃើញសូម្បីស្រមោលរបស់គេទៀត។ គេកើតអីគេនឹងបានមិនមករៀនចឹង។ ខ្ញុំកាន់តែអន្ទះសារ បងយុទ្ធក៏មកបបួលទៅកន្លែងបងស្នាទៀត។ ខ្ញុំដើរបណ្តើរជាមួយបងយុទ្ធដោយមិនមាត់អីទាំងអស់រហូតមកដល់កន្លែងបងស្នា។  

”សួស្តីប្រុសស្អាត” បងស្នារាក់ទាក់ខ្ញុំភ្លាមគ្រាន់តែមកដល់ 

”បាទ សួស្តីបងប្រុសមិនសូវស្អាតហាហាស”ខ្ញុំវៃបកទៅគាត់វិញ 

”ធ្វើមិចគេបានសម្រស់” 

”ធម្មតាៗ” 

”ហាហាហា សួស្តីយុទ្ធ ថ្ងៃនេះមកតែពីរនាក់ទេហ៎ ឯណាហ៊ាង?” ជាសំនួរដែលខ្ញុំចង់ដឹងបំផុត។ ខ្ញុំខំនៅស្ងៀមកុំឲ្យបងយុទ្ធដឹងថាខ្ញុំចាប់អារម្មណ៍ 

”សួស្តីបង អាហ៊ាងមិនបានមកទេ វាមានបញ្ហាតិចតួច” បញ្ហាតិចតួចនឹងពាក់ព័ន្ធជាមួយខ្ញុំអត់ទេ។  

”អឹម មោះចឹងចូលអង្គុយសិនមក” 

”បាទបង” ខ្ញុំនិងបងយុទ្ធក៏នាំគ្នាចូលក្នុងហាង ខ្ញុំអង្គុយទល់មុខគាត់។ គាត់ក៏សួរឡើង 

”ទូញ៉ាំអី?“ 

”អឹមម យកដូចលើកមុនក៏បាន” 

3 / 8

”អូខេចាំបងទៅកុម្ម៉ងឲ្យ” ហើយគាត់ក៏ដើរទៅបាត់ដោយមិនចាំបងស្នាមកទទួលការកុម្ម៉ង។ ស្ងាត់ៗខ្ញុំក៏នឹកឃើញដល់គេទៀតហើយ ចង់ដឹងណាស់តើគេបាត់ទៅណា? តើវាមានពាក់ព័ន្ធអីនឹងខ្ញុំអត់?  

”អេទូ រវើរវាយដល់ណាទៀតហើយ?” បងយុទ្ធចូលមកកាត់ចង្វាក់អស់អាលីង។  

”គិតនេះគិតនោះតិចតួចនឹងណា” 

”គិតដល់អាប៉បមែន?” មិចបានគាត់ដឹង 

”មានរឿងអីខ្ញុំត្រូវគិតដល់គេ”  

”បងមិនមែនល្ងង់ដល់ថ្នាក់មើលមិនដឹងទេ អាសារងាកក្រោយនឹងបើរមិនរកវាតើរកអ្នកណា?” នេះនៅក្នុងថ្នាក់បងយុទ្ធសង្កេតខ្ញុំរហូតផង។  

”ខ្ញុំមានបានងាករកមើលគេឯណា”  

”មិនបាច់កុហកបងទេ វាផ្អាករៀនមួយរយះសិន” 

”មិចបានចឹង? គេមានបញ្ហាអី? គេឈឺមែន? ហេតុអីបានចង់ឈប់រៀន…..ហេីយយ ហេីយ”  

”ឈប់ៗ ក្រែងមិញថាមិនគិតដល់គេ ហី៎មិចបានសួរសុទ្ធតែទាក់ទងពីគេ” គាត់ដាក់មួយឃ្លានេះមកខ្ញុំក្តៀនតែម្តង។ ខ្ញុំអួលណែនដល់បាក់ទឹកមុខភ្លាមៗ។  

”ដោយសារតែរឿងម្សិលមិញមែន? នេះគេលេងមែនតែនដល់ថ្នាក់នឹងផងហ៎” 

”បើចង់ដឹងអាចទៅសួរវាផ្ទាល់បាន”  

”គេអាចមិនចង់ឃេីញមុខខ្ញុំទៀតទេ” 

”ប្រហែលជាខឹងខ្ញុំខ្លាំងណាស់ហើយ បានដល់ថ្នាក់ហ៊ានធ្វើបែបនេះ” ខ្ញុំនិយាយឈ្ងោកទាំងមុខ។  

”មែនហើយតាំងពីបងស្គាល់វាមកវាមិនដែលខឹងនរណាខ្លាំងបែបនេះឡើយ” ហ្អាហ្អា ថាមែនៗ ស្តាប់ពាក្យសំដីគាត់នេះហើយខ្ញុំរឹតតែវេទនាទ្រូងថែមទៀត។  

”តែបងក៏មិនដែលឃើញវាខ្វល់ខ្វាយពីអារម្មណ៍អ្នកណាដូចអូនពីមុនមកដូចគ្នា”  

”បងចង់មានន័យថាមិច?” លឺពាក្យនេះភ្លាមខ្ញុំងើយមើលមកបងយុទ្ធផ្លឹសៗ ដូចមិនសូវច្បាស់ន័យសោះ។  

4 / 8

”តាំងពីតូចមកក្រៅពីបង បងមិនដែលឃើញវាយកចិត្តទុកដាក់នឹងអ្នកណា បារម្ភពីអ្នកណា និយាយច្រើនជាមួយអ្នកណាឡើយ សឹងតែមនុស្សស្រីដែលវាធ្លាប់ទាក់ទងក៏វាមិនដែលខ្វល់ខ្វាយដែរ ទើបតែបានមកជួបទូ អ្វីៗបានផ្លាស់ប្តូរទាំងស្រុង” ខ្ញុំស្តាប់គាត់និយាយយ៉ាងយកចិត្តទុកដាក់បំផុត។ គាត់ចង់ប្រាប់អ្វីម្យ៉ាងដល់ខ្ញុំមែននឹង។  

”បងចង់និយាយពីអីឲ្យប្រាកដនឹងខ្ញុំវង្វេងអស់ហើយ រឿងខ្ញុំវាទៅពាក់ពន្ធ័អីនឹងអ្នកដែលគេធ្លាប់ស្គាល់ទៅ?” 

”មិនយូរទេទូនឹងដឹងខ្លួនឯងហើយ” អឹមម ស្អប់ណាស់អាបង្ហើបឲ្យគេដឹងហើយមិនប្រាប់ឲ្យអស់នឹងហេ។ ចូលចិត្តណាស់អាសើយសារ៉ុងហើយខ្ចិបវិញនឹងហ៎ា។  

”លូវផ្អាកឈប់និយាយរឿងនឹងសិនទៅ ឆាប់ញ៉ាំទៅជិតដល់ម៉ោងចូលរៀនហើយ” លឺបែបនេះខ្ញុំក៏លើកនាឡិកាមើលឃើញថាខ្វះ១០នាទីទៀតចូលរៀនហើយ ក៏ឈប់សួរនាំទៀត។ គិតតែពីញ៉ាំបណ្តើរគិតពីពាក្យសំដីបងយុទ្ធនិយាយអំប្បាញ់មិញរហូត។ តេីខ្ញុំបានទៅធ្វេីស្អីឲ្យគេផ្លាស់ប្តូរខ្លះទៅ បានបងយុទ្ធធ្វេីដូចជារឿងធំដុំម៉េស? ហេីយបងយុទ្ធក៏ចឹងដែរ បេីជ្រុលនិយាយហេីយមិនព្រមនិយាយមកឲ្យចប់ៗទេ នៅផុតលេីផុតក្រោយហ្នឹង។ ហ៊េីយយស៊ីបាយសិនទៅ ចាំតាមសួរពេលក្រោយទៀត។ បន្ទាប់ពីញ៉ាំអីរួចរាល់ហើយពួកយើងក៏ឡើងមកថ្នាក់វិញ។ អូ នៅមានរឿងមួយទៀតដែលចាប់អារម្មណ៍ ខ្ញុំគិតថាបងយុទ្ធដូចជាចំលែកដោយថ្ងៃនេះគាត់មិនសូវនិយាយលេងច្រើនជាមួយដូចរាល់ដងសោះ ព្រោះតាំងពីដើរឡើងមកគាត់មិននិយាយអ្វីសំដីមួយមាត់។ សូម្បីតែពេលនេះក៏ចឹងដែរ គាត់គិតតែពីងេីយសំលឹងមេីលក្តារខៀនភ្លឹកៗរហូត។ មេីលទៅដូចមានរឿងអីក្នុងចិត្តច្រេីនជាងខ្ញុំទៀត។  

គ្រឺងៗៗៗៗ យេយយយ ដល់ម៉ោងទៅផ្ទះហើយ។ ថ្ងៃនេះខ្ញុំគ្មានអារម្មណ៍រៀនផង បន់ឲ្យតែដល់ម៉ោងចេញឲ្យលឿនៗទេ។ គ្រាន់តែលឺសំលេងកន្តឹងភ្លាម ខ្ញុំក៏ប្រញាប់រៀបចំសៀវភៅយ៉ាងលឿនព្រោះមានកន្លែងមួយដែលត្រូវទៅដោះស្រាយ។  

”ទូថ្ងៃនេះបងប្រុសមកយកមែន?”រៀបសៀវភៅសុខៗបងយុទ្ធក៏សួរ។ ក្រោយេពីមិនបាននិយាយគ្នាពេញមួយម៉ោង។  

”បាទបង” 

”អឹម គាត់មកដល់នៅ?” 

”យប់តិចបានគាត់មកយក” 

”មិចចឹង ទូត្រូវទៅណាមែន?” 

”បាទ ខ្ញុំចង់ទៅផ្ទះហ៊ាងជាមួយបងដែរ”  

”បងមានបញ្ហាអីមែន ឬក៏បងមានធុរះកន្លែងផ្សេង?” គាត់ស្ងាត់មិនសួរតទៀត។ ខ្ញុំក៏សួរបន្ថែម 

”អរ អត់ទេបងគ្រាន់តែចម្លែកចិត្ត” 

5 / 8

”ខ្ញុំក៏ចម្លែកចិត្តដូចគ្នាដែរ ហិហិហិ តោះខ្ញុំហើយៗឆាប់ទៅ”  

ថ្ងៃនេះបងយុទ្ធយកឡានមកខ្លួនឯងព្រោះមិត្តសំលាញ់មិនបានមក។ និយាយទៅគេពីរនាក់ហ្នឹងទ្រព្យមានប្រជែជគ្នា លោកហ៊ាងនោះMercedesទៅ ឯបងយុទ្ធវិញBMWទៅ គេចេះរកគ្នាឃើញណ៎។  

”ទូឃ្លានទេ?” ចូលមកដល់ក្នុងឡានហើយបងយុទ្ធក៏និយាយមុន។  

”អត់ទេ ខ្ញុំចង់ទៅផ្ទះហ៊ាងច្រើនជាង” ដូចជាភ្លាត់ស្នៀត។  

”មើលទៅទូដូចជាចង់ជួបអាប៉បខ្លាំងណាស់”  

”ការពិតទៅមិនចង់ជួបអីទេ គ្រាន់តែចង់ទៅសុំទោសគេតែប៉ុណ្ណោះ”  

”ច្បាស់ណាថាគ្រាន់តែប៉ុណ្ណឹង?” 

”ច្បាស់ហើយ បងគិតថាខ្ញុំនឹងចង់ទៅឈ្លោះគ្នាជាមួយគេណាស់ទៅហី៎?”  

”អាសៗ បងជឿក៏បាន” 

”គឺត្រូវតែចឹង” ហើយខ្ញុំញញឹមស្ញេញដាក់គាត់។ គាត់បានត្រឹមញញឹមតបមកខ្ញុំវិញរួចក៏បើកឡានចេញទៅបន្ត។ ថ្ងៃនេះឡានដូចមិនសូវស្ទះទេទើបធ្វើឲ្យការធ្វើដំណើរមានភាពងាយស្រួល។ នៅក្នុងឡានពួកយើងមិនបាននិយាយអីច្រើនឡើយក្រៅពីមេរៀនព្រោះមុននឹងខ្ញុំស្តាប់មិនសូវយល់រវល់តែគិតរឿងផ្សេង។ បងយុទ្ធក៏មិនបានបង្វែងរឿងរញ៉េរញ៉ៃអីដែរ។ ជិះបានបន្តិចឡានក៏បានបត់ចូលក្នុងបុរីមួយដែលប្រមូលផ្តុំទៅដោយផ្ទះវីឡាធំៗដែលមានស្ទាយនិយមដូចខាងពួកបស្ចិមប្រទេស វ៉ាវ ពិតជាមានបោះគេមែន។ ឡានបេីកទៅតាមបណ្តោយផ្លូវជារឿយៗ រហូតបងយុទ្ធបេីកមកឈប់ពីមុខខ្លោងទ្វារផ្ទះវីឡាទោលមួយដែលមានការរចនាយ៉ាងទាន់សម័យ ត្រសងដោយសួរផ្កាអមសងខាងផ្លូវដើរទៀតពិតជាស្អាតមែន។  

”នេះផ្ទះរបស់គេមែន?” សួរឲ្យប្រាកដចិត្ត 

”ហ្នឹងហើយ តោះចុះទៅបងនាំទៅខាងក្នុងជួបវា” និយាយហើយគាត់ក៏បើកទ្វារចុះទៅចុចកន្តឹងផ្ទះ ខ្ញុំក៏ចុះទៅតាម។ ស្រាប់តែមានស្រ្តីម្នាក់ដើរមកបើកទ្វារឲ្យយើង។  

”អ៉ាវវវ ក្មួយយុទ្ធទេអី បងរកអ្នកប្រុសតូចមែន?” 

”បាទអ៊ុំសយ វានៅអត់?” 

6 / 8

”នៅតើ ថ្ងៃនេះសម្ងំក្នុងបន្ទប់ពេញមួយថ្ងៃហើយ បានក្មួយយុទ្ធមកចឹងល្អហើយ មោះចូលមកសិនមក” ហើយគាត់ក៏បើកទ្វារឲ្យយើងចូល 

”អ៊ុំសយ នេះទូមិត្តភក្តិនៅសាលា” បើកទ្វាហើយភ្លាមបងយុទ្ធក៏ណែនាំខ្ញុំឲ្យអ៊ុំសយស្គាល់។  

”ជំរាបសួរអ៊ុំស្រី” ខ្ញុំលើកដៃសំពះជំរាបសួរគាត់ ហើយគាត់ក៏ញញឹមតបមកវិញ។ គាត់មើលទៅប្រហែលជាអ្នកនៅជាមួយហើយ អាយុប្រហែល៥០ជាង។  

”ចា ថ្វាយព្រះក្មួយ មិត្តដំបូងហើយនៀកដែលក្មួយយុទ្ធនាំមកជួបអ្នកប្រុសតូច”  

”បាទអ៊ុំ” ពួកគាត់និយាយគ្នាបណ្តើរដើរចូលក្នុងផ្ទះបណ្តើរ។ ចូលមកដល់ក្នុងផ្ទះខ្ញុំក៏បានឃើញមនុស្សស្រីម្នាក់អាយុប្រហែលនឹងម៉ាក់ខ្ញុំដែរកំពុងអង្គុយលើសាឡុងមើលទូរទស្សន៍។ ខ្ញុំដឹងភ្លាមថាជាម្តាយរបស់គេ កូនហើយម្តាយពិតជាមិនខុសគ្នាមែន។ ជំទាវស្រីតែម្តង 

”ស្មានតែអ្នកណា ក្មួយយុទ្ធសោះ ហើយចុះនេះអ្នកណាដែរ?” គាត់និយាយជាមួយបងយុទ្ធហើយក៏ងាកមកមើលខ្ញុំ។   

”ជំរាបសួរអ្នកមីង ខ្ញុំឈ្មោះទូត្រូវជាមិត្តរួមថ្នាក់ជាមួយបងយុទ្ធនិងហ៊ាង” ខ្ញុំលើកដៃសំពះជំរាបសួរគាត់ 

”មិនដឹងសោះក្រៅពីយុទ្ធទៅ អាកូនមួយនឹងនៅមានមិត្តមកលេងដល់ផ្ទះទៀត” គាត់និយាយហើយសើចមកខ្ញុំ ខ្ញុំមិនដឹងតបយ៉ាងមិចបានត្រឹមញឹមៗទៅគាត់វិញ។  

”បែបមានតែមួយនឹងទេដឹងអ្នកមីង” 

” យាយចឹងអាប៉បនៅក្នុងបន្ទប់មែនអ្នកមីង?”  

”ចា តាំងពីចេញពីរៀនព្រឹកមិញមកគិតតែពីសម្ងំក្នុងបន្ទប់មីងហៅញ៉ាំបាយក៏មិនចុះហៅទៅរៀនប្រាប់ថាមិនចង់ មិនដឹងកើតស្អីគាត់ទេថ្ងៃនេះ” ខ្ញុំលឺហើយដូចកាន់តែយ៉ាប់ចិត្តយ៉ាងមិចមិនដឹងទេ។  

”ចឹងខ្ញុំសុំនាំមិត្តម្នាក់នេះទៅជួបវាបន្តិចណាអ្នកមីង” 

”ចាជួយមើលគេផងណា មីងបារម្ភ” 

”បាទអ្នកមីង” ហើយបងយុទ្ធក៏នាំខ្ញុំឡើងមកលើបន្ទប់របស់គេ។   

តុតៗៗ សំលេងគោះទ្វារបានបន្លឺហេីយ តែអ្នកនៅខាងក្នុងដូចគ្មានប្រតិកម្មអីសោះ។  

”អាប៉បបើកទ្វារ  អញណា” មិនឃេីញមានចសកម្មភាពតបតរអីបងយុទ្ធក៏ស្រែកពីក្រៅទៅម្តង។ 

7 / 8

ក្រាកកកកក ស្ងាត់បានបន្តិចទ្វារក៏បើកឡើង។ គេបើកទ្វារចេញមកក្នុងឈុតគេងពណ៌ស្វាយក្រម៉ៅ។ គេប្រហែលជាភ្ញាក់ផ្អើលហើយមើលទៅដែរឃើញមុខខ្ញុំមកឈរពីមុខបែបនេះព្រោះឃើញគេបើកភ្នែកធំៗសម្លឹងមកខ្ញុំ។  

”មានការអីអាយុទ្ធ?” តែពេលនេះគេបែរមុខចេញពីខ្ញុំទាំងគ្មានអារម្មណ៍អីទាំងអស់។  

”អញនាំភ្ញៀវមកជួប” គេក៏បែរមើលមកខ្ញុំម្តងទៀត ម្តងនេះជាខ្សែភ្នែកសោះកក្រោះមែនទែន វាធ្វើឲ្យខ្ញុំពិបាកទទួលយកជាងម៉ែជេរទៅទៀត។  

”ភ្ញៀរបស់ហែងតើ អញមិនបានអញ្ចើញមកទេ” ផាច់ ដូចគេទះមួយដៃចំកណ្តាលមុខ។ ខ្ញុំស្ពឹកមុខទះលែងដឹងឈឺអស់ហើយ 

”ល្មមៗបានហើយអាប៉ប ប្អូនខំមករកដល់ផ្ទះស្វាមគន៍បន្តិចវាងាប់អីហា” គេស្ងាត់មាត់តែបែរជាសម្លឹងមកខ្ញុំដោយកែវភ្នែកដែលចាក់ជ្រៅដល់ចិត្ត។   

”មានការអី ឆាប់និយាយមកខ្ញុំនឹងអាលបានដេកត” ខ្ញុំមិនដឹងថាបងយុទ្ធទទួលស្តាប់ពាក្យគ្រោធគ្រាតពីគេបានយ៉ាងមិចទេ។ តែសំរាប់ខ្ញុំវាពិបាកទទួលយកណាស់។  

”ទូគេ….” 

”ឈប់ភ្លាមអាយុទ្ធ អញមិនបានសួរហែង” បងយុទ្ធស្ងាត់មាត់ដូចគេរូតបិទជិត។   

”បងយុទ្ធបងចុះទៅក្រោមសិនទៅ ខ្ញុំអរគុណច្រេីនហេីយ”  

”ចឹងទូនិយាយគ្នាជាមួយវាសិនទៅណា មានការអីស្រែកហៅបងមក” 

”ហែងខ្លាចអញហែកស៊ីប្អូនហែងមែន”សម្តីមួយម៉ាត់ៗមកចត់បាយ 

”អឺ ហើយហែងចង់ស៊ីមែនអត់” បងយុទ្ធដាក់ទៅវិញធ្វើឲ្យគេប្រែទឹកមុខ។ ទឹកមុខដែលខ្ញុំស្មានមិនត្រូវ។ ស្អីស៊ីស្អី ខ្ញុំមិនមែននំចំនីទេវើយ 

”បានហើយបងយុទ្ធ បងទៅក្រោមចុះ ខ្ញុំសុំនិយាយជាមួយគេតែម៉ាភ្លែតទេ” ខ្ញុំចូលកាត់ព្រោះមិនចឹងខ្ញុំអស់បាននិយាយហើយ។ បងយុទ្ធលឺបែបនេះក៏ព្រមដើរចុះទៅក្រោមនិយាយលេងជាមួយម៉ាក់គេវិញ។  

”វាទៅបាត់ហើយបានការអីនិយាយមក” ពាក្យសម្តីស្តាប់មើលទៅដូចស្អប់ខ្ពើមខ្ញុំណាស់ចឹង។ ឈឺចិត្តណាស់ 

”ខ្ញុំចង់ដឹងថាលោកកើតអីឬអត់បានជាមិនឃើញទៅសាលា។” ដឹងហើយនៅសួរទៀត។ សំនួរដូចមិនសូវស៊ីសោះ  

”តែប៉ុណ្ណឹងទេ? ខ្ញុំមិនងាយងាប់ទេ” មួយម៉ាត់ៗមកដូចលេបគ្រោះចឹង 

8 / 8

”បើអស់អីហើយសុំអញ្ចើញទៅវិញចុះ” គេឃេីញខ្ញុំមិនទាន់តបក៏និយាយបន្ត ហើយបែរខ្នងបម្រុងបិទទ្វារទៅហើយ ខ្ញុំក៏ស្រែកកាត់មុន 

”ខ្ញុំសុំទោស”
សូមរងចាំតាមដានភាគបន្ត