រឿង អ្នកបំរើប្រុស ​ភាគទី២

រឿង អ្នកបំរើប្រុស

​ភាគទី២

និពន្ធដោយ Wine-Bank

#Khmer_Novel_69

មុននិងត​ សូមរំលឹករឿងមុនបន្តិច។ ស៊ីវនបានធ្វើអោយធារៈសន្លប់ស្របពេលដែលម្តាយគេត្រលប់មកវិញ ហើយម្តាយគេបានអោយគេធ្វើអោយធារៈដឹងខ្លួនវិញ ចាំមើលតើនិងមានអ្វីកើតឡើងបន្តទៀតៈ

យ៉ាប់ហើយខ្ញុំម្តងនេះ ហេតុអីបានជាស៊យទាំងព្រឹកបែបនេះទៅវិញ ធ្វើយ៉ាងម៉េចទៅទើបគេដឹងខ្លួនឡើងវិញ អរនឹកឃើញហើយ

@ភ្លើងឆេះផ្ទះហើយ ឆាប់ដឹងខ្លួនឡើង

គ្រាន់តែលឺសំលេងស៊ីវនស្រែកបែបនេះ ធារៈក៏ស្ទុះងើបយ៉ាងលឿន ដែលធ្វើអោយស៊ីវនគេឈរសើចយ៉ាងសប្បាយចិត្ត។ ពេលដឹងខ្លួនហើយធារៈក៏ងាកទៅសួរស៊ីវន

@ហេតុអីបានជាលោកវាយខ្ញុំដូចនេះ?

@មកពីខ្ញុំមិនដឹង ស្មានថាឯងជាចោរចូលលួចរបស់បានជាខ្ញុំវាយឯងដូចនេះទៅ ហើយឯងយ៉ាងម៉េចទៅហើយ?

@ខ្ញុំមិនអីទេ អរគុណចំពោះការស្វាគមន៏របស់លោកចំពោះខ្ញុំ

បន្ទាប់មកលោកអ៊ុំទាំងពីរគាត់ក៏មកណែនាំអោយខ្ញុំស្គាល់គេ

@ធារៈនេះជាកូនប្រុសកណ្តាលរបស់អ៊ុំ គេឈ្មោះស៊ីវន ចំនែកឯកូនស្រីអ៊ុំនាងឈ្មោះស៊ីនិន នាងទៅរៀនបាត់ហើយ៉

@បាទ លោកស៊ីវន ខ្ញុំឈ្មោះធារៈជាអ្នកបំរើនៅក្នុងផ្ទះរបស់លោក បើមានកិច្ចការអីសុំជួយណែនាំផង៉

@ខ្ញុំដឹងហើយមិនបាច់រៀបរាប់ទេ

@ស៊ីវន យ៉ាងម៉េចហ្នឹងកូនបានជានិយាយដាក់ធារៈបែបនេះទៅវិញ

@មិនអីទេលោកអ៊ុំ ខ្ញុំមិនប្រកាន់លោកស៊ីវននោះទេ

@យ៉ាងម៉េចឯងចង់ប្រកាន់ខ្ញុំឬ

@អត់ទេលោក អោយខ្ញុំសុំទោសផង

បន្ទាប់ពីនិយាយណែនាំគ្នារួចមកគេក៏រៀបចំខ្លួនទៅរៀនបាត់ទៅ។ ខ្ញុំមើលទៅគេដូចជាស្អប់ខ្ញុំខ្លាំងណាស់អញ្ចឹង និយាយស្តីចង់តែជេខ្ញុំ នេះខ្ញុំត្រូវតែប្រយ័ត្នបន្តិចហើយបើមិនអញ្ចឹងទេច្បាស់ជាបាត់បង់ការងារជាមិនខានទេខ្ញុំ។ ហ៊ីយឈប់គិតហើយប្រឹងធ្វើការវិញល្អជាងកុំគិតរឿងដែលឥប្រយោជន៏សំរាប់ខ្លួននោះអី។ បន្ទាប់មកខ្ញុំក៏រៀបចំខ្លួននិងរៀបចំឥវ៉ាន់នៅក្នុងផ្ទះ ហើយក៏ចេញទៅផ្សារដើម្បីទិញម្ហូបធ្វើអាហារសំរាប់ពួកគាត់ពេលត្រលប់មកពីធ្វើការវិញ។ថ្ងៃនេះពេលដើរផ្សារមានអារម្មណ៏ថាវិលមុខយ៉ាងម៉េចមិនដឹងទេ សង្ស័យតែមកពីត្រូវមួយដំបងហើយបានទៅជាបែបនេះ ពិតជាហេងទាំងព្រឹកតែម្តងហើយខ្ញុំ។

ពេលដែលពួកគាត់និងលោកស៊ីវនត្រលប់មកវិញខ្ញុំក៏រៀបចំអារហារពេលថ្ងៃត្រង់ហើយល្មម ហើយពួកគាត់ក៏រៀបចំខ្លួនមកញុំាបាយជុំគ្នាអត់តែអ្នកនាងទេដែលមិនបានមកផ្ទះព្រោះត្រូវរៀនបន្ថែមម៉ោងទៀត។

@ធារៈថ្ងៃនេះបានម្ហូបអីញុំាបាយទៅក្មួយ?

@បាទគឺលោកអ៊ុំ ថ្ងៃនេះក្មួយបានធ្វើឆាឆ្អឹងជំនីជ្រូកបំពងនិងស្ងោស្លឹកបាស

@មកម៉ាក់វាសាកភ្លក់សំលដែលក្មួយប្រុសធ្វើទៅមើលយ៉ាងម៉េចដែល?

បន្ទាប់ពីពួកគាត់ភ្ល់ម្ហូបហើយ ក៏សំលឹងមើលមុខរបស់ខ្ញុំ

@ម្ហូបមិនត្រូវចិត្តមែនទេលោកអ៊ុំ?

@មិនមែនទេ ប៉ុន្តែម្ហូបនេះក្មួយធ្វើបានឆ្ងាញ់ល្អណាស់ជាពិសេសគឺឆ្ងឹងជំនីជ្រូកបំពងនេះពិតជាស្រួយមែនហើយឆ្ងាញ់ទៀត

@បានហើយប៉ាម៉ាក់ខ្ញុំឃ្លានបាយហើយ កុំបញ្ចោរគេពេក នាំតែគេបានចិត្តនោះទេ

@អញ្ចឹងញុំាទៅកូន ទាន់ម្ហូបនៅក្តៅៗ តោះប៉ាវាហើយក្មួយមកញុំាជាមួយអ៊ុំដែលមក

@បាទមិនអីទេលោកអ៊ុំ ខ្ញុំទៅញុំានៅផ្ទះបាយបានហើយ

បន្ទាប់ពីនិយាយហើយខ្ញុំក៏ចូលមកផ្ទះបាយដើម្បីញុំាបាយប៉ុន្តែខ្ញុំលឺសំលេងរបស់ស៊ីវនគេនិយាយដូចគ្នានិងលោកអ៊ុំដែរ

@អរ ម្ហូបនេះពិតជាឆ្ងាញ់មែនមិនដឹងថាគេម្នាក់នេះធ្វើម្ហូបបានឆ្ងាញ់បែបនេះទេ

(ហើយចុះម៉េចអ្នកណាថាកុំសរសើរគេពេកនាំតែបានចិត្តទេ ប៉ុន្តែខ្លួនឯងក៏និយាយពីខ្ញុំដែល ធ្វើដូចជាណាស់អញ្ចងលោកស៊ីវន)។

ក្រោយពីញុំាបាយរួចខ្ញុំក៏ចេញមកយកចានទៅលាងហើយនិងរៀបចំកន្លែងញុំាបាយអោយមានរៀបវិញ។ ទំរាំតែធ្វើរួចកិច្ចការដល់ពេលល្ងាចបាត់ទោហើយ ហើយស៊ីវនគេក៏ទៅរៀនដែល។ ខ្ញុំមើលទៅគេដូចជាមិនពេញចិត្តនិងខ្ញុំនោះទេពេលទៅរៀនក៏សំលឹងមើលមកខ្ញុំដូចជាបិសាចចង់ជញ្ជក់ឈាមអញ្ចឹង ហើយនៅពេលដែលប៉ាម៉ាក់គេមិននៅបញ្ជាអោយខ្ញុំធ្វើសរសៃអោយទៀតពិតជាឡូយណាស់លោកនេះ តែខ្ញុំត្រូវតែធ្វើដើម្បីការងារមួយនេះទោះយ៉ាងណាក៏ខ្ញុំត្រូវតែទ្រាំដែល។ ពេលយប់បន្តិចលោកអ៊ុំទាំងពីររង់ចាំអ្នកនាងនិងលោកប្រុសមកពីរៀនវិញដើម្បីញុំាបាយជុំគ្នា។ ពេលអ្នកប្រុសចូលមកសល់ផ្ទះក៏សំលក់មុខខ្ញុំឡើងដូចជាខឹងពីណាគេមកអញ្ចឹង ចំនែកឯអ្នកនាងវិញពេលចូលមកក្នុងផ្ទះដោយឃើញខ្ញុំនាងមានអារម្មណ៏ភ្ញាក់ផ្អើលហើយនាងបានសួរប៉ាម៉ាក់របស់នាងទើបគាត់ប្រាប់នាងទៅ បន្ទាប់មកពួកគេទាំងអស់គ្នាក៏អង្គុយញុំាបាយជុំគ្នានិងនិយាយលេងជាមួយគ្នាយ៉ាងមានសុភមង្គលមែននៅក្នុងគ្រួសារនេះបើទោះបីជាមានគ្នាតិចក៏ដោយ។ បន្ទាប់ពីញុំាបាយរួចពួកគេក៏នាំគ្នាបែងចែកគ្នាអស់ លោកអ៊ុំទាំងពីរមកអង្គុយមើលទូរទស្សន៏ ចំនែកឯអ្នកប្រុសនិងអ្នកនាងនាំគ្នាចូលបន្ទប់រៀងខ្លួនអស់ ហើយខ្ញុំនៅលាងចាននិងរៀបចំកន្លែងរហូតដល់ម៉ោង១០ទើបរួច បន្ទាប់ពីនោះខ្ញុំក៏ចូលបន្ទប់ដែលលោកស្រីគាត់ជាអ្នកប្រាប់ថានេះជាបន្ទប់របស់ខ្ញុំតែចង្រៃអីនៅក្បែរបន្ទប់រប់លោកស៊ីវនទៀតពិតជាសយសំរាប់ខ្ញុំមែន។នៅម៉ោងប្រហែល១ទៅហើយគេក៏ហៅខ្ញុំអោយចិតផ្លែឈើអោយគេព្រោះគេមិនទាន់គេង ពិតជាយ៉ាប់មែនមិនដឹងម៉ោងគេដេកទេអីលោក ពេលកំពុងតែចិតនោះគេក៏អោយខ្ញុំចូលទៅក្នុងបន្ទប់របស់គេ ដែលចូលទៅដល់នោះគឺគេមិនស្លៀកខោអាវនោះទេ គេស្លៀកតែខោខ្លី យ៉ាប់មែនទែនហើយលោកនេះ កំពុងតែចិតផ្លែឈើហៅមកលើទៅវិញ

@មានការអីដែលលោកស៊ីវន?

@គឺមានកិច្ចការតិចតួចដែលខ្ញុំចង់ពិភាក្សាជាមួយឯងបន្តិច៉

@បានអញ្ជើញនិយាយមកចុះ

គេក៏រៀបរាប់រឿងរបស់គេអោយខ្ញុំស្តាប់។ម្នាក់នេះមើលទៅផ្តាច់ការមែនតែចេះលួចស្រលាញ់គេដែលតើស្មានតែហ្គេយផងពេលជួបដំបូងនោះសំណាងហើយដែលលោកចេះស្រលាញ់ស្រីមិនអញ្ចឹងទេដូចអ្វីដែលខ្ញុំគិតនោះច្បាស់ជាលើសពីយ៉ាប់ទៅទៀតលោកស៊ីវន។ គេនិយាយរៀបរាប់យ៉ាងច្រើនរហូតដល់ថ្នាក់ខ្ញុំងក់ម្តងៗហើយនៅពេលនិយាយនោះគេក៏សួរខ្ញុំថាតើត្រូវធ្វើអ្វីខ្លះសំរាប់មនុស្សដែលយើងលួចស្រលាញ់បែបនេះ?

@ខ្ញុំគិតថាលោកគួតែសារភាពប្រាប់នាងទៅថាលោកស្រលាញ់នាង ព្រោះថាបើលោកនៅតែបែបនេះទៀតអាចនិងមានអ្នកមកយកនាងទៅបាត់ក៏អាចថាបានដែរណា

@ខ្ញុំក៏គិតអញ្ចឹងដែល ប៉ុន្តែខ្ញុំខ្លាច

@លោកខ្លាចអីទៅ?

@ខ្ញុំខ្លាចពេលដែលសារភាពហើយនាងឈប់រាប់អាននិងខ្ញុំទៀត

@បើអញ្ចឹងវិញលោកអាចធ្វើជាមិត្តរបស់នាងបានដែរតើនៅពេលដែលនាងឆ្លើយសំនួរលោកបែបនេះនោះ

@ឯងនេះគ្រាន់បើណាស់ចេះបត់បែនគ្រប់កាលៈទេសៈ ខ្ញុំយកកុំឯងមកពិភាក្សាពិតជាមិនអត់ប្រយោជន៏នោះទេ

អរគុណដែលលោកបានសរសើរ តែពេលនេះម៉ោង៣ហើយណា ហើយស្អែកខ្ញុំត្រូវងើបពីព្រលីមទៀតព្រោះកិច្ចការផ្ទះច្រើនណាស់

(បើអត់ប្រយោជន៏ស្មានតែលោកហៅខ្ញុំមកមែនទេស្មានតែខ្ញុំមិនដឹងចរិកលោកអី)

@អូខេ អញ្ចឹងឯងទៅគេងទៅ ហើយចាំស្អែកខ្ញុំរកឯងទៀត

@បាទអរគុណហើយលោកប្រុស អញ្ចឹងខ្ញុំទៅគេងហើយ រាត្រីសួរស្តី

បន្ទាប់ពីពិភាក្សារួចខ្ញុំក៏ទៅបន្ទប់គេង ហើយក៏គេងលក់បាត់ទៅ។ ព្រឹកម៉ោង៦ខ្ញុំងើបឡើងហើយរៀបចំបោសជូតផ្ទះអោយស្អាតនិងរៀបចំធ្វើអាហារពេលព្រឹកជូនលោកអ៊ុំទាំងពីរនិងកូនរបស់គាត់។នៅម៉ោង៦កន្លះអ៊ុំប្រុសនិងអ៊ុំស្រីគាត់ចុះមកព្រមជាមួយនិងកូនស្រីរបស់គាត់ នៅតែលោកប្រុសស៊ីវនទេដែលមិនទាន់ងើបព្រោះគេរៀនពេលថ្ងៃ។ ពេលមកដល់តុអាហារអ៊ុំប្រុសនិងអ៊ុំប្រុសក៏មើលម្ហូបដែលមាននៅលើតុ

@ធារៈ ថ្ងៃនេះបានអីញុំាសំរាប់អាហារពេលព្រឹកហ្នឹងក្មួយ?

@បាទលោកអ៊ុំ ព្រឹកនេះមានបបរសាមចូកជាមួយនិងគុយទាវឆា

@អរ មើលទៅទំនងញុំាដល់ហើយប៉ាម៉ាក់ អ្នកនាងនិយាយ

@អញ្ចឹងសាកញុំាទៅមើល

បន្ទាប់មកពួកគាត់ក៏ដួសបបរដាក់ចានញុំាភ្លាមនោះគាត់ក៏ងាកមើលមុខខ្ញុំគ្រប់គ្នា(មានរឿងអីទៀតហើយ សង្ស័យតែបបរលើកនេះខ្ញុំធ្វើមិនឆ្ងាញ់ទេ ព្រោះព្រឹកនេះងងុយគេងសឹងស្លាប់ទៅហើយ)

@ធារៈ ក្មួយពិនធ្វើម្ហូបមែន អ៊ុំសុំសរសើរ

@ពិតមែនហើយប៉ាម៉ាក់គាត់ពិនធ្វើម្ហូបណាស់ ខ្ញុំនិងមកញុំាបាយនៅផ្ទះរាល់ថ្ងៃហើយមើលទៅ

@សូម្បីតែកូនស្រីអ៊ុំក៏សរសើរក្មួយដែរ។ ស្នាដែក្មួយពិតជាអស្ចារ្យមែន៉

@បាទអរគុណលោកអ៊ុំនិងអ្នកនាងហើយដែលបានសរសើរខ្ញុំ

បន្ទាប់ពីលោកអ៊ុំទាំងពីរនិងអ្នកនាងញុំាអាហារពេលព្រឹករួចមក ខ្ញុំក៏រើបចំកន្លែងញុំា ហើយនិងរៀបចំហារមួយសំរាប់លោកស៊ីវន ព្រោះគេងើបពីគេងក្រោយគេ។ នៅម៉ោង១០ព្រឹកគេក៏ភ្ញាក់ពីគេងហើយខ្ញុំក៏បោកខោអាវរួចរាល់ដែល។ បន្ទាប់មកគេក៏មកសួរខ្ញុំនៅកន្លែងហាលខោអាវ

@ធារៈថ្ងៃនេះឯងងើបម៉ោងប៉ុន្មាន?

(មានរឿងអីហ្នឹង ហេតុអីក៏គេមកសួរខ្ញុំបែបនេះទៅវិញនរ)

@ខ្ញុំងើបម៉ោងប្រាំមួយព្រឹកមានការអីមានទេលោកប្រុស?

@អញ្ចឹងតិចទៀតឯងទៅសំរាកទៅ ព្រោះយប់មិញឯងគេងបានតែបន្តិចទេ

(ទេលោកនេះ សង្ស័យតែលេបថ្នាំច្រលំទេដឹង)

@អរគុណលោកហើយមិនអីនោះទេ ព្រោះបើពេលនេះខ្ញុំសំរាក តើលោកអ៊ុំទាំងពីរមកពីធ្វើការវិញបានអីពិសារទៅ?

@អរត្រូវហើយ អូខេអញ្ចឹងចាំខ្ញុំទៅផ្សារដើម្បីទិញម្ហូបជាមួយឯងដែរចុះ

@បាទអញ្ចឹងក៏បាន សង្ស័យតែលាបថ្នាំខុសហើយមើលទៅនោះ

@ឯងនិយាយអីគេម៉េចហាស

@អរអត់មានអីទេ ខ្ញុំថាមិនដឹងត្រូវធ្វើម្ហូបអ្វីសំរាប់អាហារពេលថ្ងៃត្រង់នេះ ហើយអាហារពេលព្រឹករបស់លោកខ្ញុំបានរៀបចំនៅលើតុអាហារឯណោះ

@ខ្ញុំមិនញុំាទេ ចាំញុំាបាយថ្ងៃត្រង់វិញល្អជាង

(សង្ស័យតែមានបញ្ហាផ្នែកប្រពន្ធ័ប្រសាទហើយមើលទៅបានជាចរិកប្លែកៗបែបនេះ បើអញ្ចឹងមែនវីវរហើយខ្ញុំពេលនេះ ត្រូវមើលថែមនុស្សបែបនេះទៀតស្លាប់ជាមិនខានទេខ្ញុំ តែសង្ស័យតែមានល្បិចធ្វើបាបខ្ញុំផងក៏មិនដឹង ហ៊ីយទ្រាំៗទៅធ្វើម៉េចទេកម្មយើង)

នៅម៉ោង១០កន្លះខ្ញុំនិងស៊ីវនក៏ចេញទៅផ្សារដើម្បីទិញម្ហូប ប៉ុន្តែមិនមែនតែទិញម្ហូបមួយមុខនោះទេ គេនៅទិញខោអាវនិងរបស់ប្រើប្រាស់ជាច្រើនទៀតដែលធ្វើអោយខ្ញុំយួរឡើងចង់បាក់ដៃទៅហើយ ខ្ញុំថាហើយគឺមិនខុសទេមនុស្សម្នាក់នេះពិតជាពុតត្បុតណាស់មិនដែលមកធ្វើល្អដាក់យើងងាយៗនោះទេ។ បន្ទាប់ពីទិញម្ហូបនិងឥវ៉ាន់រួច ពួកយើងក៏មកផ្ទះដើម្បីរៀបចំធ្វើម្ហូបអោយលោកអ៊ុំទាំងពីរ។ ពេលកំពុងធ្វើគេក៏មកជិតខ្ញុំទៀត

@មានអីអោយខ្ញុំជួយទេ?

@មិនចាំបាច់ទេលោក ព្រោះខ្លាចពិបាកដល់ខ្ញុំទៀត

(ព្រឹកមិញមិនទាន់អស់ចិត្តមែនទេ បានមកចង់ធ្វើបាបខ្ញុំទៀត)

@មិនអីទេ ខ្ញុំក៏ចេះធ្វើខ្លះៗដែល អញ្ចងចាំខ្ញុំចិតបន្លែក៏បានដែល

និយាយរួចគេក៏យកកាំបិតទៅចិត្តបន្លែធ្វើព្រងើយ ហើយខ្ញុំក៏មិនមាត់អ្វីទៀតដែល ក៏រៀបចំធ្វើសាច់និងបន្លែផ្សេងទៀត។ មិនទាន់បាន៥នាទីផងក៏លឺសំលេងគេស្រែកបាត់ទៅហើយ

@អួយ មុតដៃហើយ

@យ៉ាងម៉េចហើយលោកប្រុស?

@មានយ៉ាងម៉េចគឺមុតដៃហ្នឹងណាចេះសួរចឹងកើត

@ខ្ញុំប្រាប់ហើយតើថាអោយប្រយ័តផង ឥលូវឃើញទេរបួសទៀតហើយ ពិតជាពិបាកដល់ខ្ញុំមែន

@ឯងចង់ថាយើងជាអ្នកធ្វើអោយឯងពិបាកមែនទេ?

@អត់ទេ មិនហ៊ាននោះទេ

@បានហើយយើងឈប់ធ្វើហើយ

គេនិយាយរួចក៏ងើបចេញពីតុធ្វើបន្លែហើយក៏ឡើងទៅបន្ទប់បាត់ទៅ

@ហេតុតែគេជាកូនអ្នកមាន មានបញ្ហាបន្តិចបន្តួចមិនចង់ប្រឈមមុខ តែខ្ញុំវិញត្រូវប្រឈមមុខគ្រប់រឿងទាំងអស់ ប៉ុន្តែយ៉ាងណាក៏សប្បាយចិត្តនិងធ្វើវាដែរ៉

បន្ទាប់ពីធ្វើម្ហូបឆ្អិនរួចមកលោកអ៊ុំទាំងពីរក៏មកដល់ផ្ទះល្មម ហើយខ្ញុំក៏រៀបចំអាហារអោយគាត់

@ធារៈ កូនអ៊ុំភ្ញាក់ពីគេងហើយឬនៅ?

@បាទលោកអ៊ុំ លោកប្រុសគាត់ងើបហើយ អញ្ជើញលោកអ៊ុំពិសារសិនចុះ ចាំខ្ញុំទៅហៅលោកប្រុសអោយចុះមក

@ហៅគេមកញុំាបាយមកទាន់ម្ហូបក្តៅៗ

@បាទលោកអ៊ុំ៉ (តាមពិតកូនរបស់លោកអ៊ុំគេងើបយូរហើយតែគេមិនដឹងពេលញុំាបាយនោះទេព្រោះរវល់តែFacebook)។ ពេលនៅពីមុខបន្ទប់គេ ខ្ញុំក៏គោះទ្វារហើយស្រែកហៅគេនៅខាងក្រៅ

@លោកប្រុស លោកអ៊ុំអោយមកហៅលោកប្រុសទៅញុំាបាយ

@ប្រាប់ពួកគាត់ទៅតិចទៀតខ្ញុំចុះទៅហើយ

គ្រាន់តែចុះមកដល់ខាងក្រោមលោកអ៊ុំក៏សួរខ្ញុំ

@ឯណាកូនអ៊ុំ?

@បាទលោកអ៊ុំ លោកប្រុសថាបន្តិចទៀតគាត់ចុះមកហើយ អញ្ជើញលោកអ៊ុំពិសារបាយមុនបណ្តើរៗសិនទៅ

@អញ្ចឹងតោះប៉ាវាញុំាបាយមុនកូនសិនទៅ ព្រោះតិចទៀតរវល់ផង

@ត្រូវហើយម៉ាក់វា

ពេលដែលពួកគាត់និយាយចប់ក៏នាំគ្នាពិសារបាយ ហើយចំណែកឯលោកប្រុសវិញនៅរៀបចំខ្លួនមិនដឹងជារៀបចំស្អីនោះទេ។

@លោកប៉ាអ្នកម៉ាក់ខ្ញុំមានរឿងចង់និយាយជាមួយបន្តិច

@មានការអីចាំពេលញុំាបាយរួចចាំនិយាយគ្នាណាកូន៉

@បាទលោកប៉ាអ្នកម៉ាក់

(តើពួកគាត់មានរឿងអីទៀតហើយណ សង្ឃឹមថាមិនមានរឿងដែលជាប់ពាក់ពន្ធ័និងខ្ញុំទៅចុះ ទេវតាអើយជួយកូនចៅផងចុះ ខ្ញុំសូមអង្វរព្រោះមិនចង់មានបញ្ហាជាមួយលោកប្រុសដ៏មហាឬកនោះទេ)

បន្ទាប់ពីពិសារបាយរួច ខ្ញុំក៏ប្រមូលចានយកមកផ្ទះបាយដើម្បីលាង ហើយនិងរៀបចំកន្លែងញុំាអាហារអោយមានរបៀបឡើងវិញ ប៉ុន្តែស្រាប់តែលឺអ្នកប្រុសគាត់និយាយលឺៗថា

ប៉ាខ្ញុំយកគេទោជាមួយខ្ញុំណាប៉ា តែ២អាទិត្យទេ ប៉ាដឹងស្រាប់ហើយថាខ្ញុំមិនចេះធ្វើអីនោះទេ ហើយសាលាគេថាអាចយកមិត្តភក្តិឬបងប្អូនទៅជាមួយបានណាប៉ា

@តែប៉ាថាបើឯងយកគេទៅ ម៉ាក់៝ងនិងច្បាស់ជារវល់ហើយ៉

(តើគេចង់យកខ្ញុំទៅណាណរពិតជាឆ្ងល់ណាស់)

@បានហើយប៉ាវា ឯងមើលមុខកូនយើងទៅពិបាកមើលណាស់ ណាមួយក៏ល្អដែលអោយធារៈទៅជាមួយបានមើលគ្នាផង

@មិនបាច់គេមើលនោះទេម៉ាក់

(មែនហ្នឹងចាំបាច់មើលធ្វើអីមនុស្សធំហើយហ្នឹង)

@តែពេលមានគ្រោះថ្នាក់ឬជួបបញ្ហាអ្វីមួយគេក៏អាចជួយកូនបានណា

@គេហ្នឹងហេសដែលអាចមើលថែខ្ញុំបាន សង្ស័យតែខ្ញុំទេដែលមើលថែគេនោះផងក៏មិនដឹង មនុស្សប្រុសអីទន់ខ្សោយដូចជាស្រីអញ្ចឹង ចេះតែធ្វើម្ហូបតែមួយមុខហ្នឹងអ្វីផ្សេងក៏មិនចេះដែល

(ធ្វើមើលតែខ្លួនឯងហ្នឹងខ្លាំងណាស់ចឹង បើអញ្ចឹងយកខ្ញុំទៅជាមួយធ្វើអីមនុស្សឬកនេះ)

@បានហើយកុំថាអោយគេណាកូន ព្រោះមនុស្សរស់នៅក្នុងលោកនេះសុទ្ធតែពឹងគ្នាទៅវិញទៅមកណាកូន

(និយាយដូចអ៊ុំប្រុសបានត្រូវ តិចលោអោយលោកនៅតែម្នាក់ឯងទៅ)

@ខ្ញុំក៏គុណប៉ាម៉ាក់ហើយដែលអនុញ្ញាត្ត

ខ្ញុំមិនដឹងថាគេយកខ្ញុំទៅណានោះទេ តិចលោនាំទៅកន្លែងផ្តេសផ្តាសទៅ នោះខ្ញុំប្រាកដជាប្រកែកជាមិនខាន។ ពេលយប់បន្តិចស៊ីវនបានហៅធារៈអោយចូលក្នុងបន្ទប់

សូមទោសទុកមុនចំពោះកំហុសអក្ខរាវិរុទ្ធ

ជួបគ្នានៅភាគបន្ត