រឿង ក្មេងប្រុសមិនទាន់ធំដឹងក្ដី ភាគទី២

រឿង ក្មេងប្រុសមិនទាន់ធំដឹងក្ដី

ភាគទី២

និពន្ធដោយ Ly_Heng 

#Khmer_Novel69

ថ្ងៃស្អែកចូលមកដល់!

ព្រឹកព្រលឹមខ្ញុំប្រញាប់ឡើងងូតទឹកផ្លាស់ខោអាវទៅរៀនថ្ងៃនេះថ្ងៃច័ន្ទផងមិនអាចយឺតម៉ោងបានទេ តែថាថ្ងៃនេះត្រូវឌុបអាក្មេងនិងទៅជាមួយទៀត ធ្វើយ៉ាងម៉េចបើមិត្តភក្តិខ្ងុំឃើញ ត្រូវតែមានវិធី ខ្ញុំគិតមួយសន្ទុះក៏នឹករកវិធីឃើញ ងាយងាយទេ ធ្វើបាបវាអោយរាងម្ដង គ្រាន់តែគិតក៏សប្បាយចិត្តហើយ ហាសហាស។

ខ្ញុំក៏ព្រមឌុបវាទៅរៀនតាមសំណើរអ្នកម៉ាក់តែមកដល់ពាក់កណ្ដាលផ្លូវខ្ញុំក៏ឈប់ម៉ូតូអោយវាចុះដើរ

-បងប្រុសដល់សាលាហើយមែន

-នៅទេ! បើមានមិត្តភក្តិយើងមកឃើញយើងឌុបអែងគេច្បាស់ជាសើចងំអកយើងជាមិនខានដែលមានប្អូនមុខអាក្រក់ដូចជាអែង

-ចឹងធ្វើម៉េចទៅបងប្រុស

-គឺអែងត្រូវរត់តាមពីក្រោយម៉ូតូយើង

-តែខ្ញុំរត់មិនទាន់ម៉ូតូបងទេ

-បើរត់មិនទាន់មិនបាច់រៀនទេ

-ចឹងក៏បានខ្ញុំរត់តាមម៉ូតូបងក៏បាន

-អឺចឹងយើងបើកទៅហើយរត់តាមយើងអោយលឿនមក

-បាទ

ខ្ញុំក៏បើកមកម៉ូតូចេញទៅទុកអោយវារត់តាមពីក្រោយខ្ញុំ ហាហាថ្ងៃនេះបានធ្វើបាបវាហើយ បើគេសួរថាម៉េចមានក្មេងរត់តាមពីក្រោយចឹង ខ្ញុំនិងប្រាប់គេវាជាមនុស្សឆ្គួត មិនសូវគ្រប់ទេ ហាហាតែប៉ុណ្ណោះហើយ។ខ្ញុំបើកយ៉ាងលឿនបើកបណ្ដើរសប្បាយចិត្តនិងធ្វើបាបវាបណ្ដើរ តែថាពេលខ្ញុំងាកក្រោយមកមើលវាស្រាប់តែបាត់វាទៅណាបាត់ យីរត់ប៉ុណ្ណឹងក៏មិនទាន់ដែរ។ខ្ញុំក៏បើកបកក្រោយវិញទៅមើលវាស្រាប់តែរកវាមិនឃើញសោះ នេះវាបាត់ទៅណាហើយ ស្លាប់បើបាត់វាអ្នកម៉ាក់ច្បាស់ថាអោយខ្ញុំស្លាប់ហើយ អាក្មេងឆ្គួតវារត់ទៅណាវាវិញ គួរអោយខឹងមែន។ខ្ញុំក៏បើកម៉ូតូតាមរកវាតែនៅតែរកមិនឃើញ អាយ!!!ជិតដល់ម៉ោងចូលរៀនហើយបើទៅមិនទាន់ម៉ោងទេច្បាស់ជាអ្នកគ្រូអោយឈរជើង១នៅលើមុខក្ដារខៀនជាមិនខាន អាក្មេងនេះពិតជាចង្រៃមែន។ខ្ញុំខំជិះទៅមកៗតាមរកវាដូចមនុស្សឆ្គួតចឹងនៅតែរកមិនឃើញ ខ្ញុំក៏ជិះម៉ូតូមកឈប់ហាងលក់ទំនិញមួយ។

-បងប្រុសរកអ្នកណានិង

សម្លេងអាក្មេងឆ្គួតនោះលាន់លឺនៅពីក្រោយខ្នងខ្ញុំ ខ្ញុំក៏ប្រញាប់ងាកទៅរកវា ក្នុងដៃវាមានកាន់ការ៉េម២ដើម

-អែងធ្វើស្អីនៅទីនេះហាស

-ខ្ញុំមកទិញការ៉េមញុាំ

-តែយើងអោយអែងរត់តាមពីក្រោយម៉ូតូយើង មិនមែនអោយអែងមកទិញការ៉េមទេ អាឆ្គួត

-គឺខ្ញុំរត់ហត់ពេកខ្ញុំហេវពេកក៏ទិញអីញាំុសិនទៅ នេះរបស់បង

-វាហុចការ៉េមនៅដៃវាមួយដើមអោយខ្ញុំ

-យើងមិនសុីទេ

ខ្ញុំក៏ចាប់ការ៉េមនោះបោះចោលទៅនិងដី ធ្វើអោយវាមុខក្រញូវភ្លាម មិនខ្វល់ចង់ខឹងខឹងទៅ

-ឆាប់ឡើងម៉ូតូមក យើងដល់ម៉ោងចូលរៀនហើយ

-បាទ

ទីបំផុតខ្ញុំនៅតែឌុបវាទៅរៀនអោយទាល់តែបាន នេះពិតជាសយជាន់សយហើយ ធ្វើបាបវាលូវធ្វើបាបខ្លួនអែងវិញ ហឺម។

មកដល់សាលាម៉ោង៧ជាងហើយ អាយ!!!ចូលក្រោយអ្នកគ្រូគីមីច្បាស់ជាស្លាប់មិនខានទេខ្ញុំ ខ្ញុំក៏ប្រញាប់ដើរចូលថ្នាក់រៀនធ្វើអោយអ្នកនៅក្នុងថ្នាក់ងាមើលមកខ្ញុំគ្រប់គ្នា។

-មកយឺត៥នាទីហើយដារូ

អ្នកគ្រូគីមីងាកមកនិយាយជាមួយខ្ញុំក្រោយេពេលឃើញខ្ញុំមកយឺត

-គឺថាស្ទះផ្លូវណាអ្នកគ្រូ

-ស្ទះផ្លូវ?ចុះគេផ្សេងម៉េចមិនមកយឺតដូចអែងដែរ

-អឺ ណាអ្នកគ្រូខ្ញុំទើបមកយឺតម្ដងនិងទេ លើកលែងអោយខ្ញុំផងណា

-ច្បាប់អ្នកគ្រូដែលដាក់ហើយត្រូវតែអនុវត្តន៍ បើធ្វើបែបនេះទេអ្នកដ៏ទៃច្បាស់ចាយកគំរូតាមអែងដែលហើយដារូ

ចុងក្រោយខ្ញុំក៏ឈរជើងមួយនៅមុខក្ដារខៀនដដែល ហើយចុងក្រោយក៏មិនភ្លេចជេរអាក្មេងឆ្គួតនិងដែរ ចាំមើលណា!

ក្រោយពេលឈរយ៉ាងយូរមកម៉ោងចេញលេងក៏មកដល់ខ្ញុំក៏ដល់ម៉ោងឈប់ឈរហើយដែរ គេគ្រប់គ្នាចេញពីថ្នាក់ទៅទិញអីញាំុអស់នៅតែខ្ញុំចុកជើងមិនចេញទៅណា!

-បងប្រុស

-ហាស សម្លេងអ្នកណាដូចធ្លាប់ស្គាល់

ខ្ញុំក៏ប្រញាប់ងាកទៅរកប្រភពសម្លេងគឺថាអាក្មេងឆ្គួតនិងវាមកតាមខ្ញុំដល់ថ្នាក់ទៀត អាយ!!!បើមានគេមកឃើញវាច្បាស់ខ្មាស់គេស្លាប់ ខ្ញុំប្រញាប់ដើរទៅរកវា ហើយអូសដៃវាចេញពីថ្នាក់ទៅកន្លែងស្ងាត់ជៀសវាងមិត្តភក្តិខ្ញុំមកឃើញ

-យើងប្រាប់ហើយថាកុំអោយមករកយើង នេះអែងចង់អោយវ៉ៃមែនហាសអាក្មេងឆ្គួត

-គឺខ្ញុំស្រេចទឹកណាស់បង

-ស្រេចទឹកមានទាក់ទងអីនិងយើង អីតិចយើង អីតិចយើង យើងនិងម៉ែអែងមែន យើងមិនទាន់ជម្រះបញ្ជីជាមួយអែងផងរឿងព្រឹកមិញ ចាំមើលដល់ផ្ទះណា

-ហឺហឺ

-កុំយំ! !តិចយើងអោយដើរទៅផ្ទះ

ខ្ញុំស្រែកគំហកវាបន្ទាប់ពីវារកយំ ហើយវាក៏ឈប់ដែរទៅ

-អេ អារូនិយាយជាមួយអ្នកណានិង

សម្លេងអារឿនបន្លឺនៅពីក្រោយខ្នងខ្ញុំ ធ្វើអោយខ្ញុំភ្ងាក់ខ្លួន

-អូ គឺនិយាយជាមួយក្មេងក្បែរផ្ទះនិងណា

-អ ចឹងទេអី

-អឺហើយថី

-មានអីយើងបាត់អែងចេះតែដើររកអែងទៅ ក្មេងនេះស្បែកខ្មៅម៉េសហាស

-និងហើយ មុខក៏អាក្រក់ទៀតយើងអាណិតវាចេះតែនិយាយរកវាទៅ

-បងប្រុសខ្ញុំស្រេកទឹកណាស់

-បង ប្រុស? នេះអារូជាបងប្រុសអែងមែន

-បាទនិងហើយ

អាយ អាក្មេងចង្រៃនេះវាប្រាប់គេថាខ្ញុំជាបងប្រុសវាធ្វើអី

-មិនមែនចឹងទេអារឿនអាក្មេងនិងវាមិនសូវគ្រប់ទេ កុំប្រកាន់វា អែងនៅនិងហើយកុំតាមយើងប្រដៅវាចេញម្ដង

ប្រដៅចេញ?

អឺកុំចេះហាមមកតាមយើង

និយាយរួចខ្ញុំក៏ប្រញាប់អូសដៃអាក្មេងឆ្គួតនិងចេញពីទីនោះមកដល់កន្លែងស្ងាត់មួយ

-បងប្រុស

-កុំហៅយើងបងប្រុសអែង តិចទះបែកមាត់លូវ

-ដារូ

-អាក្មេងឆ្គួតអាណាបងអាណាប្អូនមកហៅឈ្មោះយើងពេញៗមាត់ផង តិចអញទ្រាំមិនបាន

-បិសាច

-អាឡប់មិចហៅយើងបិសាចចឹងហាស

-ហៅមិចក៏ខុសចឹងអោយខ្ញុំហៅមិច បើបងកាចដូចបិសាចចឹង

-អឺយ អា!!!!!ឆាប់ចេញពីមុខយើងភ្លាម ហើយហាមមករកយើងទៀត កុំតានៅសាលាទេហាស បើនៅផ្ទះទះហែងអោយជ្រុះធ្មេញអស់ម៉ង់

ស្អែកបន្ទាប់

ខ្ញុំបានឌុបអាក្មេងនិងទៅសាលាទៀតហើយ ព្រឹកនេះខ្ញុំនិងរៀបគំរោងការណ៍ធ្វើបាបវាមិនអោយភ្លាត់ស្នៀតដូចលើកមុនទៀតឡើយ។ខ្ងុំបានឌុបវាដល់ពាក់កណ្ដាលផ្លូវហើយអោយវារត់តាមពីក្រោយដូចមុន ម្ដងនេះគម្រាមវាមិនអោយវាធ្វើដូចមុនឡើយគឺរត់តាមពីក្រោយខ្ងុំតែម្យ៉ាងគត់ ទីបំផុតវាក៏រត់តាមខ្ងុំមកដល់សាលាដូចបំណងខ្ងុំមែន សងសឹកវាបានសម្រេចហើយ។អោយតែជូនវាទៅសាលាខ្ងុំតែងតែធ្វើបែបនេះដាក់វារាល់ថ្ងៃដោយមិនអោយអ្នកម៉ាក់ដឹងឡើយ។

ថ្ងៃអាទិត្យឈានចូលមកដល់ថ្ងៃនេះខ្ងុំបានណាត់គ្នាជាមួយនិងរូហ្សាដែលជាសំណប់ចិត្តខ្ងុំតែមួយ អាចថាជាសង្សារខ្ងុំតែម្នាក់គត់ នាងមានរូបសម្រស់មិនចាញ់តារាឡើយ

-អា កូនរូរៀបចំខ្លួនទៅណានិង?

-អូ កូនមានការទៅក្រៅមានភ្លែតម៉ាក់

-ចឹងយកក្មួយរីទៅជាមួយផងថ្ងៃនេះម៉ាក់អត់នៅផ្ទះទេ

-មិនបានទេម៉ាក់ មិនបានជាដាច់ខាត

-ហេតុអីកូនរូ បើកូនមិនយកប្អូនទៅ ទុកអោយប្អូននៅផ្ទះម្នាក់អែងបែបនេះមិនបានឡើយ ត្រូវតែយកប្អូនទៅជាមួយផង

-មិនបានទេម៉ាក់ កូនមានការសំខាន់ពិតមែនណា

-ការស្អីកូន

-គឺគឺ

-ម៉ាក់មិនដឹងទេ សម្រេចថាកូនត្រូវតែយកដូរីទៅជាមួយដែរ ម៉ាក់គ្មានពេលនិយាយជាមួយកូនតទេ បានហើយ

-អ្នកម៉ាក់!!!

នេះសម្រេចថាខ្ងុំត្រូវយកអាក្មេងឆ្គួតនេះទៅជាមួយដែររឺ?ចុះបើរូហ្សាឃើញខ្ញុំទៅជាមួយអាក្មេងនេះនាងគិតយ៉ាងម៉េចទៅ អូយស្លាប់ហើយមិនចង់គិតដល់ពេលនោះទេ តើខ្ញុំត្រូវធ្វើយ៉ាងម៉េចបន្តជាមួយអាក្មេងចង្រៃមួយនេះទៅ?មានអារម្មណ៍តាំអពីអាក្មេងនិងចូលមកនៅផ្ទះនេះជីវិតខ្ញុំកាន់ដុនដាបទៅៗហើយ អ្នកម៉ាក់អើយអ្នកម៉ាក់ទៅយកវាមកនៅធ្វើអីទេ!!បណ្តោយតាមកម្មចុះ!

ទីបំផុតខ្ញុំត្រូវយកវាទៅជាមួយទាល់តែបាន សូមកុំអោយរូហ្សានាងថាអីទៅចុះ វេលាស្មើនេះម៉ោង៦ល្ងាចល្មម មកដល់កន្លែងណាត់គ្នាជាមួយរូហ្សាខ្ញុំក៏ងាកទៅនិយាយជាមួយនិងអាក្មេងមួយនេះ

-នែ អែង

-បាទ បងប្រុស

អង្គុយចាំយើងនៅទីនេះ ហាមមកតាមយើងអោយសោះចាំយើងចប់ភារកិច្ចយើងមកយក

-បាទ

ខ្ញុំបានអោយវាអង្គុយចាំនៅក្រៅហើយខ្ញុំដើរចូលហាងអាហារក្បែរនោះដើម្បីទៅហូបអីជាមួយរូហ្សានៅទីនោះ បើយកវាចូលទៅជាមួយប្រកដជាខ្មាស់កូនពេញនិងជាមិនខាន ដឹងស្រាប់ហើយខ្ញុំជាប្រុសស្អាតចំណែកវាជាក្មេងមុខអាក្រក់ដើរជាមួយគ្នាគឺមិនសមឡើយ។ពេលដើរចូលទៅខ្ញុំក៏ឃើញរូហ្សាអង្គុយចាំខ្ញុំនៅទីនោះ នាងក៏ងាកមកញញឹមដាក់ខ្ញុំ

-ចាំបងយូរនៅអូន?

-យូរហើយ តែមិនអីទេអោយតែចាំបងយូរយ៉ាងណាក៏មិនអីដែរ

-ពូកែនិយាយណាស់អូននេះ

-អូននិយាយមែនណា

-ហៅអីញាំុហើយនៅ?

-នៅទេចាំបងមកដល់សិននិងណា

-ចឹងកម្មង់ម្ហូបទៅចឹង

បន្ទាប់ពីនិយាយពាក្យស្វីតៗដាក់គ្នាហើយយើងទាំងពីរអ្នកក៏ហៅអីញាំុជាមួយគ្នា ជាធម្មតាទេខ្ងុំនិងរូហ្សាអោយតែជួបគ្នាគឺថាផ្អែមដាក់គ្នាបែបនេះហើយ អ្នកលឺអានិងលើសជាតិស្ករ ហាស ហាស

ម្ហូប ២ ៣ ក៏បានមកដល់លើតុរបស់ខ្ញុំ ខ្ញុំនិងរូហ្សាក៏ចាប់ផ្ដើមញាំុជាមួយគ្នា ខ្ញុំក៏ចាប់ម្ហូបដាក់លើចានរូហ្សា ហើយនាងក៏ធ្វើបែបនេះដូចគ្នា កំពុងតែស្វីតដាក់គ្នាមិនទាន់បានប៉ុន្មានផងស្រាប់តែ

-បងប្រុស!

មិនដឹងជាអាក្មេងឆ្គួតនោះវាលេចចេញមកពីណាទេ មកហៅខ្ញុំនៅមុខរូហ្សា ពិតជាក្ដៅចិត្តនិងអាក្មេងនេះមែន វាមិនស្ដាប់បញ្ជាខ្ញុំសោះ

-យើងអោយអែងចាំនៅក្រៅម៉េចអែងចូលមកហាស

ខ្ងុំនិយាយខ្សឹបៗដាក់អាក្មេងនោះមិនអោយរូហ្សាលឺទេ

-គឺខ្ញុំឃ្លាន

-នេះបង អាក្មេងមុខអាក្រក់នេះជាអ្នកណា

បន្ទាប់ពីខ្សឹបដាក់វាមិនបានប៉ុន្មានផង រូហ្សានាងនិយាយខ្លាំងៗដាក់ខ្ញុំបន្ទាប់ពីឃើញវានិយាយជាមួយខ្ញុំ

-គឺថាគឺ

-គឺយ៉ាង វាជាអ្នកណាបង?ម៉េចវាហៅបងចឹង

-ខ្ងុំជាប្អូនប្រុសគាត់

ខ្ងុំមិនទាន់បានឆ្លើយនិងសំនួររូហ្សាផងអាក្មេងចង្រៃនេះវាឆ្លើយមុនខ្ងុំទៅហើយ សំខាន់វាប្រាប់នាងថាខ្ញុំជាបងប្រុសវាទៀត អាយ!!!ស្លាប់ជាមិនខានទេខ្ញុំ

-ប្អូនប្រុស? នេះបងមានប្អូនប្រុសមុខអាក្រក់បែបនេះតាំងពីកាលម៉េចខ្ងុំមិនដឹង

-គឺវាមិនមែនជាប្អូនបងទេរូហ្សា

-ចុះហេតុអីវាប្រាប់ថាជាប្អូន

រូហ្សានិយាយលឺៗធ្វើអោយគេគ្រប់គ្នានៅក្បែរនោះងាកមកសម្លឹងមើលមកតុខ្ញុំគ្រប់គ្នា

-បងប្រុសខ្ងុំឃ្លានណាស់ ខ្ងុំសុំញាំុភ្លៅមាន់នេះហើយ

និយាយរួចវាយកដៃវាលូកភ្លៅមាន់នៅចានលើតុទាំងឈរ

អាយ ស្លាប់ហើយមុខខ្ញុំមិនដឹងយកទុកណាទេ អាក្មេងនេះវាគ្មានអំណោយទានសោះ វាចេះធ្វើបែបនេះទៅរួច រូហ្សានាងឃើញបែបនេះួឹកមុខនាងខឹងខ្លាំងណាស់ នាងងើបឈរហើយក៏យកដៃវ៉ៃតុផាំង ធ្វើគ្រប់គ្នាជិតនៅះខ្សឹបដាក់គ្នាពេញនិង

-ខ្ញុំឈប់សុីហើយ សូមបងអញ្ជើញសុីជាមួយវាទៅ

-រូហ្សា រូហ្សា ស្ដាប់បងសិន

នាងមិននៅស្ដាប់ហេតុផលខ្ញុំទេ នាងបានចេញទៅ នេះជារឿងដែលគួរអោយអាម៉ាស់បំផុតប្រចាំឆាកជីវិតខ្ញុំ អ្នកនៅជិតមើលខ្ញុំមិនដាក់ភ្នែកឡើយ ខ្ញុំហៅគេគិតលុយហើយក៏ចេញទៅតាមនាងដែរ អាក្មេងចង្រៃនិងទុកចាត់ការវាតាមក្រោយសំខាន់លួងរូហ្សាអោយបាត់ខឹងសិន !

សូមរងចាំតាមដានភាគបន្ត!