រឿង ម្ចាស់គ្រងបេះដូង💜 ភាគទី២

រឿង ម្ចាស់គ្រងបេះដូង 

ភាគទី២

និពន្ធដោយ Pii Chhay

#Khmer_Novel69

បន្ទាប់ពីសំរួលគ្នារឿងទៅញ៉ាំអីបានហើយពួកខ្ញុំពីរនាក់ក៏បណ្តើរគ្នាចុះទៅរកអីញុំរួចខ្ញុំក៏ឈៀងចូលបន្ទប់ទឹក តែចង្រៃអីគ្រាន់តែបើកទ្វារបន្ទប់ទឹកចូលភ្លាមក៏បានឃើញខ្មោចឆៅកំពុងឈរមុខកញ្ចក់លាងដៃ។ ខ្ញុំឃើញគេងើយភ្នែកមកមើលខ្ញុំបន្តិច គ្រាន់តែដឹងថាជាខ្ញុំគេក៏ដាក់ភ្នែកចុះវិញភ្លាមៗ។ អេ.. ដូចជាឆ្ងល់ដល់ហើយ ពីជាតិមុនខ្ញុំទៅលួចប្រពន្ធគេមែនបានជាតិនេះមើលទៅគេដូចជាគុំគួនអីនឹងខ្ញុំខ្លាំងម្លេះ។ ខ្ចិលខ្វល់ណាស់ខ្ញុំក៏ដើរចូលទៅធ្វើធុរៈផ្ទាល់ខ្លួនដោយមិនខ្ចីងាកមើលនរណាដែល កុំឲ្យចាញ់ចិត្ត ខ្លាំងអីតែឯងនឹង។ ក្រោយចេញពីបន្ទប់ទឹកវិញខ្ញុំឃើញបងយុទ្ធឈរចាំខ្ញុំតែម្នាក់ឯង ខ្ញុំក៏មិនបានសួរដេញដោលពីមិត្តគាត់អីដែរ ព្រោះមិនមែនជាមិត្តសណ្តានអីទេ។ ហេីយពួកយើងក៏បណ្តើរគ្នាទៅកន្លែងញុំអី ដោយមិនមានការសន្ទនាគ្នាអីមួយម៉ាត់ ព្រោះឃើញគាត់ស្ងាត់ខ្ញុំក៏មិនហ៊ាននិយាយអីដែរ។
  កន្លែងដែលពួកយើងមកនេះជារោងអាហារមិនធំអ្វីណាស់ណានោះទេ តែបណ្តុំទៅដោយអាហារគ្រប់មុខតែម្តង  ល្អម្យ៉ាងដែរមិនបាច់ជិះទៅរកកន្លែងណាឆ្ងាយ។ ដេីរមកដល់កន្លែងញុំអីភ្លាមខ្ញុំក៏សុំបងយុទ្ធដើររកមើលរបស់ញុំបន្តិចសិនព្រោះមានអាហារច្រើនគួរសមដែរ។ ឆ្វាចស្តាំឆ្វាចឆ្វេងស្រាប់តែប្រទះឃេីញកន្លែងដែលខ្ញុំចាប់អារម្មណ៍ជាងគេគឺតង់កាហ្វេមួយដែលតុបតែងស្អាតណាស់ ពោលពេញដោយផ្កាជាច្រើន ហើយមានតុនិងកៅអីរៀបពីមុខតូបសំរាប់ឲ្យភ្ញៀវអង្គុយលេងពិសេសគឺកៅអីតែម្តងជាពណ៌ដែលខ្ញុំស្រលាញ់ទៀត។ មិនបាច់បង្អង់យូរ ខ្ញុំក៏ដើរសំដៅទៅភ្លាមតែម្តង។ អីយ៉ា មិនធម្មតាទេណាតូចតែរូបរាងមែនតែការដេគ័រទាក់ទាញអស់ទាស់ម៉ង ខ្ញុំពេញចិត្តស្តូក។
”បងរបស់ខ្ញុំដដែរ Latte ស្ករតិច”ជាអ្វីដែលគេកុម្ម៉ង” ឈ្លក់វង្វេងជាមួយទីកន្លែងមិនទាន់អស់ចិត្តផងក៏មានសំលេងមនុស្សម្នាក់និយាយកុម្ម៉ងកាហ្វេនៅជិតខ្លួន ខ្ញុំងាកទៅមើលព្រោះមានអារម្មណ៌ថាស្រដៀងៗដូចធ្លាប់លឺ។ គ្រាន់តែងាកទៅភ្លាមអីដែលគិតពិតជាមិនខុសមែនគឺអាគាត់ខ្មោឆៅនឹងមែន។
”ច៎ាអូនអង្គុយចាំមួយភ្លែតសិនណា។ ចុះអូនកុម្ម៉ងអីដែរ?“ ខ្ញុំកំពុងតែឈរមេីលអាអ្នកដែលមកកុម្ម៉ង់កាត់មុខខ្ញុំ បងស្រីអ្នកលក់កាហ្វេក៏ងាកមកសួរខ្ញុំវិញម្តង។
”អរ ខ្ញុំយក Latte សុំផ្អែមបន្តិច ហើយយកទឹកដោះគោស្រស់ច្រើន”☺ខ្ញុំក៏បែរទៅប្រាប់បងស្រីដោយស្នាមញញឹវិញ។
”ច៎ាអូនអង្គុយចាំមួយភ្លែតសិនណា។” ហឹមមម ជាពេលវេលាតឹងទ្រូង ព្រោះតុមានតែមួយហើយកៅអីមានតែពីរទៀត ដែលសំខាន់អាកៅអីមួយនោះត្រូវបានខ្មោចឆៅអង្គុយទៀត មិនដឹងធ្វើយ៉ាងមិចល្អក៏ឈរចាំតែម្តងទៅ។
”កៅអីមានមិចមិនអង្គុយ មិនចុកជើងទេអី?” ឃើញខ្ញុំមិនព្រមអង្គុយបែបនេះអាលោកខ្មោចឆៅក៏ហៅ។ អីយ៉ា ចេះរាប់ញាតិហើយតើ ទោះស្តាប់រាងចូលត្រចៀកពិបាកតិចក៏ដោយ។ តែខ្ញុំបែរធ្វើជាមិនលឺ ចេះរិកពាអីតែឯង
”អេ៎ នេះមិនលឺខ្ញុំហៅទេអី” ដោយឃេីញខ្ញុំមិនរបតរអីបែរនេះគេក៏តំឡេីងសំលេងបន្តិចមកកាន់ខ្ញុំ ហេីយខ្ញុំក៏ធ្វើជាងាកឆ្វេងងាកស្តាំហើយចង្អុលមកខ្លួនឯងរួចសួរទៅវិញ
”នេះហៅខ្ញុំមែន?”
”មានមនុស្សតែពីរនាក់បើមិនឲ្យនិយាយជាមួយយើង ឲ្យនិយាយជាមួយកៅអីមែន” អូខេ លេងគេ លីវគេលេងវិញគឺកប់ ក្តៀនយោបល់។
”ចុះបងស្រីកំពុងឆុងកាហ្វេនឹងមិនមែនមនុស្សទេអី?”មិចដែរមានអីតទៀតទេ។
”អេ គាត់ជាអ្នកលក់ មិនបាច់ហៅគាត់ឲ្យអង្គុយក៏គាត់មិនមកឈរឆុងឲ្យដែរ យល់?”  ចុកចាប់ ពីតជាមិនណយមែនអាខ្មោចឆៅនេះ។ ខ្ញុំមិនដឹងប្រកែកអីទៀតក៏អូសកៅអីមកអង្គុយ។ តែរៀបដាក់គូទអង្គុយគេក៏បន្តមកទៀត
”អេ ខ្ញុំមិនមែនសត្វចម្លែកទេ ចាំបាច់អូសកៅអីឆ្ងាយដល់ថ្នាក់នឹង។”មិនមែនសត្វចម្លែកទេគឺខ្មោចឆៅសុទ្ធសាធ(គិតក្នុងចិត្ត)
”ចុះហេតុអីបានត្រូវទៅអង្គុយជិតដែរ ខ្ញុំចង់អង្គុយកន្លែងនេះមានបញ្ហាមែន?”ខ្ញុំនិយាយបែបឌឺដងទៅវិញ
”ឌឺគ្រាន់បើ” មិននិយាយច្រើនទេ តែគេងើបមកអូសកៅអីខ្ញុំទៅដាក់ជិតខ្លួនគេធ្វើមិនដឹង
”កៅអីគេដាក់មកឲ្យអង្គុយជាមួយតុនេះ”និយាយហើយនៅមានញាក់មុខមកទៀត ពិតជាគួរឲ្យចង់ហក់ធាក់ណាស់។ ខ្ញុំមិនដឹងតវ៉ាយ៉ាងមិចទៀតក៏អូសជើងដាក់គូទអង្គុយជិតគេទៅ។
”ប៉ុណ្ណឹងក៏ចប់បាត់ហើយ ចេះនៅមកប្រកែកគ្នាអត់ប្រយោជន៍” ខ្ញុំលឺពាក្យនេះភ្លាមងាកទៅសម្លក់ភ្លែត។
”នេះលោកចង់ថាខ្ញុំជាមនុស្សអត់ប្រយោជន៏មែន? “
”ខ្ញុំអត់មានបានបញ្ជាក់ឈ្មោះអ្នកណាទេ”ខ្ញុំខឹងឡើងនិយាយអីមិនចេញ ឆ្ងល់ណាស់តើខ្ញុំជាប់កម្មអីជាមួយគេបានមិនត្រូវគ្នាដល់ថ្នាក់នឹង នេះមិនទាន់បានស្គាល់គ្នាផងគេនិយាយស្តីបែបនេះទៅហើយ។ យល់ល្អគួរកុំស្គាល់គ្នាតែម្តងទៅ។ ខឹងណាស់
”នែ ចុះអាយុទ្ធវាទៅណាហើយ? “ ខ្ញុំកំពុងតែអង្គុយមុខក្រម៉ូវម្នាក់ឯងស្រាប់តែគេកេះសួរ។ ហ៊ានប៉ះពាល់រាងកាយផង។
”ខ្ញុំម៉េចនឹងដឹង ទូរស័ព្ទមានម៉េចមិនចេះcallទៅ”
”ឃើញសិ្នតស្នាលគ្នាខ្លាំង សុទ្ធតែបងអូនផងក៏ចេះតែសួរទៅ”
”អរ បងយុទ្ធជាមនុស្សរួសរាយ ហើយក៏និយាយស្តីពិរោះស្តាប់ទៀតមើលទៅអ្នកណាក៏ចង់ស្និតស្នាលដែរ មិនដូចអ្នកខ្លះចេះតែចងចិញ្ចើមមុខរករីកមិនឃើញ សំដីក៏គ្រោធគ្រាតទៀត…….”
”ឈប់ៗៗនេះកំពុងតែជេរខ្ញុំមែន?”រៀបរាប់មិនទាន់អស់ផង គេក៏កាត់។
”អត់មានបាននិយាយឈ្មោះអ្នកណាទេណា ដាក់ខ្លួនម៉េស” ខ្ញុំក៏យកពាកុ្យគេនិយាយឌឺទៅគេវិញ។ ខ្ញុំដឹងថាគេកំពុងតែខឹងខ្ញុំមិនតិចទេព្រោះទឹកមុខប្រែប្រួលហើយ តែខ្ញុំមិនខ្វល់អ្នកណាប្រើឲ្យមកថាឲ្យខ្ញុំមុនធ្វើអី។
”វិទូ” រៀបនឹងខាំគ្នាទៅហើយស្រាប់តែមានមនុស្សស្រែកហៅឈ្មោះខ្ញុំ។
ខ្ញុំងាកទៅមើលតាមសំលេងក៏ឃើញបងយុទ្ធដើរមកជាមួយស្នាមញញឹមពព្រាយ។ ខ្ញុំក៏បក់ដៃទៅគាត់
”មកនៅទីនេះសោះ បងខំដើររកយ៉ាងយូរ”
”នែ៎ អាយុទ្ធនេះហែងមើលលេងឃើញក្បាលអញហើយហេ៎” ខ្ញុំរៀបនិយាយតបទៅបងយុទ្ធស្រាប់តែមានអ្នកមកកាត់ទៅ។ ហេីយស្តាប់សំដីអ្នកចូលមកកាត់គេចុះ។
”យីអានេះ ក្បាលហែងមួយនឹងអញឃើញរាល់ថ្ងៃហើយអត់ឃើញមួយថ្ងៃក៏វាមិនបាត់ទៅណាដែរហា៎” គ្រាន់តែនិយាយចប់ភ្លាម លោកខ្មោចឆៅក៏ងើបឡើងមកទះក្បាលបងយុទ្ធមួយ ហើយនិយាយឌឺដងទៅវិញ
”អឺអញវារបស់ចាស់ មិនដូចមិត្តថ្មីគេទាំងក្មេងទាំងស្អាតទៀត”
”បើដឹងល្អហើយអាកាប៉ប” មិនដឹងថានេះជាទំលាប់លេងសើចរបស់ពួកគេរឺយ៉ាងមចទេ មើលទៅពួកគេទាំងពីរអ្នកស្និតស្នាលនឹងគ្នាណាស់។ តែអេះមុននឹងអាប៉ិខ្មោចឆៅថាខ្ញុំស្អាតចឹងហេ៎។ ☺☺ហេ៎ៗ តើគេគិតអីគេនឹង?
”អូនកាហ្វេបានហើយ” អឺ… ងាប់ហើយខ្ញុំស្ទើរតែភ្លេចថាមកទីនេះដើម្បីអីទៅហើយ រវល់តែវឹកវរជាមួយលោកបងពីរនាក់នេះ។ ខ្ញុំលឺបងស្រីលក់កាហ្វេប្រកាសហៅហេីយក៏ងើបឡើងទៅយកស្របពេលល្បងខ្មោឆៅក៏ងើបមកដូចគ្នា។ ចុំ… មកដល់កន្លែងដែលត្រូវយកកាហ្វេ ខ្ញុំវងេ្វងប៉ាដោយព្រោះបងស្រីគាត់ដាក់កែវកាហ្វេយើងទាំងពីរជិតគ្នា ពណ៌ក៏ស្រដៀងគ្នាទុយោក៏ដូចគ្នាហើយតើរបស់ខ្ញុំមួយណាទៅ។
”បងរបស់ខ្ញុំមួយណា?” សំលេងយើងបន្លឺឡើងព្រមគ្នា ហើយក៏ងាកមើលមុខព្រមគ្នាទៀត។ ហ៊េីយយយ ថាមិនចង់រៀបរាប់ពីអាគាត់នឹងទេ តែទ្រាំវាមិនបាន ប្រុសស្អីបានទាំងព្រមបែបនេះ សក់ឈូសសងខាងពណ៌ខ្មៅក្រឹមចាប់លើកឡើងលើយ៉ាងមានរបៀបបំផុត បបូរមាត់ព្រែក ចង្ការស្រួច ចិញ្ចើមកោងស្អាត ច្រមុះស្រួចមានខ្ទង់ស្អាតណាស់ មុខសម៉ត់រលោងស្រិល តែមានដុំខៀវត្រង់ចង្កា
រនិងលើបបូរមាត់តិច(គល់ពុកមាត់នឹងណា)កំពស់ប្រហែល180cm+ ព្រោះខ្ញុំបានត្រឹមចង្ការគេនឹង ដល់ចឹងទៅទើបខ្ញុំដឹងថាខ្លួនឯងទាបយ៉ាងណា។ ចំនុចពិសេសនោះគឺភ្នែករបស់គេតែម្តង ខ្ញុំពិតជាភ្លេចមិនបានពីភាពមួសមុតរបស់វាឡើយ។ តែគួរឲ្យស្តាយដែរ ដែលមុខមិនស៊ីជាមួយចរិកអីបន្តិចសោះ។  

”នេះរបស់អូន” យេីងភ្ញាក់ចេញពីការសំលឹងមុខគ្នាទាំងមិនទាន់អស់ចិត្តផងបងស្រីលក់កាហ្វេងាកមកតប។ គាត់បានចង្អុលទៅកែវខាងស្តាំដែលនៅខាងខ្ញុំ ទេីបខ្ញុំគិតថាជារបស់ខ្ញុំហើយមើលទៅក៏លូកដៃទៅចាប់យក។ ស្រាប់តែមានដៃមួយទៀតលូកមកចាប់ដែរហើយមកចាប់ចំដៃខ្ញុំតែម្តង ខ្ញុំរៀងភ្ញាក់ហើយប្រញាប់ដកដៃចេញព្រោះគិតថាចាប់ច្រឡំកែវហើយ។ ស្រាប់តែបងស្រីបន្ត 

”របស់អូនអានេះទេហ៊ាង ចេះទៅយករបស់គេទៅកើត”  

”មិចមិនប្រាប់ឲ្យច្បាស់បង  ខ្ញុំខ្មាស់គេអស់” ថាហើយគេក៏លូកដៃទៅយកកែវកាហ្វេមួយទៀតដែលនៅខាងគេម្តង។ យីអាគាត់នេះចេះមកដណ្តើមឯងទៅកើត ខ្ញុំក៏ទៅចាប់កែវមុនមកវិញ ហេីយចាប់កាន់បណ្តើរខ្ញុំនឹកទៅដល់អារម្មណ៍ដែលគេបានលូកមកប៉ះដៃខ្ញុំមុននឹងហេតុអីក៏ខួរក្បាលខ្ញុំចេះតែមានអារម្មណ៍ខុសប្លែកពីធម្មតាយ៉ាងនេះ។ 若តែសុំផ្អាកសិនននន 

”បងហា៎ របស់ខ្ញុំទឹកដោះគោស្រស់ច្រើនណា”ការស្រមៃត្រូវបានកាត់ផ្តាច់ភ្លាមដោយសាររសជាតិកាហ្វេដែលបឺតចូលដំបូងគឺវាល្វីងណាស់ លេបសឹងមិនចូល។ ទេីបខ្ញុំងាកទៅសួរបងស្រីវិញ 

”ចាអូនបងដាក់ច្រើនហើយតើ” 

”តែវានៅល្វីងណាស់បង” 

”អឺ… ចប់បាត់ហើយ ចឹងមានតែបងច្រឡំរបស់អូនជាមួយហ៊ាងបាត់ហើយ ឲ្យបងសុំទោសណាចាំបងធ្វើថ្មីឲ្យ” 

”អឹមម មិនបាច់ទេបង សាកញុំម្តងចុះគ្រែងត្រូវចិត្ត” ខ្ញុំគិតថាគាត់ប្រហែលច្រឡំមែនព្រោះមុននឹងឃើញមនុស្សមួយក្រុមមកកុម្ម៉ងកាហ្វេគាត់ដែរ ហើយក៏មិនចង់ខ្ចេះខ្ចាយដែរ មានតែធ្វើបាបខ្លួនឯង។ ស្រាប់តែអ្នកនៅជាប់ដៃហុចកែវកាហ្វេគេមកខ្ញុំហើយនិយាយ។  

”នេះកាហ្វេរបស់យើង ដូរមកវិញមកខ្ញុំមិនទាន់ញុំទេ” oh my នេះព្រះអង្គមួយណាចូលសណ្ធិតក្នុងខ្លួនគេនឹង។  

”តែរបស់លោកខ្ញុំញុំរួចហើយ”  

”ញុំហើយវាយ៉ាងម៉េច ម៉ស់ឲ្យមកនេះមក” គេលូកដៃចូលមកយកកាហ្វេពីដៃខ្ញុំទាំងដែលខ្ញុំមិនបានត្រៀមខ្លួន។  

”អេ៎ ឈប់សិនចាំខ្ញុំដូរទុយោឲ្យសិន” មិនទាន់ទេៗគេកាន់ទុយោនោះទៅបឺតបាត់ហើយ
”វាមិនដែលងាប់នឹងអារឿងប៉ុណ្ណឹងទេ” ហើយគេនៅតែបឺតមិនដកមាត់ចេញសោះ។ ខ្ញុំទៅជាឈរភ្លឹកនឹងសកម្មភាពគេរហូតដល់បងយុទ្ធដែលកំពុងអង្គុយចុចទូរស័ព្ទដើរមករក 

”មានរឿងអីមែនទេ បានយូរម្លេស?”  

”អូ…អត់មានអីទេ គ្រាន់តែច្រឡំកែវគ្នាបន្តិចទេ” ខ្ញុំភ្ញាក់ចេញពីគេមកសំលឹងមុខបងយុទ្ធវិញម្តង។  

”ចុះអាលូវយ៉ាងមិចហើយ?” 

”អស់អីហើយ” 

”បងរបស់ខ្ញុំអស់ប៉ុន្មាន?” រវល់តែវីវក់នឹងរឿងច្រឡំកែវ វីសភ្លេចឲ្យលុយថ្លៃកាហ្វេគេ។  

”ហ៊ាងគេឲ្យបងហើយអូន”  រឿងចាស់មិនទាន់ចប់ផងរឿងថ្មីចូលមកទៀត ខ្ញុំរកងាកទៅគេទៅហើយស្រាប់តែគេ។  

”អញទៅចាំកន្លែងបងស្នាមុន” ហើយគេក៏ដើរទៅបាត់ ទោះហៅក៏គេមិនឈប់ដែរ។  អាគាត់នេះកាន់តែចំលែកមែនទែនហើយ។  

”អេ?...” 

”បានហើយកាហ្វេមួយកែវនឹងវាមិនក្រទេ គ្រួសារវាមានណាស់ចង់ប៉ាវម៉ាថ្នាក់ទៀតក៏វានៅតែមានចឹង” កំពុងតែស្រែកហៅគេស្រាប់តែបងយុទ្ធហាមាត់ឃាត់។ មានខ្លាំងណាស់ទៅណ៎
”អរររ ចឹងផង”
”បាទ តោះទៅបងឃ្លានណាស់” 

សូមរងចាំតាមដានភាគបន្ត!