រឿង ម្ចាស់គ្រងបេះដូង💜 ភាគទី៣

រឿង ម្ចាស់គ្រងបេះដូង 

ភាគទី៣

និពន្ធដោយ Pii Chhay

#Khmer_Novel69

ប្រកែកតវ៉ាគ្នារឿងកាហ្វេអស់ចិត្តហើយខ្ញុំនឹងបងយុទ្ធក៏បណ្តើរគ្នាទៅកន្លែងបងស្នាដែលខ្ញុំមិនដឹងថាកន្លែងណា។ ដើរបណ្តើរនិយាយគ្នាបណ្តើរ គាត់សួរខ្ញុំពីនេះពីនោះ ដូចជំរឿនបញ្ជីជាតិ។ ចេះតែដើរទៅរឿយៗពួកយើងក៏មកដល់មុខហាងបងស្នាដែរលោកខ្មោចឆៅណាត់មក។ វាគឺជាប្រភេទហាងលក់គ្រឿងញុំ មានសឹងគ្រប់មុខតែម្តង។ ចូលទៅដល់ក្នុងភ្លាមលោកខ្មោចឆៅលើកដៃបក់ហៅយើង។ ក្រោយពីដាក់គូទអង្គុយហើយ ក៏មានបងប្រុសម្នាក់ដើរមកទទួលការកុម្ម៉ងពីយើង។  

”អីយ៉ា ថ្ងៃនេះមានសមាជិកថ្មីផង មុខមាត់គួរឲ្យស្រលាញ់ទៀតនៀក” គាត់និយាយហើយមកញញឹមដាក់ខ្ញុំទៀត មកសរសើរគេត្រង់ៗចឹងដឹងគេអៀនអត់។ហាហាហា  

”អៀនគេចេះលាក់ផងណា បងឃើញអស់ហើយ” awwww នេះមុខខ្ញុំវាបញ្ជាក់ប្រាប់ច្បាស់ដល់ថ្នាក់នឹងផងហ៎។  

”ហឹសៗៗ” កំពុងខ្ទប់មុខខ្លួនឯងក៏លឺសំលេងសើចពីបងយុទ្ធនឹងលោកខ្មោចឆៅ  

”នេះនាំគ្នាសើចអីនឹងហា៎” ខ្មាស់គេណាស់ខ្ញុំ។  

”អូខេៗបងមិនសើចក៏បានដែរ” បងយុទ្ធចូលមកកែខ្លួនមុន ឯគេម្នាក់នោះបានត្រឹមតែបិទមាត់ជិត។  

”បងនិយាយលេងទេណា កុំប្រកាន់បងអី” 

”ខ្ញុំមិនចេះប្រកាន់ច្រើនទេបង តែលើកក្រោយមិនបាច់មកទាំងដុលចឹងពេកទេ” ហើយខ្ញុំសើចដាក់គាត់វិញទៅ 

”នេះប្អូនគាត់ឈ្មោះវិទូ”បងយុទ្ធណែនាំខ្ញុំឲ្យគាត់ស្គាល់ 

”បងឈ្មោះស្នា រីករាយដែលបានស្គាល់ណាប្រុសស្អាត” ខ្ញុំអៀនទៀតហើយ 

”ប្រាប់ហើយថាឲ្យលាក់ខ្លះទៅ មើលមុខក្រហមទៀតហើយ  ហាសហា”   នេះខ្ញុំលាក់អារម្មណ៍អន់ដល់ថ្នាក់នេះផងហេ៎  

”បានហើយបងឈប់ធ្វើបាបក្មេងទៅ” 

”អូខេ បងឈប់លេងហើយ មោះកុម្ម៉ងអីដែរចាំបងធ្វើជាពិសេសឲ្យតែម្តងស្វាគមន៍ម៉ូយថ្មី”  

”មានអីដែលឆ្ងាញ់ដាក់មកបង”ព្រោះខ្ញុំមិនដឹងត្រូវកុម្ម៉ងអីឆ្ងាញ់បើមិនដែលមកផង។ លេងគាត់តបមកវិញឡើងចង់ធ្លាក់ពីលើកៅអី 

2 / 12

”ចឹងកុម្ម៉ងបងម៉ងទៅព្រោះឆ្ងាញ់ដាច់មួយរោងអាហារហាសហា” ខ្ញុំសុំចុះចាញ់គាត់ហើយ។  

”អេៗ នេះលើសហើយណាបងស្នា ប្រយ័ត្នខ្ញុំទៅប្រាប់បងសេមមី” 

”យើស និយាយលេងតិចតួចមិនបាន នេះហួងហែងផងហេ៎  មានអីឬអត់យើងនឹង” ខ្ញុំរឹងខ្លួនថ្មឹង នឹកអីក៏មិនចេញ 

”ចុះបើមានមែនយ៉ាងមិចចុះ” លើកនេះខ្ញុំងាកខ្វាចទៅបងយុទ្ធភ្លាមស្រាប់តែឃើញបងយុទ្ធញញឹមមកខ្ញុំ។ អារម្មណ៍ខ្ញុំច្របូកច្របល់អស់ហើយនេះគាត់និយាយពីអីនឹង គាត់មានដឹងខ្លួនអត់។  

”ទូបងនិយាយលេងទេណា ធ្វើកុំភ័យមើរ” ដោយឃើញខ្ញុំធ្វើមុខស្លើរៗគាត់ក៏និយាយថែម។ ពេលនេះខ្ញុំមិនដឹងគាត់និយាយលេងឬមែនទេ តែខ្ញុំរកអីនិយាយមិនចេញមែន។ ឃើញខ្ញុំស្ងាត់បែបនេះបងស្នាក៏និយាយឡើងវិញម្តង។  

”មោះៗបានហើយលេងបានស៊ីលេងបានចុកលូវហើយ យុទ្ធយកដូចដើមណា” 

”បាទបង” 

”ចុះហ៊ាង យីស្ងាត់មាត់ឈឹងតែម្តងឯង” ហ៊ាងដែលកំពុងឈ្ងោកមុខនឹងតារាងម្ហូបឡើងចង់រហែកអស់ហើយនោះងើបមុខមកតប 

”បងមើលខ្ញុំឃើញហើយហេ៎ស្មានតែឃើញតែប្រុសក្មេងទេ” 

”យើស មកឌឺដងផងហេ៎ តិចដាក់ឲ្យរាគអាលូវនឹងឯង” 

”ខ្ញុំដូចអាយុទ្ធដែលមកបង” 

”អូខេ ចាំមួយភ្លែតណា” រួចគាត់ក៏ដើរចេញទៅដោយឆ្លៀតញាក់ចិញ្ចើមដាក់ខ្ញុំទៀត យីអាពូនេះ។  

”កុំប្រកាន់គាត់អី គាត់ចូលចិត្តញោះក្មេងលេងតែចឹង” គ្រាន់តែបងស្នាដើរចេញទៅបាត់បងយុទ្ធក៏និយាយឡើង។  

”ខ្ញុំប្រាប់ហើយតាស ថាមិនចេះប្រកាន់ច្រើនទេ” តែថ្ងៃនេះគាត់ដាក់ខ្ញុំដូចចង់ជ្រុលដែរ។  

”ពិតជាក្មេងគួរឲ្យស្រលាញ់មែន” Awwwទៀតហើយ  

”ទៀតហើយអស់ពីបងស្នាមកបងឯងម្តង ហើយខ្ញុំក៏មិនមែនក្មេងដែរ” 

”អូ មនុស្សចាស់” 

”បាទ ក្មួយប្រុស”  

”យើស នេះរំលោងក្បាលបងហើយណា” គាត់និយាយហើយយកដៃវាយក្បាលខ្ញុំតិចៗ ខ្ញុំក៏សើចហើយតប។  

3 / 12

”ចុះអ្នកណាឲ្យមកឌឺខ្ញុំធ្វើអី” 

”នែ ពិភពលោកនេះមានតែលោកពីរនាក់ទេហី៎ យើងក្លាយជារូបចំលាក់អស់ហើយ” ទាំងខ្ញុំទាំងបងយុទ្ធស្ងាត់មាត់ជ្រាប។ កំពុងតែលេងសើចជាមួយបងយុទ្ធ ស្រាប់តែមានមនុស្សម្នាក់ចូកមកកាត់ចង្វាក់ធ្វើឲ្យខូចបរិយាកាសអស់អាលីង។  

”ស្អីហែងហា៎ ហែងចេះច្រណែនតាំងពីកាលហា៎” 

”យើងច្រណែនត្រង់ណាហា៎អាយុទ្ធ យើងគ្រាន់តែឲ្យហែងដឹងថាទីនេះនៅមានអញម្នាក់ទៀតអានេះ” 

”នេះអី បើមិនច្រណែនឲ្យហៅថាអី គ្រាន់តែឯងនិយាយជាមួយទូតិចមិនបាន” អត់បានទេរកចូលឃាត់សិន មិនចឹងហក់ខាំគ្នាលូវហើយ។  

”អេៗអ្នកទាំងពីរ នេះវាជាទំលាប់និយាយគ្នារបស់អ្នកទាំងពីរមែន អាស្រួលបួលជាងនឹងអត់មានទេហី៎” ទាំងពីរនាក់ស្ងាត់មាត់ម្តងហើយងាកមកមើលខ្ញុំព្រមគ្នា។ រួចបងយុទ្ធក៏ងាកទៅលោកខ្មោចឆៅវិញ 

”មកពីហែងនឹងអាប៉ប”  

”ស្អីហែងហា៎អាយុទ្ធ អញធ្វើស្អីហែង” មើលទៅបែបមិនចប់ទេ 

”ឈប់ភ្លាម នេះអត់ចេះខ្មាស់គេទេហី៎ គេមើលមកហើយណា”ខ្ញុំធុញពេកក៏គោះតុមួយជាកាប្រមាន។ ហើយពីរនាក់នឹងក៏ស្ងាត់ជាលើកទី២។  

”នេះ លោកលុយថ្លៃកាហ្វេ” ខ្ញុំដាក់លុយលើតុរួចរុញទៅគេ។ គេសំលឹងមើលខ្ញុំផ្លឹសៗ 

”នៅសំលឹងអី ខ្ញុំមិនបានបិតលុយលើមុខទេ”  

”ថ្លៃកាហ្វេអី?” យីចេះធ្វើភ្លេចសមផង 

”នែលោក នេះខ្ញុំខំនិយាយស្រួលបួលណា មិចក៏ឌឺមកវិញចឹង”  

”មិនបាច់ទេ ខ្ញុំប៉ាវជាការស្វាគមន៍ ត្រង់អាយុទ្ធនិងបងស្នានិយាយលេងបានណាស់” គេនិយាយធ្វើមុខង៉ក់ងរ នេះគេកំពុងធ្វើឲ្យខ្ញុំវង្វេងអស់ហើយ ម្តងធ្វើដូចជាខ្ញុំមិនមានរូបរាងមិនចង់សូម្បីតែមើល ហើយឥលូវគេប្រែមកថានិយាយលេងជាមួយខ្ញុំ។ តើលោកជាមនុស្សបែបណាឲ្យប្រាកដទៅ។  

”អឺ ឲ្យវាប៉ាវទៅវាអាសារប៉ាវគេគ្រប់តាគ្នានឹង” ខ្ញុំកំពុងតែវិភាគពីបុគ្គលិកលក្ខណៈរបស់គេបងយុទ្ធក៏យកលុយពីលើតុមកញុកចូលក្នុងដៃខ្ញុំវិញធ្វើឲ្យខ្ញុំដាច់ភាគអស់។  

4 / 12

”អឺ មានតែហែងមួយនឹងដែលអញមិនប៉ាវ” 

”អញក៏មិនឃ្លានលុយហែងដែរអាប៉ប” នេះគេឈ្មោះអីឲ្យប្រាកដនៀក ប្រាប់ថាឈ្មោះហ៊ាងតែលឺហៅតាប៉បៗរហូត។ ខ្ញុំអត់មិនបានក៏ដាច់ចិត្តសួរ 

”សំរេចឈ្មោះអីឲ្យប្រាកដទៅ ប្រាប់ថាឈ្មោះហ៊ាងតែហៅប៉បៗរហូត ប៉បនឹងអ្នកណាគេ”  

”ហិហិ ឈ្មោះកំណើតគឺហ៊ាង តែដោយសារកាលពីក្មេងៗវាចូលចិត្តមើលរឿងប៉បអាយ….” 

”នែៗៗអាយុទ្ធឈប់ភ្លាមណា” លោកខ្មោចឆៅលើដៃចង្អុលមុខបងយុទ្ធឲ្យឈប់និយាយតែបងយុទ្ធនៅតែបន្ត 

”ស្អីឯងប្អូនចង់ដឹងត្រូវតែប្រាប់” រួចគាត់ក៏បន្តទៀត 

” ក្រៅពីចូលចិត្តមើលប៉បអាយហើយ វាក៏ចូលចិត្តតាំងខ្លួនជាប៉បអាយដែរ បងក៏ទំលាប់ហៅវាអាប៉បអាយៗចឹងទៅ រាល់ពេលដែលបងហៅវាអាប៉បអាយវាតែងតែដេញវាយបងព្រោះវាខ្មាស់គេ ទើបបងកាត់ត្រឹមអាប៉បទៅ” រឿងវែងឆ្ងាយបស់គេ គាត់និយាយបណ្តើរសើចបណ្តើរ។ 

”ហាសហា ល្អសើចខ្លាំងណាស់សុំដូររឿង”  

”ហាសហាហា ចង់ឌឺបងមែន” ហិហិដឹងល្អហើយ តែខ្ញុំបានត្រឹមស្ញេញតបគាត់វិញ។  

”ជាមិត្តនឹងគ្នាតាំងពីក្មេងផងហេ៎?”  

”នឹងហើយរៀនជាមួយគ្នាតាំងតែមតេយ្យមកម្លេះ”ចឹងតើបានការនិយាយស្តីមានភាពគួរសមគ្នាណាស់  

” នេះនៅមានរឿងវាច្រើនទៀតណាចង់ស្តាប់អត់?”គ្រាន់តែលឺបែបនេះភ្លាមលោកប៉បអាយក៏ស្ទុះយកដៃខ្ទប់មាត់បងយុទ្ធភ្លាម(នេះដាក់ឈ្មោះក្រៅឲ្យគេគ្រប់ឈ្មោះតែម្តងហើយខ្ញុំ) 

”អាយុទ្ធឈប់ភ្លាម នេះឯងចង់ត្រូវហេ៎” ម្នាក់ខំខ្ទប់មាត់ឯម្នាក់ទៀតខំប្រឹងរើ។ ខ្ញុំញញឹមមើលពីរនាក់គេប្រលែងគ្នាយ៉ាងអារម្មណ៍ល្អ។ ពេលនេះខ្ញុំអាចយល់បានខ្លះហើយថាហេតុអីបានពួកគេទាំងពីរអាចរាប់អានគ្នាយ៉ាងល្អបែបនេះ ព្រោះភាពបំពេញឲ្យគ្នាទៅវិញទៅមក។ ភាពរីករាយរបស់បងយុទ្ធអាចនឹងធ្វើឲ្យភាពស្ងៀមស្ងាត់របស់លោកប៉បអាយមានភាពស្រស់ស្រាយបាន ហើយភាពស្ងៀមស្ងាត់របស់លោកប៉បអាយក៏អាចនឹងធ្វើឲ្យភាពរីករាយរបស់បងយុទ្ធមានកំរិត ព្រោះមនុស្សម្នាក់ៗមិនអាចចាំតែអង្គុយកើតទុក្ខឬក៏ចាំតែសប្បាយមួយមុខដែរ។ កំពុងមើលពួកគេប្រលែងគ្នាបងស្នាក៏បានលើម្ហូបមកល្មម។  

5 / 12

”អាស មកហើយៗ នេះរបស់យុទ្ធ ហើយនេះរបស់ហ៊ាង ហើយមួយនេះរបស់ពិសេសសំរាប់អូនទូណា” គិតទៅបងស្នានេះពូកែសម្តីណាស់ណ៎ នេះបើមានសង្សារវិញមិនដឹងគេឈ្លក់វង្វេងយ៉ាងម៉េចទេ 

”អរគុណណាស់បង គួរឲ្យចង់ញ៉ាំដល់ហើយ” 

”អ្នកណាក៏ថាបងគួរឲ្យចង់ញ៉ាំដែរ” 

”ខ្ញុំចង់និយាយពីម្ហូបមិនមែនបងទេ បងឯងនេះ” ហើយបងស្នាក៏សើច 

”អូខេៗម្ហូបក៏ម្ហូបទៅ ញ៉ាំតាមសប្បាយណាបងទៅទទួលភ្ញៀវសិន ទៅហើយយុទ្ធ ហ៊ាង” 

”បាទបង” ហើយពួកយើងក៏នាំគ្នាប្រញាប់ញ៉ាំដោយមិននិយាយអីច្រើនឡើយ ព្រោះជិតដល់ម៉ោងចូលរៀនហើយ។ ក្រោយពីញ៉ាំរួចរាល់ហើយបងយុទ្ធជាអ្នកចេញលុយម្តង។ ខ្ញុំព្យាយាមហុចលុយទៅគាត់ដែរតែគាត់មិនព្រមយកសោះ គាត់ថាកុំឲ្យចាញ់លោកប៉បអាយ។ ល្អតាស ប្រជែងគ្នាទៅខ្ញុំនឹងបានចំណេញ ហេសៗៗ។ បន្ទាប់ពីដណ្តេីមគ្នាចេញលុយរួចរាល់អស់ហើយពួកយើងក៏នាំគ្នាត្រលប់មកថ្នាក់រៀនវិញព្រោះនៅសល់ម៉ោងគ្រូបរទេសមួយម៉ោងចុងក្រោយ។ ក្នុងថ្នាក់គឺស្ងប់ស្ងាត់ល្អណាស់ដោយសារគ្រូបរទេសគាត់មានវិន័យតឹងរឹងជាងគ្រូខ្មែរទើបពួកយើងគ្រប់គ្នាមិនហ៊ានជជែកគ្នាផ្តេសផ្តាស។ រយះពេលមួយម៉ោងបានកន្លងផុតទៅក៏ដល់ពេលវេលាចេញទៅផ្ទះ ខ្ញុំកំពុងតែមមាញឹកនឹងរៀបចំសៀវភៅស្រាប់តែបងយុទ្ធលួចមកកេះខ្នងពីក្រោយ 

”ទូគិតទៅផ្ទះតែម្តងមែនទេ?” 

”នឹងហើយបង មានការអីមែន?” 

”អរ អត់មានអីទេ ចុះជិះអីទៅវិញ” 

”តិចទៀតបងប្រុសខ្ញុំមកយកហើយ” 

”មើលទៅបងប្រុសទូស្រលាញ់ទូណាស់ណ៎ តែមិនចំលែកទេមានប្អូនទាំងស្លូតទាំងឆ្លាតហើយទាំងស្អាតចឹងទៅទៀតបងណាមិនស្រលាញ់ទៅ”☺☺ 

”ចេះតែមានហើយបងឯងនេះ បងប្អូនត្រូវចេះស្រលាញ់គ្នាចឹងហើយមិនចាំបាច់ដល់ដូចបងឯងនិយាយទេ”  

”នែហែងទៅផ្ទះអត់អាយុទ្ធ តិចស្ទះឡានទៅមិនដល់ផ្ទះទៅ” តេីមានពេលណាទៅដែលគេមិនចូលមកកាត់ចង្វាក់ខ្ញុំ។ សន្ទនាគ្នាមិនទាន់បានអីផង ចូលមករញ៉េរញ៉ៃទៀតហេីយ។  

6 / 12

”អឺ អញភ្លេចប្រាប់ហែងថាថ្ងៃនេះអញមិនបានទៅផ្ទះជាមួយហែងទេ អញត្រូវទៅធ្វើកិច្ចការសាលាតទៀត” គ្រឺងងង និយាយមិនទាន់ចប់ផងទូរស័ព្ទរបស់គាត់ក៏រោទិ៍។ ឃើញគាត់ប្រញាប់លើកហើយនិយាយតែ 

”ចុះទៅហើយៗ” រួចក៏ចុចបិទ។  

”ចឹងបងទៅមុនហើយណា ជួបគ្នាស្អែកនេះ អញទៅមុនហើយអាប៉បអាយ ហាសហា” 

”យី អានេះវៃ អត់មិនបានអាលូវនឹងហែង”បងយុទ្ធមិននៅឲ្យវាយទាន់ទេក៏រត់ត្រុយទៅបាត់ រួចងាកមកបាយបាយខ្ញុំជាចុងក្រោយទៀត។    គិតទៅម្យ៉ាងដែរណ៎។ អឺ ចឹងចុងក្រោយនៅសល់តែខ្ញុំនិងគេហេីយចឹង។  

”លោកនៅចាំអ្នកណាទៀត មិត្តលោកទៅបាត់ហើយ” 

”គឺចាំយើងនឹងហើយ កុំឲ្យថាគ្មានទឹកចិត្ត” ស្លាប់ហើយៗ នេះជំងឺខួរក្បាលរើឡើងវិញទេដឹងបានមកនៅចាំខ្ញុំហ្នឹង។  

”មិនអីទេ លោកទៅមុនទៅក្រែងមិនចង់ស្ទះឡានហី៎” 

”ស្មាលនេះវាស្ទះរួចរាល់ហើយ រៀបចំឥវ៉ានឲ្យតាលឿនទៅនៅមកតវ៉ាទៅកើត តិចទុកឲ្យនៅមួយខ្មោចអាលូវហ្នឹង” មិនបាច់ទុកទេព្រោះអីនៅជាមួយខ្មោចឆៅស្រាប់ហើយ។   

”ដឹងហើយចេះមកប្រទឿនគ្នារួច” ព្រុះ…. ស៊ាំណាស់វេីយយយយ ដោយសារតែប្រញាប់ពេកសៀវភៅក៏របូតចេញពីដៃ ចំមែនរលាក់រលើតណាស់។ ខ្ញុំកំពុងតែលូកដៃរើសយកសៀវភៅស្រាប់តែ… 

”អូយ” ខ្ញុំនិងគេស្រែកព្រមគ្នា គឺបុកក្បាលគ្នានឹងណា។ 

”អោនមករកស្អីលោកដែរនឹង អូយឈឺណាស់”ខ្ញុំអង្អែលក្បាលញាប់ឆ្មេរ 

”មានចិត្តជួយរើសឲ្យហើយនៅខុសទៀត” 

”សៀវភៅមួយក្បាលនឹងខ្ញុំរើសខ្លួនឯងបានហើយ ធ្វើដូចធ្ងន់ធ្ងរណាស់ចឹង”ខ្ញុំរៀងមួរម៉ៅចិត្តដែរព្រោះឈឺគួរសមដែរនឹងណា។ តែក៏ត្រូវបិតមាត់ភ្លាមដោយសារទឹកមុខរបស់គេ។ នេះគេចេះធ្វើមុខsad ផងហេ៎។  

”អឺ ខ្ញុំចង់បានន័យថាមិនអីទេខ្ញុំរើសខ្លួនឯងបានហើយ” ខ្ញុំខំនិយាយឲ្យស្តាប់ទៅសុភាពបំផុត។ តែគេមិនមាត់អីទាំងអស់តែបែរជាបែរខ្នងដើរចេញទៅវិញ។ ហឿយ នេះខឹងហ៎?  

7 / 12

”អេ លោកចាំផង” ហេីយគេងរស្អីគេម៉េសៗ។ ខ្ញុំប្រញាប់ទាញកាតាបនិងសៀវភៅដែលមិនទាន់ដាក់ចូលក្នុងស្រួលបួលផង រួចរត់តាមគេចេញទៅ។ ហើយគេប្រញាប់ទៅណានឹងបានដើរលឿនអីយ៉ាងនេះ។  

”អេៗ នេះលោកកើតអីនឹង ក្រែងមិញថាចាំខ្ញុំហើយលូវមិចដើរចេញចោលខ្ញុំចឹង” ស្ងាត់គ្មានប្រតិកម្មអីទាំងអស់ គិតតែពីដើរមួយមុខគត់ហើយសំខាន់ដើរលឿនទៀត។ ព្រូសសសសស 

”អូយយយយ” ខ្ញុំរវល់តែដើរផងញុកសៀវភៅចូលកាតាបផង មិនបានដឹងថាមានជណ្តើរឡើងខាងមុខ ក៏ទាក់ជើងដួលលុតជង្គង់ចំជ្រុងជណ្តើរមួយទំហឹង។ អារម្មណ៍ឈឺចាប់រត់ដេញដល់ក្បាល សម្រែកខ្ញុំលឺស្ទើផ្លាត់សំលេង ខ្ញុំឈឺស្ទើស្រក់ទឹកភ្នែក។ នេះជាថ្ងៃចង្រៃអីរបស់ខ្ញុំទៅហេតុអីក៏ស៊យយ៉ាងនេះ ហឺៗៗ។  

”នេះ កើតអីហ្នឹង? មិចបានទៅដួលចឹង?” អាលោកប៉បអាយលឺខ្ញុំស្រែកខ្លាំងពេកក៏ងាកមករួចស្ទុះរត់មករកខ្ញុំយ៉ាងលឿន។ នៅមានមុខមកសួរទៀត។  

”ដោយសារលោកនឹងមិនដឹងប្រញាប់ទៅណាទេ អូយយយ ឈឺណាស់” ខ្ញុំអង្គុយខ្ទប់ជង្គង់ដោយភាពចុកចាប់មិនបាត់ វាពិតជាឈឺខ្លាំងណាស់។ ចង់ងើបឈរក៏មិនរួចទៀត។  

”មោះងើបឡើងខ្ញុំជួយ ពិតជារលាក់រលើតមែន”គេព្យាយាមលើកគ្រាខ្ញុំឡើងតែខ្ញុំគ្មានកំលាំងសោះព្រោះជង្គង់ខ្ញុំទាំងពីរឈឺស្ពឹកអស់ហើយ 

”ខ្ញុំងើបមិនរួចទេ លោកទៅមុនទៅខ្ញុំចង់អង្គុយឲ្យបាត់ឈឺតិចសិន” ខ្ញុំនិយាយហេីយក៏រុញឲ្យគេចេញ។ ក្រែងចង់ទៅចោលខ្ញុំណាស់ហី៎ 

”គេចេញពីសាលាអស់ហើយ ចង់នៅម្នាក់ឯងយ៉ាងមិច” 

”មុននឹងលោកក៏ទុកខ្ញុំនៅម្នាក់ឯងដែរ មកខ្វល់អីពេលនេះ” ខ្ញុំនិយាយឡើងចង់អួលដើមករ។ ឈឺតាំងកាយផង ឈឺតាំងចិត្តទៀត មនុស្សអីក៏ចិត្តខ្មៅយ៉ាងនេះហឹកហឹក។  

”ង៉ក់ងរច្រើនដូចស្រីទៅកើត” Awwww ទាល់តែស្រីទេីបង៉ក់ងរបានហី៎ អាឆ្កួត។ មេីលងាយឯងសំបេីមណាស់។  

”ហើយវាយ៉ាងមិច ទៅៗចង់ទៅណាក៏ទៅៗ” ខ្ញុំនៅតែរុញដេញគេចេញ តែគេមិនព្រមងើបសោះហើយបែរជាមកគ្រៀកស្មាររួចចាប់អៀវខ្ញុំដោយមិនខ្វល់អីទាំងអស់។  

”នែ លោកចង់ធ្វើអីនឹង ដាក់ខ្ញុំចុះភ្លាម” ខ្ញុំរើរផងអីផង តែក៏ត្រូវស្ងាត់ពេលលឺគេនិយាយ 

8 / 12

”ស្ងាត់មាត់ តិចបោះចុះទៅក្រោមអាលូវនឹងកំពុងតែធ្ងន់ផង មាឌតូចសោះធ្ងន់អីក៏ធ្ងន់យ៉ាងនេះ”  

”បើធ្ងន់មិចមិនដាក់ចុះទៅ អ្នកណាប្រើឲ្យមកអៀវ” 

”បានហើយឈប់និយាយ៥នាទីបានអត់ មានប្រជ្រុយក្នុងមាត់ឬយ៉ាងមិចហ្នឹង បានពូកែរអ៊ូរអីថ្នាក់នឹង ចង់អំបៅអំបែកត្រចៀកហី៎” Awwwww I hate U. I hate U។ ចង់តទៅគេទៀតក៏មិនហ៊ានព្រោះខ្លាចគេទំលាក់ខ្ញុំចោលមែនមានតែទ្រាំតោងករគេទាំងដែលទទួលអារម្មណ៍ថាបេះដូងខ្លួនកាន់តែលោតញាប់ទៅ។ ខណះពេលនៅជាប់ខ្នងគេបែបនេះទើបខ្ញុំដឹងថារាងកាយគេមាំមួនដល់ហើយប្រៀបដូចអ្នកដែលបានធ្វើលំហាត់ប្រាណជាប្រចាំមកចឹង ស្មារធំ ដើមដៃរឹងកំព្រឹសដោយសារប្រើកំលាំងអៀវខ្ញុំ ហើយពិសេសទៀតនោះគឺក្លិនទឹកអប់ម៉ាកល្បីដែលភាយចេញពីខ្លួនគេមកធ្វើឲ្យខ្ញុំរវើរវាយអស់ហើយ។ ឈប់ៗៗ អាទូនេះឯងឆ្កួតអីនឹង ឯងជាប្រុសណាហេតុអីទៅឈ្លក់វងេ្វងនឹងគេជាប្រុសដូចគ្នាទៅវិញ តាំងសតិៗដកដង្ហើមមួយៗ ។ ហូសសសៗ ពេលនេះដង្ហេីមដកស្រួលហេីយតែគ្រឿងក្នុងដូចមិនស្រួលសោះ។ ខ្ញុំនៅតែបន្តតោងករគេរហូតមកដល់ក្រោម ហើយគេក៏ដាក់ខ្ញុំចុះអង្គុយនៅលើសាឡុងវែងមួយដែលគេដាក់សំរាប់ឲ្យសិស្សអង្គុយលេង។ បន្ទាប់មកគេក៏លុតជង្គង់នៅពីមុខខ្ញុំចាប់ជើងខ្ញុំមើលរបួស☺ធ្វេីដូចគូរស្នេហ៍គេtake care គ្នា។ ឯងឯនេះចង់កេីតរោគអៀនឡេីងមក។  

”មើរ ឲ្យមើលជើងតិចមើស យ៉ាងមិចហើយ” ខ្ញុំមិនមាត់អីទាំងអស់តែក៏ព្រមលើកជើងឲ្យគេមើល។ ហើយគេក៏សើយជើងខោខ្ញុំឡើងដើម្បីមើលរបួស 

”ឡើងជាំខៀវបាត់ទៅហើយ ទុកតិចទៀតដឹងតែហើមហើយ” ខ្ញុំលឺបែបនេះក៏អោនទៅមើលហើយក៏ពិតដូចគេនិយាយមែន គឺវាជាំខៀវធំណាស់ ទាំងសងខាងតែម្តង ហ្អា ហ្អា។ តើខ្ញុំទៅផ្ទះយ៉ាងមិចទៅ ស្មាលនេះហើយហ៊ានៅមិនទាន់មកយកទៀត មេឃចាប់ផ្តើមងងឹតទៅហើយធ្វើយ៉ាងមិចទៅអាទូ 

”ហើយនេះបងប្រុសមកយកស្មាលណា ម៉ោងជិត៦ហី៎” ខ្ញុំលឺគេនិយាយបែបនេះក៏លូកយកទូរស័ព្ទមកមើលឃើញម៉ោង5:50Pm ហើយរួចក៏ចុចតេទៅហ៊ាតែម្តង។  

តឺតតត តឺតតត តឺតតតត 

”អាឡូ ទូ” 

”អាឡូហ៊ា ហ៊ានៅណានឹងស្មាលនេះហើយមិចអត់ទាន់មកយកខ្ញុំទៀត” 

”អើយយយ ហ៊ាភ្លេចឲ្យឈឹងថាថ្ងៃនេះឯងចាប់ផ្តើមថ្នាក់ថ្មី ធ្វើយ៉ាងម៉េចល្អទៅហ៊ាមានការរវល់ខាងក្រៅទៀត” 

9 / 12

”មិនដឹងស្អីហ៊ាឯងទេអារម្មណ៍នឹកទៅដល់ស្រីណានឹង បានភ្លេចប្អូនខ្លួនឯងរួចនៀក ទើបតែជូនមកថ្ងៃមិញសោះ”  

”អឺណា ឲ្យហ៊ាសុំទោសហ៊ាជាប់រវល់តិចនឹងណាទើបភ្លេចទៅ លូវអាចចាំហ៊ាតិចបានអត់ ហ៊ាជិតរួចហើយ” 

”មិនបាច់ទេ ហ៊ានៅធ្វើការងារហ៊ាទៀតចុះ ខ្ញុំរកអីជិះទៅខ្លួនឯងវិញ បើចាំមិនដឹងពេលណាទេ” 

”ហើយឯងគិតរកអីជិះទៅវិញ?” 

”គិតរកហៅតាក់ស៊ីជិះព្រោះជើងខ្ញុំឈឺពិបាកដើររកតុកតុកណាស់” 

”នេះជើងឯងកើតអីហា៎ទូ?” គាត់និយាយទាំងសំលេងរៀងតក់ស្លុត ធ្វើឲ្យខ្ញុំអស់សំណើចបន្តិចទៅ 

”អត់មានអីច្រើនទេ ចាំដល់ផ្ទះចាំខ្ញុំប្រាប់” 

”ហ៊ាដូចអារម្មណ៍អត់ល្អសោះដែលទុកឲ្យឯងទៅផ្ទះម្នាក់ឯងចឹង លូវចាំហ៊ាតេឲ្យមិត្តហ៊ាទៅយកឯងមកផ្ទះវិញ ផ្ទះវាជិតនឹងស្រាប់” 

”កុំរំខានគាត់អីហ៊ា ខ្ញុំថាខ្ញុំមិនអីគឺមិនអីហើយ ខ្ញុំធំគ្រប់គ្រាន់នឹងមើលថែខ្លួនឯងបាន” 

”បានសំដីណាស់ឯង ឯងនឹងនៅតែជាក្មេងក្បាលរឹងរបស់ហ៊ាដដែលនឹងគ្មានឃើញធំទៅណាទេ” 

”អូខេចឹងត្រឹមនឹងសិនហើយខ្ញុំរកតេហៅតាក់ស៊ីសិន និយាយមួយហ៊ាឯងច្រើនពេកហើយហិហិ” 

”យើសអាក្បាលខូច ប្រយ័ត្នប្រយែងផងណា ហើយដល់ផ្ទះតេមកប្រាប់ហ៊ាផងហ៊ាបារម្ភ” 

”បាទដឹងហើយលោកប៉ា ហាសហា បាយបាយ” ខ្ញុំរវល់តែនិយាយជាមួយហ៊ាជក់ពេកឡើងភ្លេចអ្នកនៅជាប់ដៃកំពុងសំលឹងមកខ្ញុំតាំងពីកាលក៏មិនដឹង។  

”នេះលោកមិនទាន់ទៅទេហី៎” ខ្ញុំភ្ញាក់ព្រឺតពេលងាកទៅឃើញគេអង្គុយសំលឹងខ្ញុំមិនដាក់ភ្នែកបែបនេះ។  

”យីនិយាយជាមួយបងចប់ភ្លាមចង់ដេញភ្លែតម៉ង” 

”មានបានដេញឯណា គ្រាន់តែសួរតាស អត់បានមែន?” 

”អឺ បើមិននៅធ្វើមិចនឹងដឹងថាយើងគ្មានអ្នកមកយកទៅ” 

”មិនមានអ្នកមកយកក៏ខ្ញុំរកវិធីទៅផ្ទះខ្លួនឯងបានដែរ” 

”ហ៊ូ… គ្រាន់បើណាស់ គិតចង់វារចេញទៅរកអីជិះមែន?” 

10 / 12

”ហេ… ខ្ញុំអាចហៅតាក់ស៊ីឲ្យមកយកដល់កន្លែងបាន មិនចាំបាច់ដល់ថ្នាក់វាដូចលោកឯងនិយាយទេ” មកវាវាធ្វើដូចឯងឆ្កែហី៎ 

”បានហើយឈប់បូរបាច់ទៅ ក្រោកមកខ្ញុំជូនទៅផ្ទះ”  នេះខ្ញុំស្តាប់ច្រឡំឬយ៉ាងមិចនឹង។  

”អរគុណតែមិនបាច់ទេ មិនចង់ជំពាក់គុណ” និយាយយកមុខតិចកុំឲ្យគេថាយើងចិត្តងាយ។  

”ចឹងក៏បាន ធម្មតាក៏មិនមែនជាមនុស្សមានទឹកចិត្តអីណាស់ណាដែរ សំណាងល្អណា” ចូលដើមហើយអញលេងរិកលេងពាពេកហេ៎លូវស្ញេញ។ ហើយគេក៏ដើរចេញទៅមែន ខ្ញុំចង់ស្រែកហៅគេផងអីផងតែអៀនមាត់ណាស់។ ចប់ហើយពិតជាត្រូវរកឡានតាក់ស៊ីមែនហើយ។ ហឺរហឺរ 

”អាមនុស្សចិត្តអាក្រក់ អាមនុស្សចិត្តខ្មៅ អាមនុស្សគ្មានញាតិរាប់ អាខ្មោចឆៅ…..អេ…” ខ្ញុំកំពុងរអូរបណ្តើរចុចទូរស័ព្ទតេទៅរកតាក់ស៊ីបណ្តើរស្រាប់តែមានដៃមនុស្សម្នាក់លូកមកឆក់យកទូរស័ព្ទពីដៃខ្ញុំ។  

”ខ្ញុំបានលឺទាំងអស់ណា នេះហ៊ានមកអង្គុយជេរខ្ញុំស្ងាត់ៗផងហេ៎” ខ្ញុំភ្ញាក់ដូចគេឆក់ ងើយសំលឹងទៅក៏ឃើញគេឈរកាន់ទូរស័ព្ទខ្ញុំហើយញាក់មុខដាក់ខ្ញុំទៀត ដូចមនុស្សមានប្រៀប

”លឺអី ខ្ញុំបាននិយាយអី” 

”អ្នកណាជាខ្មោចឆៅ ហើយអ្នកណាមនុស្សចិត្តខ្មៅហា៎?” គេនិយាយបណ្តើរឱនមករកខ្ញុំបណ្តើរ។  

”នែ ឈប់ភ្លាមខ្ញុំអានសារបស់មិត្តខ្ញុំផ្ញើមកឲ្យទេគ្មានបានថាអ្នកណាទេ” ដូចជាចង់លឿនជ្រុល ឯងរកយកដៃទប់មិនចង់ទាន់។  

”អឺហឺ អាសស មិនថាក៏មិនថាទៅ ឥលូវសំរេចចុងក្រោយថាទៅឬមិនទៅ?” គេឈរសំលឹងមុខខ្ញុំដូចចង់ប្រាប់ថាត្រូវតែទៅ តែខ្ញុំ… 

”ប្រាប់ថាមិនគឺមិនហើយ” (នៅលេងចរិកទៀតហា៎)។  

”ហឺមមមម មាត់រឹងមែនវេីយយ”  

”អេ… លោក…” មិននិយាយច្រើនទៀតគេក៏អូសខ្ញុំឡើងហើយចាប់អៀវខ្ញុំដូចមុនទៀត។   

”អូយៗ អេ… លោកខ្ញុំឈឺរបួសណាដៃស្រាលជាងនេះតិចចេះទេ កំលាំងដូចគោយន្ត” 

”បើនិយាយស្តាប់គ្នាស្រួលជាងនេះអាចមិនត្រូវចឹងទេ ហើយនៅឲ្យស្ងៀមផងប្រយ័ត្នធ្លាក់បាក់ក” oop蘿ខ្ញុំលឺគេនិយាយភ្លាមក៏បិទមាត់តោងកគេឡើងជាប់ភ្លែត ប្រុសអីមាត់អាក្រក់យ៉ាងនេះលោកអេីយ។  

11 / 12

ក្រោយពីប្រទាញប្រទង់គ្នាចប់សប់គ្រប់ហើយខ្ញុំក៏ស្ងាត់ដូចគេជុក ចំនែកលោកប៉បអាយវិញបានដៃលួចញញឹមម្នាក់ឯង ចាំមើលណាតែដល់វេនខ្ញុំវិញដាក់ឲ្យធ្ងន់ម៉ង។  គេគិតតែពីអៀវខ្ញុំដោយមិនធ្លាក់ដៃចុះបន្តិចណាឡេីយ ហើយបន្តទៅជាលំដាប់រហូតយើងបានមកដល់ឡានរបស់គេដែលចតនៅចំហៀងសាលា។ Wow នេះគេពិតជាមានដូចបងយុទ្ធនិយាយមែន ឡានសេរីកប់ Mercedes Benz Ccoupe ពណ៌សចាំងភ្នែកម៉ង។  

”ប្រយត័្នក្បាលផង” គេទំលាក់ខ្លួនខ្ញុំចូលឡានយ៉ាងថ្នមខ្លួនបំផុត ហេីយខ្ញុំក៏ជួយសំរួលខ្លួនឲ្យវាកាន់តែបានចូលទៅដោយស្រួលដូចគ្នា។ ក្រោយពីញាត់ខ្ញុំចូលក្នុងឡានទាំងវេទនារួចហើយគេក៏ដើរមកអង្គុយកន្លែងប្រចាំការរបស់គេ តែមិនទាន់បានបញ្ឆេះឡានផងគេងាកមកខ្ញុំ។  

”ដាក់ខ្សែក្រវាត់ផង ចង់ចាំឲ្យអ្នកណាមកដាក់ឲ្យទៀត?”ទៀត គិតទៅខុសគ្រប់រឿងតែម្តង។ ខំគិតថាប្រហែលបាននិយាយគ្នាស្រួលហេីយតែចេញមកដុំគ្រួសតែម្តង។   

”ហើយផ្ទះនៅម្តុំណា?” 

”ទួលគោក” 

”ផ្ទះនៅទួលគោកមករៀនដល់ផ្សារថ្មី ជិតផ្ទះអស់សាលារៀនមែន?”  

”ចុំ ហើយវាទៅទឺសអីនឹងលោកដែរ ខ្ញុំចង់រៀនទីណាក៏ស្រាច់តែខ្ញុំតាស់។” យ៉ាហី រឿងចឹងសោះក៏មកដៀលឯងដែរ ហួសចិត្ត។  

”អឺៗ រឿងរបស់លោកខ្ញុំមិនទឺសក៏បានដែរ” គេតបមកបែបក្រវីក្បាលរួចក៏ចេញឡានទៅ។ ចេញឡានមិនទាន់ផុតសាលាស្រួលបួលផងក៏ជាប់ស្ទះឡានបាត់ទៅហើយ។  

”ងាប់អញហើយ ថ្ងៃនេះថ្ងៃអីនឹងបានស្ទះតាំងពីផ្លូវនេះទៅហើយ” ខ្ញុំលឺគេរអ៊ូរម្នាក់ឯងមិនឈប់ ខ្ញុំថ្លង់ពេកក៏សម្ងំបិទភ្នែកដេកបន្តិចព្រោះមានអារម្មណ៍ថាអស់កំលាំងណាស់។ បិទភ្នែកបានបន្តិចសំលេងគេក៏ស្ងាត់ប្រហែលឃើញខ្ញុំគេងហើយមើលទៅ។   

”ប្រហែលនិយាយឡើងហត់ហើយមើលទៅបាន ដេកដូចខ្មោចងាប់យ៉ាងនេះ”  សុបិនអាក្រក់តែម្តងគ្រាន់តែលឺពាក្យនេះ។ អ្នកណាបានធ្វើប្តីច្បាស់ជាត្រូវគាំងស្លាប់ហើយ។ ខ្ចិលខ្វល់ណាស់ ខ្ញុំធ្វើជាមិនលឺហើយបន្តដេកទៀតទៅបើនៅតហត់តែមាត់ទេ។  

ឡានរំកិលទៅមុខម្តងបន្តិចៗដូចអណ្តេីករហូតដល់ភ្នែកខ្ញុំទន់ព្រោះតែចាប់ផ្តេីមងងុយ ហេីយទីបំផុតខ្ញុំក៏គេងលក់មិនដឹងខ្លួន។  

”ហ៊េីយយ ចង់ធ្វើអីហ្នឹង?” ដឹងខ្លួនម្តងទៀតក៏ឃើញមុខរបស់អាលោកប៉បអាយស្ទើរតែជាប់នឹងមុខខ្ញុំទៅហើយ។ ខ្ញុំភ្ញាក់ក្រញ៉ាងដូចយល់សប់ឃើញខ្មោច

😈”មើលទឹកមាត់ហៀរ ធំប៉ុនណាណីហើយដេកហៀរទឹកមាត់ទៀត😆”  

💜”😳ឡប់ ខ្ញុំមិនដែលដេកហៀរទឹកមាត់ទេ” ខ្ញុំស្ទុះងើបរួចយកដៃជូតមាត់ខ្លួនឯង ស្លាប់ហើយអាម៉ាសមុខណាស់ដេកហៀរទឹកមាត់ឲ្យគេឃើញ។  

😈”នៅប្រកែកទៀត ទឹកមាត់ហៀរឡើងចង់ដល់កហើយ” 

💜”បិតមាត់ ស្មានតែលោកមិនដែលដេកហៀរទឹកមាត់ហី៎” ខ្មាស់គេណាស់លោកអើយ។  

😈”តែក៏មិនមែនសភាពដូចអ្នកខ្លះដែរ ហៀរកណ្តាលវាលចឹងៗអី” 😖😖 

💜”ឈប់និយាយជាមួយលោកហើយ អាមនុស្សរំខាន” បើនៅតទៀតរឹតតែខ្មាស់ទៀតចឹងសុំឈប់។  

😈”បើមិននិយាយធ្វើមិចស្គាល់ផ្ទះ ឬក៏ចង់ទៅដេកផ្ទះខ្ញុំវិញ?”  

💜”អរគុណហើយតែមិនបាច់ហេ៎ ដល់ណាហី៎នឹង” 

😈”ដល់ស្ពានអាកាសតិចណូហើយ” 

💜”ចឹងលោកជិះទៅអង់តែនទួលគោកទៅស្គាល់អត់” 

😈”ស្គាល់ហើយ តែកុំដេកហៀរទឹកមាត់ទៀតណា ប្រយ័ត្នហៀរប្រឡាក់ពូកឡានខ្ញុំ ស្អុយហា៎ ហាហាហា” និយាយរួចគេក៏សើច អា៎ា៎ា៎ា ឌឺឯងកប់ៗណាស់អាខ្មោចឆៅឆ្កួត(ជេរបានតែក្នុងចិត្តទេហ៊ានតែគេលឺដឹងតាធ្លាក់ពីលើឡានម៉ង)។ 

ម្តងនេះខ្ញុំត្រូវគេសំរុកបាញ់គ្មានស្រាកស្រាន្តរហូតរកពាក្យតរមិនទាន់ ទេីបបានត្រឹមតែខាំមាត់សង្កត់ចិត្តប្រាប់តែផ្លូវទៅផ្ទះដោយផ្ទៃមុខស្ពឹកដោយសារគ្រាប់បាញ់របស់គេ។ គេក៏ដូចគ្នាអស់ពីបាញ់ឯងអស់ចិត្តហេីយ គឺគិតតែពីច្រៀងតាមឡានរហូត។ បើនិយាយទៅគេក៏ជាមនុស្សល្អដែលណាដកតែមាត់គ្មានគំរបគេចេញក៏ប្រើការបាន។ 

សូមរងចាំតាមដានភាគបន្ត!