រឿង អ្នកជម្ងឺទី1 (ភាគ5=ភាគបញ្ចប់)

រឿង អ្នកជម្ងឺទី1

(ភាគ5=ភាគបញ្ចប់)

និពន្ធដោយ Wong Nau

#Khmer_Novel69

From : Future bold man

គ្រាន់តែអានចប់ខ្ញុំ ប្រញ៉ាប់បិត mail ហើយលុបចោលតែម្តង ព្រោះ​ខ្លាចខាង IT​ គេចាប់បាន។ ខ្ញុំ​គេងគិតថា តើគួរឆ្លើយតបបែបណាទៅធារិត បើកាំបិតចិតដងឯងបែបនេះ។
🧔មានតែដាក់ថ្នាំខ្លាំងហើយ ទើបបាន...
រំលងទៅ2ថ្ងៃខ្ញុំមិនឆ្លើយតប mail ទៅគាត់ទេ គឺខ្ញុំទុកចាំជួបគាត់ក្នុងថ្ងៃណាត់តែម្តង ចាំនិយាយ។ ម្យ៉ាង​ទុកអោយគាត់ដឹងដោយខ្លួនឯងថា វាជារឿងដែលមិនអាចទៅរួច ដើម្បីអោយគាត់ធ្វើចិត្តបណ្តើរៗ​។ នៅថ្ងៃពុធ​ ពេលល្ងាចខ្ញុំដើរជ្រួសផ្លូវជាមួយគាត់នៅកន្លែងផ្ញើរម៉ូតូ។ ជាការពិតខ្ញុំបានឃើញធារិត ឯធារិតក៏ឃើញខ្ញុំដូចគ្នា។ តែខ្ញុំធ្វើជាសម្លឹងទៅលើ មើលមិនឃើញ​គាត់​ ដើរដោយមិននិយាយអ្វីជាមួយគាត់ទាល់តែសោះ​ (ធ្វើពើយ មុខមាំ)​។ ចំណែកធារិត ក៏មិនហ៊ានហៅ និយាយរកខ្ញុំដូចគ្នា​ បែបគិតថាខ្ញុំខឹងឬស្អប់គាត់ ។ ទុកអោយគាត់បែបណឹងសិនចុះ ព្រោះ​ការលួងលោម វាមិនអាចជួយអោយមនុស្សចាស់ទុំនោះទេ។ នៅពេលល្ងាចខ្ញុំឆ្លៀតខលសួរ មេរបស់គាត់ អ្នកគ្រូពេទ្យសេរី។ ដើម្បីដឹងមើលថា ធារិតគាត់មានតុកសិចអ្វីខ្លះ?
🧔សួស្តី​អ្នកគ្រូ​សេរី​
👩‍⚕️ចា​ មេចចង់ដឹងរឿងគេទៀតហើយមែន?
🧔លាក់អ្នកគ្រូមិនបានទេ ហិហិ😅😅 ចុះឥលូវនិយាយបានអត់?
👩‍⚕️បានតើ គាត់ទៅក្រៅហើយ
🧔ថ្ងៃណឹងគាត់ធ្វើការងារបានល្អទេ ឬ​ក៏មានប្លែកអីអត់?
👩‍⚕️ថ្ងៃណឹង ដូចមិនអីដែរទេ ប្រើអីធ្វើបានតែទាំងអស់ណឹង គ្រាន់តែរៀងភ្លឹកៗបន្តិចពេលទំនេរ។ តែចែមិនបានចាប់អារម្មណ៍អីដែរ ជារួមចែថាដូចជាធម្មតាទេ​។
🧔 ល្អហើយចឹង អរគុណចែរហើយ ជួយប្រាប់
👩‍⚕️អើយ​មិនដឹងគុណស្រ័យស្អីទេ តែដូចខានបានញាំកាហ្វេរហ្វ្រីៗយូហើយ​😊
🧔ងាប់ហើយចែរឯង ប្រាក់ខែច្រើនជាងខ្ញុំផង... ចង់ញាំកាហ្វេហ្វ្រីទៀត។ ស្អែក... ទិញអោយ
👩‍⚕️ ស្អែកកុំវែងពេក... ដឹងតែស្អែកហើយណាចែចាំ
🧔 OK, បាយចែ(តាមពិតទៅ មិនមែនកាហ្វេប្រេនអីទេ គឺ​កាហ្វេរទេះ😜។)​
ខ្ញុំ​ក៏បានផ្តាំ​ផ្ញើមីងស្រីពៅ(ម្តាយធារិត)​ដោយយកឈ្មោះបងខុម ថា​ម៉ាក់ខុមផ្តាំអោយសង្កេតមើលធារិតផង មួយរយៈណឹង​។
មុនថ្ងៃណាត់មួយថ្ងៃ ធារិតគាត់ដាច់ចិត្តខលមកខ្ញុំ
🧔 Hello
🧒 ជំរាបសួរលោកគ្រូ​ ខ្ញុំស្មានតែលោកគ្រូ មិនលើកទូរសព្ទខ្ញុំទេ?
🧔 ក្នុងនាមខ្ញុំជា​អ្នក​ប្រឹក្សា​យោបល់​ខ្ញុំត្រូវតែគោរពតួនាទីរបស់ខ្លួន មិនអាចយកអារម្មណ៍ផ្ទាល់ខ្លួនមកលាយឡំនឹងការងាទេ។ លោកគ្រូ​គិតថា​មានរឿងច្រើនចង់និយាយ ពួកយើងរកកន្លែងជជែកគ្នាទៅស្រួលជាងគិតយ៉ាងមេចដែរ?
🧒 ចឹងក៏បាន យើងទៅនិយាយឯណាវិញ?
🧔Lucky​ ស្ទឹងមានជ័យក៏បាន លោកគ្រូចង់ទិញតែផង តែអើ... នៅទីសាធារណៈចឹង លោកគ្រូ​ចង់អោយ ធារិត​ចេះរបៀបនិយាយ។ គឺយើងនិយាយគ្នាបែប និយាយពីបុគ្គល់ទី៣ មិនមែនបែបរឿងរបស់ពួកយើង ទេ​។ យល់អត់?
🧒 អូ​និយាយថាគេៗ ចឹងមែនទេ?
🧔ណឹងហើយ​គឺបែបណឹងឯង កុំអោយអ្នកស្តាប់គេគិតថាជារឿងពួកយើង។ OK កន្លះម៉ោងទៀតខ្ញុំចេញពីកន្លែងទៅហើយជួបគ្នាទីនោះ។
ខ្ញុំ​បានឃើញធារិតឈរចាំនៅមាត់ច្រកចូលផ្សារ។ ខ្ញុំ​ញាក់មុខជាសញ្ញាអោយគេចូលទៅ មិនបាច់គួសមស្អីទេ។
🧔 ប្អូនដឹងទេថា ហេតុអ្វីបានជាធារិតស្រលាញ់គ្រូគាត់?
🧒 ខ្ញុំគិតថា​ មកពី​លោកគ្រូ​ ជាមនុស្សដែលធ្វើអោយគាត់សប្បាយចិត្ត​បាត់ក្តីបារម្ភ គាត់ចាស់ទុំទើបធ្វើអោយធារិតស្រលាញ់។
🧔 ខ្ញុំគិតថា​ អារម្មណ៍​ធារិត​ គឺមិនស្រលាញ់ គ្រូគាត់ក្នុងនាមជា សង្សារទេ តែជាការស្រលាញ់បែបគ្រួសារ ជាបងប្រុសឬជាឪពុក។ មកពីធារិតគាត់កំព្រាឪពុក ចឹងហើយគាត់ ខ្វះជំហរពឹងផ្អែក​ នៅពេលគាត់បានស្គាល់លោកគ្រូដែលជួយឈឺឆ្អាល​ ផ្តល់ភាពសំខាន់អោយគាត់ទើបគាត់កើតអារម្មណ៍ បែបនេះចំពោះគ្រូគាត់។ ហើយអ្វីដែលសំខាន់ទៀតនោះគឺ ដោយសារគាត់ទើបយែទទួលបានការបដិសេធស្នេហ៍​ថ្មី​ជាមួយ​ ពូបារាំង។ វាធ្វើអោយគាត់បាក់ គ្មានទំនុកចិត្ត ដល់តែលោកគាត់ និយាយល្អ​ យល់ចិត្ត​ គាត់ក៏ផ្តើមយកអារម្មណ៍ឈឺ អារម្មណ៍​មិនទុកចិត្ត មកផ្ញើបឹងគ្រូម្នាក់នោះទៅវិញ​។ បើខ្ញុំនៅក្បែរធារិត ខ្ញុំចង់អោយគាត់ ស្តាប់លឺហើយយកទៅដេកគិតថា គាត់ពិតជាស្រលាញ់គ្រូគាត់ ឬ​ គ្រាន់តែចង់តបស្នងអារម្មណ៍ បាត់ទំនុកចិត្ត លើស្នេហា ដោយការរកស្នេហ៍ថ្មីមកជំនួស? ប្អូនយល់ថាចឹងអត់?
🧒 ខ្ញុំ... ខ្ញុំ...
🧔 រយៈពេលប៉ុន្មានថ្ងៃដែលលោកគ្រូគេ មិនឆ្លើយតបព្រងើយកន្តើយ បែបធារិតគេ អាចទទួលអារម្មណ៍ ខកចិត្តឈឺចិត្តខ្លះៗហើយ។ ខ្ញុំគិតថា​ធារិតគេនឹងដឹងថា ស្នេហា​វា​មិនមែនចេះតែល្អ ដូចក្តីស្រម៉ៃរបស់យើងទេ។ ជាពិសេស​ពេលអ្នកដែលយើងស្រលាញ់គេ មិនអើពើ តបមកវិញ។ កាលដែលលោកគ្រូគាត់ មិនឆ្លើយតប និង​ធ្វើព្រងើយកន្តើយនោះ ខ្ញុំគិតថា​មកពី​គាត់​ចង់អោយធារិតដឹងថា ស្នេហាគឺឈឺចាប់ ហើយកុំអោយបង់ចិត្តលង់នឹងក្តីស្រម៉ៃ លឿនពេក ប៉ុណ្ណោះ​។ គាត់គ្មានចិត្តមើលងាយសិស្សគាត់ទេ​ គាត់គ្រាន់តែចង់ផ្តល់អោយសិស្សគាត់ បានមើលឃើញភាពគ្រោតគ្រាតម្ខាងទៀតនៃស្នេហា។
🧒 ចុះលោកគ្រូនោះគាត់អត់គិតថាធ្វើចឹងប៉ះពាល់អារម្មណ៍សិស្សទេឬ? មិនស្រលាញ់ឆ្លើយថាមិនស្រលាញ់ទៅ ហេតុអ្វី​ដើរផ្តល់មេរៀនចុកចាប់អោយគេចឹង?
🧔 ប្អូនគិតថា ការឆ្លើយបដិសេធបែបណាដែលធ្វើអោយគេ មិនពិបាកចិត្ត អាចកាត់ចិត្តដោយមិនស្អប់ នៅតែអាចរាប់អានគ្នាបាន? ទោះបីលោកគ្រូគេ ឆ្លើយភ្លាមៗថាមិនស្រលាញ់ ក៏ខ្ញុំគិតថា គេនឹងខ្មាស់ បើចិត្តស្រាលគេនឹងលែងចង់រាប់អានលោកគ្រូគេទៀតហើយ បើចិត្តរឹងមាំគេនឹងបន្តរកហេតុផល ហើយព្យាយាមបំពេញចំនុចខ្វះខាត ដើម្បីបានការចាប់អារម្មណ៍ពីលោកគ្រូគេទៀត ស្នេហាវាអាត្មានិយមណាស់ ខ្ញុំធ្លាប់ឆ្លងកាត់ហើយ ។ មានតែធ្វើអោយគេ ខកចិត្តពីដំបូង (ឈឺ​ បើគេនៅតែស្រលាញ់គេនឹងនៅតែឈឺ)​ ហើយដើម្បីផ្សះដំបៅឈឺ គឺលោកគ្រូត្រូវតែបង្កើតឱកាសអោយមានការបកស្រាយអោយគេយល់ពីបំណងល្អរបស់លោកគ្រូគេ។ ធារិតបែបគេមិនដឹងទេថា បើរឿងស្នេហាគ្រូសិស្សរបស់គេ បែកធ្លាយដល់មេធំៗ នោះលោកគ្រូគេ នឹងមានបញ្ហាធំមិនខាន។ អាចត្រូវគេដេញចោល ឬ​ជាប់ឈ្មោះមិនល្អ ពិបាករកការងារថ្មីធ្វើ។ លោកគ្រូគេ ក៏គ្មានជម្រើសច្រើនប៉ុន្មានដែរក្នុងការដោះស្រាយបញ្ហានេះ។ លឺថា លោកគ្រូគេខំសាកសួរមនុស្សជុំវិញធារិតដើម្បីដឹងពី ស្ថានភាពគាត់​ព្រោះលោកគ្រូ បារម្ភធារិត ខ្លាចតូចចិត្តធ្ងន់ធ្ងរ។ លោកគ្រូគេបានព្យាយាម​ ទាំងធ្វើអាក្រក់ពីមុខតាមដានបារម្ភពីក្រោយ។ ខ្ញុំ​សង្ឃឹម​ថា​ធារិត​គេនឹងអាចដឹងយ៉ាងច្បាស់ហើយថា គ្រូគេ ស្រលាញ់គេ បែបបងប្អូន​បែប សាច់ញាតិបារម្ភគ្នា តែមិនមែនស្នេហា គូជីវិតទេ។
🧒 ខ្ញុំនៅតែមិនអស់ចិត្តថា​ ហេតុអ្វី​បានជាលោកគ្រូ គាត់មិនស្រលាញ់គាត់? គាត់គិតថាធារិត... អើ.. មិន....​
🧔 ម្តងទៀត ខ្ញុំបញ្ជាក់ឡើងវិញ
បើគេមិនស្រលាញ់យើង មិនជ្រើសរើសយកយើង តើមានប្រយោជន៍អ្វី​ ទៅចង់ដឹងហេតុផលនោះ? បានដឹងហើយតើវាយ៉ាងមេច? យើងកែប្រែដើម្បីគេ?​ ខ្ញុំ​គិតថាមានតែរស់នៅជាខ្លួនឯងទេ ទើបមានសុភមង្គល បើយើងកែប្រែខ្លួនដើម្បីនរណាម្នាក់ យើងនឹងមិនមានសុភមង្គលទេ ហើយម្ខាងទៀតក៏ទទួលបានអារម្មណ៍មិនសប្បាយដូចគ្នា។ ចឹងហើយទើបស្នេហាគេថាមិនអាចបង្ខំបានទេ។
ប្អូនថាស្នេហាមានហេតុផលឬអត់?
🧒 ខ្ញុំថាស្នេហាគ្មានហេតុផលទេ... ពេលខ្លះយើងស្រលាញ់គេដោយមិនដឹងខ្លួន និងតាំងពីពេលណាផង។
🧔ស្នេហាគឺមានហេតុផល ទោះមនុស្សជាច្រើននិយាយថា ស្នេហាគ្មានហេតុផល (ពួកណឹងកុហកខ្លួនឯង ហើយកុហកសំណព្វចិត្តគាត់ទៀត)​។ ខ្ញុំជឿនិងប្រាកដណាស់ថា ស្នេហាមានហេតុផល ព្រោះ​មុននឹងយើងស្រលាញ់នរណាម្នាក់ព្រមទទួលនរណា អនុញាតិអោយគេមានភាពសំខាន់ក្នុងជីវិតយើង គឺយើងដឹងយ៉ាងច្បាស់ថាម្នាក់ណឹងមានអ្វីខ្លះដែលធ្វើអោយយើងស្រលាញ់។ ចំណែកផ្នែកដែលយើងស្អប់គឺអាចមើលមិនឃើញអស់ (ស្នេហាបាំងមុខ)។ សួរមកប្អូនវិញ បើស្នេហាគ្មានហេតុផល ម្តេចអ្នកស្អាតអ្នកមានឆ្លាតមានចេះដឹងមានគុណធម៌​ថ្លៃថ្នូ ម្តេចមិនព្រមទៅស្រលាញ់មនុស្សអាក្រក់ ចិត្តអាក្រក់​ ថោកទាប​ ប៉ោឡែ​ បាតផ្សា ញៀនថ្នាំ ទៅ? មូលហេតុមកពីគាត់មើលដឹងថាម្នាក់ណឹងមានអ្វីធ្វើអោយគាត់ចាប់ចិត្ត​ ម្នាក់ណឹងគ្មានស្អីល្អអោយគាត់ស្រលាញ់។ អាណឹងហើយគេហៅថាហេតុផល មិនមែនសុខៗស្រលាញ់ទេ។ okay ទេចំនុចណឹង?
ធារិតហាក់ស្ងប់ស្ងៀមជាថ្មី ពេលលឺខ្ញុំនិយាយថាស្នេហាគឺមានហេតុផល មិនមែនស្រលាញ់គឺស្រលាញ់ ដែលសូម្បីអ្នកនិពន្ធបទចម្រៀងក៏ជឿថាចឹងដែរនោះទេ។
🧒 បាទ បង​ (ដូចខ្សោយ)​
🧔 ចឹងហើយ ទើបខ្ញុំចង់អោយធារិតគិតហើយគិតទៀតថា ហេតុផលអ្វីដែលធ្វើអោយគេស្រលាញ់ លោកគ្រូគេ? កុំអោយធ្លាក់ជាទាសករនៃអារម្មណ៍ ដោយមិនច្បាស់ប្រាកដក្នុងខ្លួន។ ចំណែកហេតុផលធំដែលលោកគ្រូគាត់មិនស្រលាញ់គាត់ ខ្ញុំគិតថា​
មានតែមួយគត់ គឺធារិតមិនមែនជា Mr right ។ របស់គាត់​ ។
🧒 ចុះ​ Mr right របស់លោកគ្រូធារិតយ៉ាងមេចទៅ?
🧔 ទៀតហើយ​ ខ្ញុំទើបនិយាយមិញណឹងថា បើយើងដឹងហើយតើបានប្រយោជន៍អ្វី? ស្នេហាមិនអាចបង្ខំទេ។ យើងគួយកចិត្តទុកដាក់នឹងមនុស្សដែលគេអាចទទួលយកយើង មិនគួរយកចិត្តខ្វល់ជាមួយមនុស្សដែលគេ ហ៊ាននិយាយថា មិនស្រលាញ់យើងទេ។ តោះធារិតទៅញាំអីនៅជាន់ទី3 ដើម្បីបន្តនិយាយគ្នា ព្រោះ​ខ្ញុំមានរឿងពិតមួយអោយប្អូនស្តាប់។ សង្ឃឹមថាប្អូននឹងបានយល់ដឹងខ្លះតាមរយៈរឿងមួយនេះ។

ពួកយើងបាន ហៅប្រហិតមកញាំ និង​ រកកន្លែងឆ្ងាយពីគេបន្តិចដើម្បីស្រួលនិយាយគ្នា។ ហើយខ្ញុំក៏ផ្តើមនិយាយរឿងបែបខ្លីៗកាត់ៗរបស់អ្នកស្គាល់គ្នាម្នាក់អោយធារិតស្តាប់​។
🧔 ធារិត​ បងមានរឿងរបស់មិត្តម្នាក់អោយប្អូនស្តាប់។ មានមិត្តបងម្នាក់ សុំមិនបញ្ចេញឈ្មោះ គាត់ជាអ្នកខេត្តកំពុងស្ពឺ​ គាត់បានស្គាល់គ្នាជាមួយបុរសម្នាក់ តាមរយៈ​ក្រុមអ្នករកសុីដីធ្លី។ ស្គាល់គ្នាបានមួយរយៈ មិត្តភត្តិបង ចាប់ចិត្តស្រលាញ់គាត់ណឹង ដោយឃើញគេ រូបរាង​ជា​ bear (កាម៉ាប់ស្មើ- ហាត់ប្រាណ)​ ហើយអាគាត់ណឹងគាត់ឆ្លាត មានទិចនិចនិយាយ ចំណាប់ចំនួនខាងគក់ជេ លក់ដី លក់ផ្ទះ ដាច់ហូរហែរ ប៉ាទី បនភឿនក៏ច្រើន និយាយទៅ​គេ​ វាចូលកាលីបអ្នកគក់ជេ ពិតៗ មិនមែនគក់ជេ សឹកកង់ឡានកង់ម៉ូតូ ថ្ងូអត់សល់លុយទេ។ សូមបើករង្វង់ក្រចកបន្តិច (មិនមានចេតនា ថាអោយអ្នកគក់ជេដែលមិនពូកែរទេ តែអាបុិកណឹង គាត់ខុសពីអ្នកគក់ជេទូទៅត្រង់ គាត់មានរបរប្រចាំមួយ គឺលក់គ្រឿងសំណង់ ហើយគាត់ក៏ធ្វើការនៅក្រសួងដែរ (យកតែឈ្មោះ)​។ គាត់មានរថយន្ត ល្អគួសមជិះ ហើយគាត់ ក៏ចូលចិត្តជិះម៉ូតូធំទៀត។ គាត់មិនធ្វើការអោយក្រុមហ៊ុនអចលនទ្រព្យទេ គឺ​គក់ជេ តាមគេពឹងពាក់ ដោយសារគាត់ស្គាល់គេច្រើន ទាំងម៉ូយសំណង់ ទាំងគក់ជេ អ្នកតូច​អ្នកធំ​ និង​ អ្នករកសុីផ្សេងៗច្រើនទៀត​និយាយអោយខ្លី សំបូរញាតិមិត្ត ។ គាត់និយម ស្លៀកពាក់​របស់ប្រេន​ (បើមិនស្អាតគឺមិនស្លៀក)​ ពាក់នាឡិការដាំពេជ្រ ចិញ្ចៀនពេជ្រ ជិះម៉ូតូធំ រាងគាត់ក៏ហំ ចឹងនរណាៗ ក៏គេចង់រាប់អានដែរ។ បើប៉ូលីស ទាហ៊ានអី និយាយគ្នាជាមួយគាត់បន្តិចក៏ត្រូវរ៉ូវគ្នា រាប់អានគ្នាបាត់ ដោយសារគាត់ ចេះអោនលំទោន ទោះសម្ថកិច្ចនោះ ខោមិនខោអាវមិនអាវ មេច​ក៏ដោយ​។ រូបភាពហុឺហាសង្ហាខាងក្រៅជួយអោយគេមើលមកគាត់មានតម្លៃ ហើយគាត់ចេះនិយាយសុភាពរាបសារទៀតទៅណាគេស្គាល់ណឹង ចឹងហើយទើបគាត់ រកសុីខាងគួជេណឹងបានជោគជ័យ។ សូមបិតវង់ក្រចកមកវិញ។
ហើយពួកម៉ាក់បងនិងអាគាត់ណឹង មានឱកាសស្និតស្នាលក៏ដោយសារ គាត់មានដីនៅកំពុងស្ពឺ ហើយបងប្អូនគាត់គេពឹងអាបុិកពង្សណឹងជួយរកម៉ូយអោយ។ វានិយាយប្រាប់ខ្ញុំថា ថ្ងៃដែលនាំអាបុិកណឹងទៅមើលទីតាំងដី ពេលត្រឡប់មកវិញ មេឃភ្លៀងតាមផ្លូវ ហើយយប់ទៀត ដោយសារ​ជាប់ផឹកសុី​សប្បាយ​ (បងថ្លៃវាបុិនផឹក)​។ វាបានឱកាសអង្គុយជិតគេ ហើយដោយស្រវឹងស្រាបៀផង វាបានលេះ បន្លំប៉ះខ្លួនគេ ហើយអាបុិកណឹងក៏មិនថាអី​ ដោយគិតថាវាស្រវឹង។ វាថា អាបុិកណឹងសាច់ស្អាតណាស់ ប៉ះហើយមានអារម្មណ៍ហ្មង​។ ក្រោយៗមកទៀតពួកគេកាន់តែស្និតស្នាលខលទាក់ទងគ្នាពេលត្រូវការរត់ការឯកសារ និង​ ពេលត្រូវនិយាយបញ្ចុះបញ្ចូល អោយតម្លៃត្រូវរ៉ូវគ្នាជាដើម។ គាត់នាំម៉ូយម្តងជា2ដងរហូតត្រូវរ៉ូវគ្នាលក់បានសំរេច​ ដល់ហើយគេនាំគ្នាផឹកសុីម្តងទៀត តែដងណឹងគេផឹកនៅផ្ទះមិត្តបង។ អាបុិកណឹងត្រូវបងថ្លៃវាឃាត់ រហូតដាច់យប់នៅផ្ទះវា។ យប់ណឹងមិត្តបងវានិយាយត្រង់ៗប្រាប់បងថា វាបន្លំអោបអ្នក​ តាបុិកពង្សណឹង ហើយអាបុិកណឹងគាត់និយាយបែបលេងសើចថា ចង់បានប្រពន្ធហើយយ៉ាងបានចេះតែច្រលំអោបចឹង។ ដល់តែមិត្តបងអត់ឆ្លើយ គាត់សួរទៀតថា តិចស្រលាញ់ប្រុសចុះ? ដងនេះមិត្តបងដាច់ចិត្តឆ្លើយ ថា​ស្រលាញ់ប្រុសមុខដូចគាត់។ អាបុិកណឹងថា គាត់មិនស្រលាញ់ប្រុសទេ តែក៏អត់ស្អប់ខ្ពើមអីដែរ។ គាត់ថា​ចង់អោបអីអោបទៅ តែជួយចាប់ខ្នងធ្វើសរសៃអោយផង។ មិត្តបងណឹងជួយចាប់អោយ​ម៉ាស្សាអោយ គាត់ថា​ស្រួលខ្លួន​ណាស់​ដល់តែវាថើបខ្នងគាត់ គាត់រុញចេញហើយថា យប់ជ្រៅហើយចង់គេង។ អានោះដេកកូពោះដូចឆ្កែអត់បានបាយល្ងាច​ រសាប់រសល់ខឹងគេតែឯងពេញមួយយប់😜 ។ ក្រោយមកទៀត បងថ្លៃមិត្តបងណឹងគេពឹងអាបុិកណឹងដដែលអោយជួយទិញរថយន្តថ្មី​(គេលក់ដីបានលុយនោះ)។ តាមផ្លូវគេឃើញស្រីម្នាក់ជិះម៉ូតូចាស់ អោបចង្កេះប្រុសជាប្តីឬសង្សាក៏មិនដឹង។ មិត្តបងឃើញហើយក៏និយាយថា
- ស្នេហាពិត មិនគិតមានក្រ ល្អអាក្រក់ទេ
អាបុិកពង្សលឺចឹងថាមកវិញ​
+ វាគ្មានទេ បើមានប្រុស2នាក់មួយជិះម៉ូតូចាស់ មួយមានរថយន្តទំនើប ច្បាស់ជានាងយកអ្នកមានរថយន្តហើយ។ មិត្តបងគេតបវិញ
- ខ្ញុំគិតថា​ មនុស្សយើង​ ក្តីសុខកើតបានដោយសារការពេញចិត្ត វាមិនអាស្រ័យលើរបស់របរលុយកាក់ពេកទេ។
+ វាមិនខ្មេះទេ,​ ទ្រឹស្ដី​ពួកមនុស្សអន់ៗទេដែលយល់ថាចឹងនោះ។ ស្អាតសង្ហា ហុឺហារប្រហែលខ្ញុំ វាមិនដែលញ៉ែចាញ់ពួកជិះម៉ូតូចាស់ៗណឹងទេ។ អើយនិយាយលាក់បាំងអីសព្វថ្ងៃខ្វះអីស្រីស្រលាញ់ស្អាតៗជាងណឹងម៉ាគំនរ​។
បងថ្លៃវា និយាយម្តង
* តាមអី​ ពង្ស​ ឯងមនុស្ស​ រាងរៅហំ ឆ្លាត​ក៏ឆ្លាត បុិនសម្តីចឹង រឿងអីស្រីៗគេមិនចោម?
- មនុស្ស​ បើថា ស្អាតដូចហូលីវូដអីទៅ បែបគេលង់ខ្លាំងមើលរំលងអ្វីផ្សេងៗ តែបើល្មមៗហើយអួតអាងក៏គេមិនយកដែរ ព្រោះ​គិតថា​ពិបាកចុះសម្រុង!
នាងពង្សលឺហើយតបវិញ ប៉ូង
+ មិនបាច់ចាំដល់តារាហូលីវូដអីទេ តែប៉ុនខ្ញុំនឹង អ្នកខ្លះ​ (សំដៅដល់មិត្តបង)​ តោងមិនបានផង។ បើស្អាតដូចហូលីវូដទៀត ប៉ះលែងបានតែហ្មង។ មនុស្សណ៎ា...បើខ្លួនឯង ម៉ារៀលៗទេ កុំនិយាយអីដល់តារាហូលីវូដ ខ្មាសគេ​ ឈោងចាប់តែមនុស្សប្រហែលខ្ញុំមិនទាំងបានផង។
មិត្តបងវាថា តាំងពីថ្ងៃណឹងមក វាមិនដែលនិយាយទាក់ទងអី នឹងអាបុិកគួកជេ នឹងទៀតទេ។ វាថា វាឆ្អែតនឹងពាក្យថា <មនុស្សម៉ារៀលៗណឹងហ្មង> ចុកចាប់ដល់ឋានឥសូ!!!
🧒 ខ្ញុំក៏ទទួលយកអត់បានដែរលោកគ្រូ សម្តីសាហាវ
🧔ត្រូវ​មនុស្សណាក៏ទទួលយកអត់បានដែរ... មនុស្សគ្រប់រូបគឺមានតម្លៃ ដែលយើងច្រើនហៅថា កិត្តិយស​នោះឯង។ បើគេធ្វើអ្វីមួយ បំផ្លាញកិត្តិយសយើង គឺស្មើនឹងគេ​បំបាក់​ភាពជឿជាក់របស់យើង​។ ដូចករណីមិត្តបងចឹង ដោយសារតែវា​អន់​ វាស្រលាញ់គេ បន្លំលូកលាន់គេ ដល់តែគេថាអោយ ជាមនុស្សម៉ារៀលៗ វាខ្មាស់គេខ្លាំងលែងហ៊ានជួបមុខគេ​តែម្តង។ ធារិត​គ្រូ​ចង់អោយប្អូន ដឹងថា មនុស្សយើង​មិនថាស្រីមិនថាប្រុសទេ មានតម្លៃ​បានលុះត្រាតែគេស្រលាញ់យើង។ បើគេមិនស្រលាញ់យើង គេអាចប្រមាថយើងថា អាមនុស្សម៉ារៀលៗបានគ្រប់ពេល ព្រោះ​ក្នុងចិត្តគេយើងវាគ្មានតម្លៃ។ ចឹងបើប្អូនត្រូវបានគេប្រាប់ថាគេមិនស្រលាញ់ប្អូនហើយ ប្អូនកុំបន្តចង់ដឹងហេតុផលអ្វីច្រើន កុំតាមគេ រហូតក្លាយខ្លួនជាមនុស្ស គេដៀលបានថា ម៉ារៀលៗ។ ម្តាយឪពុកបង្កើតយើងមកអោយសាច់អោយឈាម មានធាតុទាំង4(ទឹកដីភ្លើងខ្យល់)​ដូចគេដូចឯង ពន្លឺព្រះអាទិត្យដែលយើងទទួល ខ្យល់O2 ដែលយើងស្រូប គឺស្ថិតក្នុងផែនដីនេះតែមួយជាមួយគេទេ ចឹងគេគ្មានស្អីល្អអស្ចារ្យ ជាងយើងទេ រឿងអីយើងព្រមធ្វើខ្លួនអន់ៗអោយគេដៀលបាន​។
🧒 លោកគ្រូ​ខ្ញុំយល់ហើយ ហើយក៏អស់ចិត្តដែរ អរគុណ​លោកគ្រូណាស់ ដែលមិនដៀលខ្ញុំ មនុស្សម៉ារៀលៗដូចក្នុងរឿង
🧔 ហុឺ... ខ្ញុំស្រលាញ់រាប់អានធារិតក្នុងនាមជាប្អូនជាក្មួយ រឿងអីខ្ញុំទៅនិយាយបំផ្លាញដួងព្រលឹង ភាពជឿជាក់របស់ប្អូន។ ពេលខ្លះខ្ញុំមានអារម្មណ៍ថា ការងារខ្ញុំគឺដូចគ្នាទៅនឹងការងារកសិកម្មចឹង គឺបណ្តុះគ្រាប់ពូជ តម្លៃនៃព្រលឹង អោយដល់អ្នកជម្ងឺ ដែលមកជួបខ្ញុំ។ ខ្ញុំ​រង់ចាំមើលថា ប្អូននឹងចាក់ឬស ដុះពន្លក រហូតមានភាពរឹងមាំខាងផ្លូវចិត្ត។ មិនងាយធ្លាក់ក្នុងវិបត្តិផ្សេងៗ នៅពេលប្អូនផ្តល់តម្លៃ ដល់ខ្លួនឯង និង​ គោរពដួងវិញាណខ្លួនឯង មិនអោយវាឈឺចាប់ ដោយសារទង្វើរបស់ប្អូន​៕

រឿងអ្នកជម្ងឺទី1 សន្មត់ថាចប់ ត្រឹមតែប៉ុននេះ សុំអភ័យទោស សំរាប់ការយឺតយ៉ាវ ក្នុងការសរសេរ និង​ ពាក្យពេចន៍​ប៉ះពាល់សតិអារម្មណ៍ ដល់អ្នកអានណា ដែលមានរឿងខ្មាស់អៀនស្រដៀងនឹងអ្វីដែលខ្ញុំសរសេរ។ អរគុណ​ចំពោះការតាមដានតាំងពីដើមដល់ចប់៕