រឿង លង់ស្នេហ៍អ្នកនិពន្ធ ភាគទី៧

រឿង លង់ស្នេហ៍អ្នកនិពន្ធ 

ភាគទី៧

និពន្ធដោយ មនុស្សថ្មី 

#Khmer_Novel-69

ឃើញខ្ញុំញញឹមញញែម ជារឿយៗ បងនិស្ស័យ សំលឹងមើលមកipad ហើយនិយាយ " អើ !!! លេងទាំងខូមិនទៀត ពួកនោះឆ្កួតមិនខានទេ អូនអែង ធ្វើអោយ បងខូចប្រវត្តិរូបអស់ហើយ ថាមិនត្រូវ ពួកគេយល់ច្រលំថាបង ស្រលាញ់គេទៀត " ខ្ញុំញញឹមរួចតបទៅគាត់វិញ " ជួយមិនបានទេស ច្រលំៗទៅ អត់ខ្វល់ សំខាន់ ខ្ញុំបាន សើចពេលឃើញពួកគេអរបែបនេះ  " បងនិស្ស័យបើកភ្នែកធំៗ ហើយតបខ្ញុំវិញ " ហេ !!! មើលគេនិយាយ អូនអែងអត់ខ្លាចគេដណ្តើមបងទៅទេហី ថាមិនត្រូវ គេលួងលោម បងយូៗ បងអាចទន់ចិត្តក៍ថាបាន    " លឺពាក្យនេះភ្លាមធ្វើអោយចិត្តខ្ញុំខឹងគាត់ដោយមិនបានគិតទុករួចនិយាយសំឡុតៗទៅគាត់វិញ " បើសាវាចឹង ក៍សុំអញ្ជើញ    " បងនិស្ស័យ យកដៃដាក់លើស្មាខ្ញុំ រួចនិយាយទាំងសំដីស្រទន់ " អុញ!!! និយាយ លេងសោះក៍ខឹងដែរ អូនប្រចណ្ឌហី??? ហិហិហិ   បងនិយាយលេងសោះនិង ពេលនេះបងគ្មានអារម្មណ៍លើអ្នកណាទៀតទេ បងស្រលាញ់តែអូនម្នាក់តាស ម៉ោះបិតfbនិងចោលទៅ យប់ជ្រៅហើយ យប់នេះ បងសុំគេងឱបផងណា បងរងារណាស់ " គាត់និយាយរួច ស្រាប់តែខ្ញុំភ្ញាក់ខ្លួនព្រើត នឹកក្នុងចិត្ត : អើ !!! ចប់ហើយអញ ម៉េចទៅសំដែងអោយគេដឹងចឹង ខ្មាស់គាត់ណាស់លោកអើយ តែប៉ុន្នេះគាត់ដឹងថាស្រលាញ់គាត់ប៉ារូ៉យ     ។ គិតរួចខ្ញុំក៍និយាយការពារខ្លួនវិញ " គ្មានប្រចណ្ឌណា ខ្ញុំចេះតែនិយាយអោយតារួចពីមាត់នុង បងជ្រើសយកអ្នកណាជាសឹទ្ធិរបស់បងតាស  ☺️ ☺️ ☺️ " បងនិស្ស័យ ឆក់យកipad ពីដៃខ្ញុំយកទៅបិតfbហើយទុកនៅលើតុរួចនិយាយ ទាំងទឹកមុខញញឹមយ៉ាងស្រស់ ថា " បានៗ មិនប្រចណ្ឌក៍មិនប្រចណ្ឌទៅ អូនជាអ្នកនិយាយទេ ថាបងជ្រើសយកអ្នកណាជាសឹទ្ធិរបស់បង ឥលូវបងជ្រើសយក អូន ពីពេលនេះទៅអូនជាសង្សារបង ត្រូវតែស្តាប់តាមបងខ្លះ ពេលនេះ បងសុំគេងឱបអូន ហើយសុំថើបអូនមួយខ្សឺតមុនចូលគេង ហាមបដិសេធ ជាដាច់ខាតណា " និយាយរួច គាត់ទាញខ្ញុំយកទៅឱប ហើយថើបថ្ពាល់ខ្ញុំសឺត បន្ទាប់មក គាត់លោ បិតភ្លើង ហើយទាញភួយដណ្តប់ពីលើខ្ញុំនិងគាត់ ពេលនោះ ខ្ញុំដូចជាត្រូវមន្តសណ្តំគាត់ឥចឹង សំងំដេកអោយគាត់ឱបនិងគងតាមចិត្ត ឃើញខ្ញុំនៅស្ងៀម គាត់ទាញខ្ញុំទៅឱបជិតទ្រូងគាត់បំផុត ហើយនិយាយតិចថា " រាត្រីសួរស្តី មនុស្សពិសេសរបស់បង សុបិន្តល្អណា " ខ្ញុំមិននិយាយអ្វីទាំងអស់ តែលួចញញឹមហូត ទាំងដែលកំពុងតែបែរមុខមករកគាត់ ខ្ញុំគិតថាងងឹតយ៉ាងនេះគាត់មិនដឹងថាខ្ញុំកំពុងតែញញឹមនោះទេ ខ្ញុំដកដង្ហើមចូលម្តងៗ ដោយក្លិនក្រអូប ប្រហើរចេញពីទ្រូងបងនិស្ស័យ ដៃម្ខាងគាត់ឱបខ្ញុំជាប់ ជើងម្ខាងក៍គងជាប់ពីលើទៀត មានអីកក់ក្តៅដែរតាស ទីបំផុត ខ្ញុំដេកលក់យ៉ាងមានសេចក្តីសុខ ខ្ញុំដេកលក់ស្រួលទៅ ៗ មិនដឹងថាមេឃភ្លឺ ពីពេលណា ខ្ញុំបើកភ្នែកឡើង អត់ឃើញបងនិស្ស័យសោះ ខ្ញុំងើបអង្គុយហើយពត់ខ្លួនទៅមក ហើយសំលឹងមើលទៅ តុ លើក្បាលដេក ឃើញ ចានមួយដែលមានស៊ុបគុយទាវមួយថង់ និងចង្កិះ1គូ ។ ខ្ញុំ ចុះទៅក្រោម ចង់ដឹងថា គាត់ទៅណា ពេលទៅដល់ក្រោម ឃើញគាត់កំពុង បោសសំអាតរៀបចំ សំភារះក្នុងហាង ។ ឃើញហើយខ្ញុំដើរទៅជួយ រៀបចំគាត់ដែរ តែគាត់ ឃាត់ថាមិន បាច់ទេ ងូតទឹក ហើយញុាំ អាហារពេលព្រឹកទៅ ខ្ញុំក៍ចូលទៅបន្ទប់ទឹក ផុសធ្មេញ និងងូតទឹក ម៉ងទៅ ។ ចេញពីបន្ទប់ទឹកវិញ ខ្ញុំឡើងទៅខាងលើផ្លាស់ខោអាវ ខ្ញុំវិញ ហើយយកសោម៉ូតូ ចុះទៅខាងក្រោម ដើម្បី ទៅស្រុកកំណើត ។ បងនិស្ស័យឃើញ ខ្ញុំផ្លាស់ខោអាវរួចក៍សួរខ្ញុំ 
- អូនទៅណានិង ??? 
* ទៅព្រៃវែង 
- ហុឹមមមម ទៅថ្មាលនិងក៍ល្អដែរ ទាន់មេឃត្រជាក់ស្រួសធ្វើដំណើរផង ហើយ ញុាំគុយទាវនៅ ???    
* អត់ផង ញ៉ុមទុកអោយបងអែង  ☺️ ☺️ ☺️
- ហ្អាកម៉េចចឹង បងញុាំរួចហើយ គុយទាវនោះបងទិញអោយអូនតាស    
* មិនអីទេស ចឹងតែមួយម៉ោងជាងដល់ផ្ទះ ចាំហូបសរុបក៍បានដែរ    
- អត់ហេ ឆាប់ឡើងទៅញុាំវិញភ្លាម ញុាំរួចចាំទៅ ហាមចចេស 
* ហុឹមមម ចឹងក៍បានដែរ    
- ល្អ !!! ងាយប្រដៅចឹងបានគួរអោយស្រលាញ់    
ខ្ញុំឡើងទៅ លើវិញ ស្រាយគុយទាវដាក់ចាន ហើយហូបសឹងតែមិនអស់ រួចរាល់ហើយខ្ញុំចុះមកវិញទៀត ឃើញបងនិស្ស័យកំពុង តែ បើកម៉ាសុីនកុំព្យូទ័រ អោយ អតិថិជនគាត់ តែគាត់បានអោយខ្ញុំចាំមួយភ្លែតគាត់រួចដៃលូវហើយ ។ ខ្ញុំអង្គុយលើម៉ូតូចាំគាត់ បន្តិចក្រោយមក គាត់ដើរមករកខ្ញុំ ហើយ បើកកាបូប ហូតលុយ4មឺុន អោយខ្ញុំ តែខ្ញុំយកតែ1មឺុនប៉ុន្នោះ ព្រោះយលើថា ផ្លូវ ទៅស្រុកមិនសូវជាឆ្ងាយផង ហើយម្យ៉ាងអាងថាសាំង2លីត្រជិះដល់ហើយ ខ្ញុំហុច3មឺុនទៅគាត់វិញ តែគាត់ប្រកែកថា ទុកសាគួរទៅ ក្រែងលោមានបញ្ហាអីតាមផ្លូវទៀត ខ្ញុំក៍ទទួលទុកវិញ ហើយអរគុណ និង លារគាត់
- អរគុណច្រើន ណាបង ចាំខ្ញុំមកពីស្រុក ខ្ញុំសងបងវិញ ចឹង ខ្ញុំទៅហើយ ណា    
* បាទ សុខសប្បាយ អូន ទៅដល់ផ្ទះកុំភ្លេចខលប្រាប់បងផងណា    
- បាទចឹង ខ្ញុំទៅហើយ
ឃើញខ្ញុំឈនិយាយគ្នា អ្នកដែលចូលទៅលេងក្នុងហាង មើលមកពួកខ្ញុំ ព្រាត ខ្ញុំខ្លាចខ្មាស់គេ ទាញទំលាក់កញ្ចក់មួកសវត្ថិភាព បិតហើយ បើកម៉ូតូចេញ ទៅ ។ ជិះមកតាមផ្លូវខ្ញុំគិតរហូត ខ្ញុំគិតថា ហេតុអ្វីខ្ញុំដើរផ្លូវនេះ ??? ទៅថ្ងៃខាងមុខ តើត្រូវប្រឈមមុខជាមួយអ្នកផ្ទះខ្ញុំយ៉ាងម៉េច ??? គិតដល់រឿងនេះខ្ញុំពិបាកចិត្តណាស់ តែគិតរកផ្លូវល្អវិញ " អូយ ខ្ជិលគិតវែងឆ្ងាយណាស់វ៉េស ខ្ញុំរៀនមិនទាន់ចប់ផង ទៅខ្វល់ធ្វើអី ??? កុំអោយតែអ្នកផ្ទះដឹងទៅបានហើយ ទាក់ទងមួយគាត់មានរឿងអី ត្រូវភ័យ ??? គាត់មើលទៅជាមនុស្សល្អ ហើយស្រលាញ់ខ្ញុំស្មោះទៀត ហុឹមមមម !! បងសៃ អូនស្រលាញ់បងហើយ  ☺️ ☺️  " ខ្ញុំជិះញញឹមញញែម នឹកដល់សកម្មភាពល្អៗរបស់បងនិស្ស័យ ហើយពេលខ្លះ ខ្ញុំសើចហាសហហាស     ឆ្ងល់និងខ្លួនអែង ដែលទៅស្រលាញ់ប្រុសដូចគ្នា ។ ជិះគិត ជិះញញឹមស្រាប់តែជិតដល់ផ្ទះ ខ្ញុំក៍ភ្ញាក់ផ្អើល " អុញ ម្តងនេះឆាប់ដល់ផ្ទះម៉េស ម៉ាភ្លែត អូ ឥទ្ធិពលស្នេហា ពិតជាខ្លាំងក្លាមែន ។ ទៅដល់ផ្ទះភ្លាមខ្ញុំប្រាប់ អ្នកផ្ទះពីរឿងហេតុដែលបាត់កាបូប ពុកម៉ែខ្ញុំក៍មិនបន្ទោស អីដែរ តែគាត់សួរថា ធ្វើម៉េចបានលុយ ចាក់សាំងមកដល់ផ្ទះ ??? ខ្ញុំប្រាប់ពួកគាត់ថា បងប្រុស ស្គាល់គ្នាគាត់អោយខ្ចី     ពួកគាត់ក៍ឈប់សួរនាំ ហើយអោយខ្ញុំផ្លាស់ខោអាវសំរាកទៅ ។ ខ្ញុំផ្លាស់ខោអាវរួច ពាក់អាវយឺត វាលក្លៀកពណ៍ស និង ស្លៀកកន្សែង ហើយដើរចេញទៅវាលស្រែក្រោយផ្ទះ យ៉ាងឆ្ងាយ រួចប្រញ៉ាប់តេទៅបងនិស្ស័យ គ្រាន់តែខ្ញុំចុចទៅភ្លាម គាត់ចុចទទួលយ៉ាងលឿន :
- អាឡូ អូន ទៅដល់ផ្ទះហើយ មែន ???
* បាទ មកដល់ហើយ 
- ល្អហើយចឹង អូនមកភ្នំពេញវិញថ្ងៃណា ???
* ទៅស្អែកព្រលឹមឡើងវិញហើយ ព្រោះចូលរៀនពេល រសៀល សួរធ្វើអី ???
- បងសួរព្រោះនឹកអូនអែងហាស បងមិនទាន់បានឱប ថើប និងធ្វើអីអស់ចិត្តផង ហាសាហសហ    
* នឹក អីទើបតែបែកគ្នាព្រឹកមិញសោះ ហើយគិតចង់ធើ្វអីខ្ញុំនិង ??? 
- ធើដូចគេដូចអែងដែរ ហាសហាសហហស    
* អូយ គ្រលួងហាស តែប៉ុន្នេះ ខ្ញុំលែងហ៊ានទៅកន្លែងបងអែងហើយ    
- ហាសហាាហាហាហាហ     ខ្លាចបងរំលោភមែន ??? ពុទ្ធោ អូនមើលមកបងល្មោភដល់ថ្នាក់នុងហី បង និយាយលែងតាស បងគ្រាន់តែចង់ឃើញ មុខអូន និង ឱបថើបតិចតួចសោះ ព្រោះអត់ទាន់អស់ ចំហាយយប់មិញផង យប់នេះមិនដឹងថាគេងលក់ដោយរបៀបណានោះទេ ម្យ៉ាងក្រែងអូនព្រមធ្វើសង្សារបងហើយ តាស ខ្លាចបងធ្វើអី? បងស្រលាញ់អូនហើយគោរពសិទ្ធិអូនជានិច្ច បើអូនស្ម័គ្រចិត្តទើបបងហ៊ានធ្វើ បងមិនបំពានអូនទេ ទុកចិត្តចុះ អូនសំលាញ់ 
* ហិហិហិ ខ្លាចតិចៗដែរ ព្រោះអត់ធ្លាប់ផង បើជាមួយមនុស្សស្រីទៅ ចេះតែអាចហើយ  
- ប្រុសស្រីមិនសំខាន់នោះ ទេ អោយតែយើងចេះយល់ចិត្តគ្នា ជួយយកអាសារគ្នា គោរពសិទ្ធិគ្នា ហើយអធ្យាស្រ័យទៅវិញទៅមក នោះស្នែហ៍យើងនិង ផ្អែមល្ហែមហើយមានន័យមិនចាញ់ ស្នេហារវាងប្រុសនិងស្រីឡើយ 
* បាទ ខ្ញុំនិងព្យាយាមទទួលយក  ☺️ ☺️ ☺️ ហើយឥលូវនិង កន្លែងបងរវល់អត់ ??? 
- ថ្ងៃអាទិត្យចឹង រវល់ណាស់អូន តែដើម្បីមនុស្សជាទីស្រលាញ់ រវល់យ៉ាងណាក៍បងឆ្លៀតដែរ 
* ចឹងប៉ុណ្ណឹងហើយបង កុំអោយមានបញ្ហារឿងការងារ បងអែង 
- បាទ ចឹងប៉ុណ្ណឹងសិនហើយណា យប់នេះកុំភ្លេចបើកfbផង បងចង់ស្និទ្ធស្នាលជាមួយអូនអោយកាន់តែខ្លាំង 
* បាទលោកបង    
ពេលនិយាយគ្នា ដូចមួយភ្លែត តែមើលនាទី ព្រះ 47នាទី ខ្ញុំបិទទូរសព្ទរួច ដើរញញឹមម្នាក់អែង ហើយយកទូរសព្ទថតរូបតាមវាលស្រែ ពេលនោះខ្ញុំមានអារម្មណ៍ថាស្រស់ថ្លាចិត្តខ្លាំងណាស់ ។ បន្ទាប់ពីថតរូបគ្រប់ស្តាយហើយ ខ្ញុំត្រលប់មកផ្ទះវិញ ហើយសាកថ្មទូរសព្ទទុក បន្ទាប់មក ងូតទឹកផ្លាស់ខោអាវ ហើយហូបអាហារពេលថ្ងៃត្រង់ជួបជុំគ្រួសារ រួចគេងយោលអង្រឹងក្រោមដើមស្វាយ ។ ខ្យល់ត្រជាក់បក់មករំភើយ ៗ លាយឡំជាមួយសំលេងចាបយំ ឆ្លើយឆ្លងគ្នាដូចបទភ្លេង ខ្ញុំចេះតែសំងំបិតភ្នែកលេងៗ មានអីលក់ភ្លឹង ។ គិតថាលក់ម៉ាភ្លែតសោះ តែដឹងខ្លួនឡើងមើលនាឡិកាឃើញថាដេកលក់ជាង2ម៉ោងឯណោះ ។ ខ្ញុំងើបពីអង្រឹងដើរលេងផ្ទះអ៊ំុៗ ម៉ាត្រួស ល្ងាចល្មមងូតទឹក ហូបបាយល្ងាចរួច ចូលមុង យកទូរសព្ទ បើកfbអាខោនពិតរបស់ខ្ញុំ ។ នៅថ្ងៃអាទិត្យពេលក្បាលព្រលប់ ដូចជាមិនសូវមានអ្នកលេងសោះ ហើយបងនិស្ស័យក៍មិនទាន់បើកលេងទៀត ប្រហែលជាគាត់រវល់ជាមួយការងារហើយ តែទោះជាយ៉ាងណា ក៍ខ្ញុំនៅតែបើកដែរព្រោះខ្លាចបងនិស្ស័យបើកលេងមិនឃើញ ខ្ញុំអនឡាញ នាំអោយគាត់អន់ចិត្តព្រោះបានសន្យាថា លេងជាមួយគ្នានៅយប់នេះ ក៍ចេះតែបើកមើលនេះមើលនោះទៅ ។ ដើម្បីកុំអោយអផ្សុកក្នុងការរង់ចាំគាត់ ខ្ញុំបានផុសរូបselfie ញញឹមយ៉ាងស្រស់ ហើយនៅក្រោយខ្នងវិញមានទេសភាពវាលស្រែ ខៀវស្រងាត់ ខ្ញុំសសេរខាងលើរូភាពនោះថា # សូមផ្ញើរស្នាមញញឹមមួយនេះជូនទៅអ្នក អរគុណមនុស្សល្អ # ខ្ញុំមិនហ៊ានថេកអោយបងនិស្ស័យទេ ។ បន្តិចក្រោយមកមានFri ក្នុង fb របស់ខ្ញុំចុចឡៃ និងខូមិន សសើរនិងលេងសើចជាច្រើន ដំបូងខ្ញុំសប្បាយនិងឆ្លើយតបទៅពួកគេវិញ តែទោះជាយ៉ាងណាក៍មិនភ្លេចបើកមើលកន្លែងឆាតដែរ ព្រោះចង់ដឹងថាបងនិស្ស័យបើករឺនៅ ??? ចំលើយគឺ អត់ទាន់បើកទេ   ខ្ញុំបើកលេងតាំងពីម៉ោង 6 រហូតដល់ម៉ោង9 នៅតែមិនឃើញគាត់អនឡាញនៅឡើយ ខ្ញុំចាប់ផ្តើមអន់ចិត្ត ហើយលែងមានអារម្មណ៍ឆ្លើយតបសារ រឺ ខូមិនអីទាំងអស់ ។ ខ្ញុំបានដាក់ម៉ោងរោរ៍ រយះពេល1ម៉ោង ហើយតាំងចិត្តថា បើមួយម៉ោងទៀតគាត់មិនបើក រឺ មិនតេមកប្រាប់មូលហេតុដល់ខ្ញុំទេ ខ្ញុំនិង log out fbចោលហើយ block លេខទូរសព្ទគាត់ទៀត ព្រោះគាត់ធ្វើអោយខ្ញុំ ខកបំណងយ៉ាងខ្លាំង  ។ ខ្ញុំដេកមើលរូបភាពដែលខ្ញុំផុស ទាំងរម្មណ៍វិលវល់ ខ្ញុំអន់ចិត្តថា ខំផុសរូបយ៉ាងស្អាត ហើយសសេរជាពិសេសទៅគាត់ បែរជាគាត់ ធ្វើបែបនេះ ពេលនោះរូបថតក្នុងfb ហាក់ដូចជាកំពុងតែប្រឆាំងជាមួយ រូបពិតខាងក្រៅឥចឹង ព្រោះ ក្នុងរូបថត កំពុងញញឹមយ៉ាងសង្ហា តែខ្ញុំខាងក្រៅ កំពុងតែសោកសៅ សំលឹងមើលទៅរូប ទីបំផុតរយះពេលមួយម៉ោងបានមកដល់ ម៉ោងរោរ៍បានបន្លឺឡើង បញ្ជាក់ថាម៉ោង10ទៅហើយ ខ្ញុំចូលទៅមើលក្នុងឆាតម្តងទៀតដើម្បីអោយអស់ចិត្ត តែលទ្ធផលនៅតែបិត ដដែរ ពេលនោះទឹកភ្នែកខ្ញុំស្រក់តក់ៗ     ហើយភ្លាមនោះខ្ញុំlog out fbចោល ហើយblock លេខទូរសព្ទរបស់គាត់ ចោល ថែមទាំង បិតសុីមទៀតផង ខ្ញុំទុកទូរសព្ទរួចបិតភ្នែក សំងំដេកទាំងទឹកភ្នែកហូររហាម ខ្ញុំនិយាយក្នុងចិត្តថា " បងនិស្ស័យ ប្រហែលយើងអស់និស្ស័យនិងគ្នាហើយ អរគុណចំពោះទង្វើល្អកន្លងមក បើមានឱកាសខ្ញុំនិងសងអ្នកវិញអោយអស់ តែពីពេលនេះទៅ ខ្ញុំមិនហ៊ានជួបមុខរឺ ទាក់ទងជាមួយអ្នកទៀតទេ     "...

យប់នោះខ្ញុំរសាប់រសល់ដេកមិនលក់សោះ ដេកប្រែប្រួលចុះឡើង ហើយយូៗម្តង ទឹកភ្នែកក្តៅ ៗ ជ្រាបចេញមកមិនដាច់ ដើម្បីបំបាត់ភាពធុញថប់ ខ្ញុំយកipad ដោតកាសដាក់វាលើពូកដេកអោបខ្នើយហើយបើកមើលកំប្លែង មើលចប់មួយរឿងហើយមួយរឿងទៀតនៅតែដេកមិនលក់ ក៍បើកមើលរឿងភាពយន្ត បាញ់ប្រហាគ្នាម្តង ទីបំផុត ខ្ញុំដេកលក់ចោលរឿងតែម្តង ។ ក្នុងពេលដេកលក់ ខ្ញុំបានយល់សប្តិឃើញបងនិស្ស័យ ឱបខ្ញុំហើយគិតតែពីយំរហូត ទោះជាខ្ញុំសួរយ៉ាងណាក៍គាត់មិនឆ្លើយដែរ គាត់គិតតែពីឱបខ្ញុំជាប់ហើយយំរហូតទាល់តែខ្ញុំដឹងខ្លួនមកគឺមេឃភ្លឺល្មម ។ ខ្ញុំឆ្ងល់ខ្លាំងណាស់ហេតុអីក៍សុបិន្តឃើញបែបនេះ ខ្ញុំងើបដើរទៅក្រោយផ្ទះ ទាំងអារម្មណ៍ច្របូកច្របល់ ដើរបណ្តើរសញ្ជឹងគិតពីរឿងរ៉ាវដែលកើតឡើងកាលពីយប់មិញ និង រឿងដែលសុបិន្តកាលពីទាបភ្លឺ។ ខ្ញុំអង្គុយនៅលើភ្លឺស្រែជាងកន្លះម៉ោងមានអារម្មណ៍ថាថ្ងៃក្តៅទៅៗ ក៍ងើបមកងូតទឹក ដុសធ្មេញ រៀបចំចេញដំណើរទៅភ្នំពេញវិញ ។ ពេលជិះមកតាមផ្លូវ អារម្មណ៍ខ្ញុំភាំងៗ ខ្ញុំគិតថាពេលទៅដល់ភ្នំពេញតើត្រូវ ធ្វើយ៉ាងណាបន្តរទៀត ??? ខ្ញុំគិតចុះឡើងៗ ទីបំផុតខ្ញុំសំរេចចិត្តថា ចាប់ពីពេលនេះទៅ ខ្ញុំនិងគេចមុខបងនិស្ស័យរហូត មិនអោយជួបគ្នាទេ ។ ហើយខ្ញុំនិងពឹងល្បងវីដ អោយជួយយកលុយទៅសងបងនិស្ស័យវិញ គិតឃើញហើយមកដល់ភ្នំពេញខ្ញុំចូលកន្លែងលក់សុីមកាតហើយទិញលេខថ្មីមួយ ។ ដល់បន្ទប់ជួលភ្លាម ខ្ញុំដាក់សុីមកាតថ្មី ភ្ជាប់internet រួចបើកfb អាខោនក្លែងក្លាយ បន្ទាប់មកចុចរកឈ្មោះល្បងវីដ ហើយឆាតទៅគាត់ថា " សួរស្តី ល្បងវីដ !!! ខ្ញុំធារីន តើថ្ងៃនេះល្បងទំនេរអត់ អាចអោយខ្ញុំជួបបន្តិចបានទេ នេះជាលេខទូរសព្ទរបស់ខ្ញុំ 0937062xx បើល្បងបានឃើញហើយ កុំភ្លេចខលមកខ្ញុំផង ខ្ញុំមានការចង់ពឹងល្បងបន្តិច ok bye bong " បន្ទាប់ពីឆាតរួចហើយខ្ញុំបិត fbវិញហើយរង់ចាំទូរសព្ទរោរ៍ ។ ប្រហែលជាកន្លះម៉ោងក្រោយមកមានលេខប្លែកខលមកមែន ខ្ញុំទទួល 
- អាឡូ ជំរាប សួរ គាត់ខលមកពីខាងណាវិញ ???
* អាឡូ ខ្ញុំដេវីដ យើងធារីនមែន ???
- អូ !!! បាទល្បងខ្ញុំរីន សុខសប្បាយជាទេល្បង ??? ហើយ ពេលនេះល្បងកំពុងនៅណា ???
* ពេលនេះមិនសូវសប្បាយចិត្តទេអូនហ្អើយ !!! អាលូវកំពុងគេងនៅផ្ទះ ព្រោះអត់ងងុយយប់មិញនៅមន្ទីពេទ្យដល់ម៉ោង3 ។ ហើយម៉េចបានដូរលេខទូរសព្ទ ចឹង??? អូនដឹងរឿងអីខ្លះនៅ ???
- ចុមបងទៅមើលអ្នកណានៅពេទ្យ ??? ហេតុអីបានដឹងថាខ្ញុំដូលេខទូរសព្ទ ??? បើល្បងមិនដែលស្គាល់លេខខ្ញុំផងនិង     ហើយមាន រឿងអីទៅល្បង ??? ខ្ញុំទើបតែមកពីខេត្តទេ ។
* ហុឹមមម បងដឹងថាមកពីខេត្តហើយ យប់មិញគេងលក់ស្រួលអត់???
- មានអីស្រួលតាសល្បង យូៗបានមកលេងស្រុកម្តង ដេកទាល់ថ្ងៃចាំងគូថ ហាសហាហសហហស   
* យី !!! និយាយទូរសព្ទសើចរហូតម៉ងមិនដឹងថាតិចទៀត សើចកើតអត់ទេ ???
- ចុម !!! ហើយខ្ញុំមានរឿងអីត្រូវកើតទុក្ខ មនុស្សខ្ញុំតាប៉ុណ្ណឹងហើយ    
* ចឹងក៍ចឹងទៅ !!! តិចទៀតទំនេរអត់ ?? បងសុំជួបបន្តិច បងមានរឿងចង់ប្រាប់ អាចមកជួបបងបានអត់រីន ???
- មានរឿងអីត្រូវជួបមិនបាននោះ ខ្ញុំកំពុងតែចង់ជួបល្បងអែងដូចគ្នាផង     អោយខ្ញុំទៅជួបនៅណាល្បង ???
* ហុឹមមមម !!! ចឹង ម៉ោង 11អាចមកជួបបងនៅមុខពេទ្យកាល់ម៉ែត បានអត់ ???
- ម៉េចក៍ណាត់ខ្ញុំទៅកន្លែងនុងវិញ កន្លែងម៉ាកា ន មិនអោយទៅជួបទេ យ៉ាប់ណាស់ល្បងនេះ មានអីទៅបានតាស ជិតសាលាខ្ញុំដែរនិង     
* គឺបងមានធុរះនៅនិង ចឹងម៉ោង11 មកម៉ាភ្លែតមកណា 
- បាទ !! 
* ចឹងប៉ុណ្ណឹងសិនហើយ ចាំមកដល់មុខពេទ្យចាំតេរកបង 
- បាទ បាយ ៗល្បង
បិតទូរសព្ទរួចខ្ញុំឆ្ងល់ណាស់ហេតុអី ក៍ល្បង ដេវីដនិយាយអីប្លែកៗ ហើយកាន់តែប្លែកនោះម៉េចបានដឹងថាខ្ញុំ ដូលេខទូរសព្ទ បើខ្ញុំនិងគាត់មិនដែលស្គាល់លេខគ្នាផង ម្យ៉ាងទៀតម៉េចក៍អោយខ្ញុំទៅជួបនៅ ពេទ្យទៅវិញ អត់យល់ ???    រឺមួយគាត់មានធុរះនៅនុង ??? ខ្ញុំឆ្ងល់យ៉ាងណាក៍នៅតែមិនដឹងរឿងដែរ មានតែចាំជួបគាត់ចាំសួរមូលហេតុ ។ ខ្ញុំរៀបចំសៀវភៅ ហើយងូតទឹក ហូបបាយ រង់ចាំដល់ម៉ោង11និងអាលទៅជួបគាត់ម៉ាភ្លែត រួចបង្ហួសទៅសាលាម៉ង ។ ក្នុងពេលរង់ចាំដល់ម៉ោង11 ខ្ញុំបានសសេរ សំបុត្រ ប៉ុន្មានឃ្លា ទុកដាក់ក្នុងលុយ ផ្ញើរតាមល្បងវីដ អោយបងនិស្ស័យ ខ្ញុំសសេរថា "
ជូនលោកនិស្ស័យ !!!
អោយខ្ញុំសុំទោសដែលមិនបានយកលុយនេះទៅសងលោកដោយផ្ទាល់ដៃ ។ ព្រោះខ្ញុំគិតថា លោកមិនចង់ជួបមុខខ្ញុំនោះទេ ។ ខ្ញុំសួរដូចឆោត តើលោកចេះក្រែងចិត្តគេទេ ??? លោកដឹងទេថា ពាក្យសន្យាចំពោះខ្ញុំវាសំខាន់ប៉ុន្នា ??? រឺមួយលោកមិនយល់អត្ថន័យពាក្យថាសន្យា??? លោកដឹងទេ ថាខ្ញុំរង់ចាំមើលលោកបើកfb ប៉ុន្មានម៉ោង ??? អន្ទះសារក្នុងការទន្ទឹងរង់ចាំសំលេងទូរសព្ទរោរ៍ ទាំងអារម្មណ៍បែបណា ??? បើលោកមិនបានលេងfb ព្រោះលោកកំពុងរវល់ជាមួយមនុស្សពិសេសរបស់លោក ហេតុអីក៍មិនតេ រឺ ផ្ញើរសារមួយម៉ាត់ប្រាប់ខ្ញុំ ??? រឺមួយសូម្បីតែពេល5វិនាទីក្នុងការសសេរសារក៍លោកគ្មានសំរាប់ខ្ញុំទេ ??? ហុឹមមមម !!! ធ្វើម៉េចខ្ញុំមិនស្មើរគេ គឺវាបែបនេះហើយ តែខ្ញុំសុំប្រាប់លោកថា បើលោកមិនស្រលាញ់គេ ស្មោះទេ សូមកុំយកគេមកលេងសើច ព្រោះមនុស្សមានបេះដូងខុសពីសត្វណាលោក ។ ណ្ហើយ !! ប៉ុណ្ណឹងបានហើយ ខ្ញុំខ្លាចសសេរច្រើនពេក លោកគ្មានពេលនិងអាន វាទេ ព្រោះពេលវេលារបស់លោកមួយវិនាទីៗ មានតំលៃណាស់ ។ សូមអរគុណចំពោះរឿងគ្រប់យ៉ាង ដែលលោកបានធ្វើអោយខ្ញុំយល់ខុស ថាលោកស្រលាញ់ខ្ញុំដោយស្មោះ ។ ជាចុងក្រោយ ខ្ញុំសូមជូនពរលោកនិង មនុស្សពិសេសម្នាក់នោះ អោយស្រលាញ់គ្នាដោយស្មោះ ហើយរស់នៅបានសេចក្តីសុខរៀងទៅ ៕
ខ្ញុំសសេរទាំងខឹងឡើងស្រក់ទឹកភ្នែក ម៉ាត់ៗ ព្រោះឆ្អែតចិត្តនិង ពាក្យសំដីផ្អែមល្ហែមរបស់គាត់ដែលបង្កប់ទៅដោយ ល្បិចកល        ។ ក្រោយពេលសសេររួចខ្ញុំបត់វាយ៉ាងតូច ហើយយកលុយ 5មុឺនរៀល ខ្សែអង្កាំសំបកខ្ចៅ ប្រអប់កែវ បន្តោងសោទាំងពីរ វែ៉នតា និង អាវ ច្រកចូលក្នុងប្រអប់ការដូមួយ ។ ហើយយកថង់ខ្មៅមកច្រកពីលើមួយជាន់ទៀត រួចរាល់ហើយខ្ញុំព្យួរវានៅលើម៉ូតូ ។ ខ្ញុំមើលម៉ោង គឺ10:35នាទី ខ្ញុំស្លៀកពាក់ហើយជិះម៉ូតូចេញសំដៅទៅពេទ្យកាល់ម៉ែត ។ មកដល់ច្រកចូលខាងមុខមន្ទីពេទ្យ ខ្វះ3នាទីម៉ោង11 រួចខ្ញុំតេទៅល្បងវីដ:
- អាឡូល្បង !! នៅណានិងខ្ញុំមកដល់មុខច្រកចូលហើយ 
* អូ !!! ចឹងហេស ចាំតិចបងទៅទទួល 
- បាទ !!! បាយៗល្បង  
បន្តិចក្រោយមកល្បងវីដដើចេញពីខាងក្នុងមក ទាំងទឹកមុខ ក្រៀមក្រំ     មកដល់ភ្លាមខ្ញុំយកថង់ខ្មៅពីម៉ូតូហុចអោយគាត់ រួចនិយាយ:
- ណេះល្បង សុំផ្ញើរអានេះ អោយល្បងនិស្ស័យផង  ☺️
* ស្អីនិង ???  
- គ្មានអីទេស យកទៅអោយគាត់ទៅ គាត់ដឹងហើយ បងមានរឿងអីចង់និយាយមែន ??? ឆាប់និយាយមកខ្ញុំជិតដល់ម៉ោងរៀនហើយ  
* គិតទៅវិញអាលូវម៉ងហេស ???  
- បាទ !!! 
* ហុឹមមម សង្ស័យតែអាធំ គ្មានឱកាសបានមើលរបស់ទាំងនេះផងក៍មិនដឹង  
- ម៉េចចឹង គាត់ទៅណាមែន ??? 
* បងគិតថា អូនគួរផ្ញើរម៉ូតូ ហើយចូលទៅខាងក្នុងម៉ាភ្លែតបានអត់ ???
- ចូលធ្វើអី ???  
* ទៅដល់ដឹងហើយ ម៉ោះយកមូ៉តូផ្ញើរសិនទៅ  
ខ្ញុំមើលមុខល្បងវីដ ដូចជាមិនសូវ ស្រួលសោះ ក៍ជិះម៉ូតូយកទៅទុកកន្លែងផ្ញើររួចដើរតាមគាត់ចូលទៅក្នុងមន្ទីពេទ្យ ។ ល្បងវីដដៃយួថង់កាដូហើយដើនាំមុខខ្ញុំតំរង់ទៅកន្លែង បន្ទប់ព្យាបាលមួយ ។ ខ្ញុំដើតាមពីក្រោយទាំងងឿងឆ្ងល់ អារម្មណ៍ខ្ញុំចាប់ផ្តើមភ័យខ្លាច នឹកដល់ការសុបិន្ត ឃើញបងនិស្ស័យយំឱបខ្ញុំ ថែមទាំងចាប់អារម្មណ៍ដល់សំដីប្លែកៗរបស់ល្បងវីដ បេះដូងខ្ញុំចាប់ផ្តើមលោតក្តុកក្តាក់ៗស្ទើរតែធ្លាយចេញក្រៅ ដើយូៗ លើកជើងលែងចង់រួច ក៍ស្រែកហៅល្បងវីដ :
- ល្បងឈប់សិនមើល តើល្បងកំពុងនាំខ្ញុំ ទៅជួបអ្នកណា ???  
* ទៅដល់ដឹងហើយ 
- អត់ទេ ល្បងត្រូវតែប្រាប់ខ្ញុំ គឺបងនិស្ស័យមែន ???  
* ហុឹមមម ដល់ហើយ ណេះយករបស់នេះទៅអោយវាផ្ទាល់ដៃទៅ បងមិនចង់ចូលទៅខាងក្នុងទេ  
ល្បងវីដឈនៅមុខបន្ទប់ហុច ថង់កាដូអោយខ្ញុំវិញ ពេលនោះបេះដូងខ្ញុំលោតស្ទើរគាំង ខ្ញុំចាប់ផ្តើមយល់បានខ្លះៗហើយថា អ្នកនៅខាងក្នុងនោះ ប្រាកដជាបងនិស្ស័យហើយ     ។

សូមរងចាំតាមដានភាគបន្ត!