រឿង ព្រោះតែនិស្ស័យ ( ភាគ3 )

រឿង ព្រោះតែនិស្ស័យ 

( ភាគ3 ) 

និពន្ធដោយ មនុស្សថ្មី

#Khmer_Novel_69

ព្រឹកឡើងម៉ោង7:15នាទី ខ្ញុំមិនទាន់ភ្ញាក់ស្រួលបួលផង ស្រាប់តែលឺសំលេងមនុស្សដាស់និងអង្រួនស្មាខ្ញុំ ពេលនោះខ្ញុំបើកភ្នែកស្ទើរតែមិនចង់រួច ព្រោះតែអស់កំលាំង គ្រលែងកាលពីយប់ពេក តាមពិតគឺប៉េងឡុងសោះ
- ធា ហ្អើយ ធា !! តោះក្រោកឡើងអាម្លាញ់ បងចំរើនចាំនៅក្រោមហស
* ចាំពីណាគេ ?
- ហី មើលវាសួរ ក្រែងហែងមកដើរលេងហី ?
* ទៅ ណាទៀត ?
- ចង់ដឹង ឆាប់ក្រោកទៅងូតទឹកស្លៀកពាក់ទៅ លឿនឡើងនិងអាលសុីបាយ ឆាប់បានចេញដំណើរ កុំយូហាស អញចាំខាងក្រោមមុន
* អឺ អញសុំពេល10នាទី អញហាត់ប្រាណសិន ចាំទៅងូតទឹក
- ងាប់ ហើយហ្អា ហាត់ប្រាណក្ត អីទេ រាងប៉ុណ្ណឹងហើយចង់ហាត់អីទៀតហ្អា
* អញទំលាប់ហាត់រាល់ព្រឹកបើមិនបានហាត់ អញនៅអត់សុខទេ អញចង់ប្រាប់ហែងថា អញហាត់សាច់ដុំ មិនមែនហាត់ក្តទេ ក្តអញវាធំល្មមនិងមាឌអញហើយ យកធំពេកអាណិតប្រពន្ធណាស់វើយ 😁
- អាប្រេតនេះ ចូលចិត្តផ្ចាញ់ផ្ចាលអញណាស់ហែង មើលក្តហែងអាលូវធំជាងមុនអត់ហ្អា អញសុំមើលតិចមើល 😄
* គ្មានថ្ងៃអោយហែងបានឃើញទៀតទេហ្អា ទុកអោយសំណប់ចិត្តអញវិញ បានហើយកុំនៅតាប៉ែពេក ឆាប់ទៅរៀបចំមុនទៅ ហើយប្រាប់បងចំរើនផង10នាទីទៀតអញរួចរាល់ហើយ
- អញខ្ពើមមើលផង របស់អញក៍មានដែរហ្អា
និយាយរួច ប៉េងឡុងចុះទៅក្រោមវិញបាត់ មិនគួរណាខ្ញុំដេកទ្រមក់យ៉ាងនិងសោះ គេក្រោកអស់ហើយនៅតែខ្ញុំម្នាក់ ។ហាត់ប្រាណ រួចងូតទឹកដុសធ្មេញ ទើបចុះទៅក្រោម ដើម្បីហូបបាយព្រឹក ។ បន្ទាប់ពីស្លៀកពាក់ហើយខ្ញុំចុះមកខាងក្រោម ខ្ញុំសំលឹងពីចំងាយ ឃើញឡានlexus នៅបញ្ឈខាងមុខផ្ទះ ច្បាស់ណាស់ថាជាឡានបងចំរើន ។ ក្រោយពេលហូបអាហារពេលព្រឹកជុំគ្នារួច ប៉េងឡុង ជញ្ជូនឥវ៉ាន់ដាក់ឡាន មិនដឹងជាស្អីខ្លះនោះទេ ខ្ញុំសួរគេថាទៅលេងឯណា គេអោយខ្ញុំទៅសួរបងចំរើន ខ្លួនអែង ខ្ញុំក៍ទៅសួរគាត់ តែគាត់គ្រាន់តែប្រាប់អោយខ្ញុំត្រៀមខោអាវលេងទឹក គាត់ថាទៅដល់ដឹងហើយ ។ ខ្ញុំក៍ឈប់សួរគាត់ ហើយឡើងទៅយកខោកីឡាត្រឹមជង្គង់ និងអាវយឺតក្ងានវាលក្លៀកពណ៏ស និងពាក់អាវខូបយដៃវែងពីលើមួយជាន់ទៀត រួចរាល់ហើយពួកយើងទាំង6នាក់ក៍ឡើងឡានចេញដំណើរ ។ កន្លែងអង្គុយរបស់ខ្ញុំរៀបចំរួចជាស្រេច គឺ ខាងស្តាំដៃតៃកុង ប្រហែលជាគ្មានអ្នកណាច្រណែននោះទេព្រោះខ្ញុំពុលឡាន ។ ពួកយើងចេញដំណើរផុតពីផ្ទះប៉េងឡុងបន្តិច បងចំរើនចាប់ផ្តើម បបួលនិយាយ
- ម៉េចដែរធា យប់មិញរាំសប្បាយអត់ ?
* សប្បាយតើ ល្បង
- ត្រូវតែចឹងហើយ ព្រោះមើលទៅ ពូកែរាំដល់ក បទអីក៍ចេះរាំដែរ គ្មានចេញពីវង់សោះ 😄
* ម៉េចក៍ល្បងអែងដឹង ? 😳
- យ្យៃមិនដឹងម៉េច បើបងនៅឈ មើលតាំងពីចាប់ផ្តើម រហូតដល់ លែងរាំនិង
* យប់មិញល្បងអែងទៅដែរមែន ម៉េចញ៉ុមអត់ឃើញចឹង
- បងគ្រាន់តែឈមើលតើ អត់ហ៊ានចូលរាំទេ ព្រោះអត់ចេះរាំ ម្យ៉ាងខ្លាចខ្មាស់ក្មេង ☺️
* ល្បងអែងនេះ ទៅហើយមិនមករកពួកខ្ញុំទេ ម៉េចល្បងអែងខ្លាចបាក់កាលីបដោយសារពួកញ៉ុមមែន 😔
- មើលគេយ្យែហស បងណាទៅគិតចឹង បងមិនបានឈម្តុំឯណា បងដើរឆ្វែលមើលជុំវិញវង់រាំខ្លាចគេធ្វើបាបប្អូនៗព្រោះសុទតែអ្នកប្លែកមុខផង អោយតែមានក្រុមក្មេងស្ទាវជុំគ្នាជាក្រុមៗបងដើរទៅក្បែរស្តាប់ពួកវាយ្យៃគ្នា ចង់ដឹងពួកវាមានគំនិតអាក្រក់អីអត់ អាក្មេងស្ទាវប្រុសៗគ្មានយ្យៃអីគួរអោយសង្ស័យទេ តែលឺតែក្មេងស្រីៗយ្យៃគ្នាទៅវិញ 😊
* ម៉េចល្បង ពួកនុងយ្យៃអីគេ ប្រាកដជាថាពួកញ៉ុមរាំឈ្លើយហើយ
- គ្មានណាអូន ពួកនុងគេចាប់អារម្មណ៍លើពួកអូនតើ
* មែនហីល្បង ពួកនុងគេថាម៉េច ខ្លះទៅ ? 😁
- គេយ្យៃជាមួយគ្នាគេថាអញ្ចេក " ពួកមីដែងហ្អើយ ង៉ែងមើលមួយក្រុមនោះ អស់ទាស់ហ្អា អញមិនដែលឃើញអាណាសង្ហារៗយ៉ាងនិងទេ ថា បងឡុងទៅសង្ហារ តែមើលគ្នាគាត់4នាក់ទៀតនោះ សុីដាច់បងឡុងទៀត មិនដឹងមកពីណាពីណីទេវើយ រាំស្តាយឡូយៗទៀត បើបានធ្វើសង្សារ អញគ្មានអោយធ្វើអីទេ ទុកលើហឹងអុជធូបថ្វាយបង្គុំម៉ង " បងលឺហើយហួសចិត្ត ស្រីៗសម័យឥលូវ ក្លាហានខ្លាំងណាស់ ប្រុសៗល្មមៗចាញ់ពួកគេផង និយាយគ្មានអៀនមាត់អីតិច ហើយគោលដៅធំជាងគេគឺអូនអែងនិងហើយ ប្រយ័ត្នខ្លួនទៅ តិចគេបោកយកកូនប្រើ 😄
* ដល់ថ្នាក់និងផងល្បង 😂 ម៉េចក៍ល្បងដឹងថាពួកគេសំដៅមករកខ្ញុំខ្លាំងជាងគេ ? បើរាំគ្នាដល់ទៅ5នាក់ឯនោះនិង
- មកពីពួកគេដណ្តើមគ្នា បានបងដឹង បងដើជុំវិញវង់លឺតែម្នាក់ៗនិយាយពីអូនអែងជាងគេ គិតមើលទៅ ពួកនាងយ្យៃថា " នែវើយ អាម្នាក់មាឌធំ ខ្ពស់ ច្រមុះស្រួច សស្គុះ ភ្នែកតូចៗដូចតារានោះ ក្រាស់អញ ហាមតាដើមយ៉ាត់អញវ៉ៃបោចសក់ " ម៉េចដែរ គេបញ្ជាក់បណ្ណឹងហើយបើមិនយល់ទៀតល្ងង់សុទ យ្យៃភិនភាគមកអូនអែងទាំងអស់
* ហាសហាហាហា 😂😂😂 ចប់ប៉ាដោយ ញ៉ុមអត់ដឹងថាមានគេលួចក្រាស់ 😂😂😂 បើដឹងមុនលេងឬកបន្តិចម៉ង
- បានហើយ អាណិតស្រីៗខេត្តបងផង ថាមិនត្រូវមានអំពើកាប់ចាក់ ដណ្តើមប្តីគ្នាទៀត អាអែងនៅកំលោះចាស់គ្មានអ្នកណាចាប់អាម្មណ៍ ទៅជាអ្នកមកថ្មីគេល្អជាងទៅវិញ ហុឹមមម ហេតុតែគេមានហុងសុ៊ុយ ☺️
* កុំដាក់ខ្លួនពេកល្បង រូបរាងប្រហែលល្បងនិងហី គ្មានអ្នកចាប់អារម្មណ៍នោះ មិនដឹងស្រីប៉ុន្មានហើយទេដែលទឹកភ្នែកដោយសារល្បងនោះ មកពីល្បងមិនចាប់អាម្មណ៍គេផងក៍មិនដឹង
- មើលគេយ្យៃមើលមកបងថាជាមនុស្សអាក្រក់ដល់ថ្នាក់និងហី បងមិនដែលធ្វើអោយស្រីណាយំដោយសារបងនោះទេ មានតែមនុស្សស្រីទេដែលធ្វើអោយបងខូចចិត្ត ហើយខ្មាស់គេរហូតដល់ពេលនេះ
* ញ៉ុមសុំទោសល្បង ញ៉ុមគ្មានចេតនាថាអោយល្បងនោះទេ កាលដែរញ៉ុមយ្យៃទៅព្រោះ ព្រោះញ៉ុមមិនជឿ ថាមនុស្សដូចជាល្បង ទាំងសង្ហារ ទាំងមាន ទាំងចិត្តល្អ គ្រួសារក៍ល្អ បែជាគ្មានអ្នកស្រលាញ់ទៅវិញ អោយញ៉ុមសុំទោសណាល្បង
- អត់អីទេធា ចាំបងយ្យៃរឿងខ្លះៗប្រាប់អូន តាមពិតទៅ ចាប់តាំងពីបងទៅរៀនបន្តនៅភ្នំពេញ គឺមានមនុស្សស្រីជាច្រើនចាប់អារម្មណ៍លើបង ប៉ុន្តែ បងមិនសូវរវីរវល់នោះទេ ក្រោយពីមានរឿងអាមាស់មួយកើតឡើងលើជីវិតបង ធ្វើអោយបងរាងចាល ។ កាលពីឆ្នាំ2006បងមានគូរដណ្តឹង នៅស្រុកព្រៃឈ ខេត្តកំពង់ចាម ពួកយើងស្រលាញ់គ្នាខ្លាំងណាស់ សល់តែ5ខែទៀតពួកយើងរៀបការជាមួយគ្នា ស្រាប់តែឪពុកម្តាយខាងស្រីផ្តាច់ពាក្យ បន្ទាប់ពីគ្រួសារបង ធ្លាក់ខ្លួនក្រជាងខាងស្រី កាលនោះមកពីដំណាំដំឡូងមី កៅស៊ូ ស្វាយចន្ទី និងម្រេចខូចខាតដោយសារទឹកលិច និងសត្វល្អិតបំផ្លាញហើយពេលប្រមូលផលចំពេលធ្លាក់ថ្លៃទៀតទើបធ្វើអោយគ្រួសារបងខាតចុងខាតដើម ហើយជំពាក់លុយធនាគារទៀត គូរដណ្តឹងបងនាងក៍មិនចង់ដែរ តែម៉ែឪបង្ខំ ក្រោយពីផ្តាច់ពាក្យជាមួយបងបានប្រហែល6ខែ ក៍បានរៀបការជាមួយកូនអ្នកធំនៅខេត្តកំពង់ចាមដូចគ្នា ក្រោយមកបងទៅរស់នៅភ្នំពេញ ដើម្បីរៀនបន្តរហូតរៀនចប់អនុបណ្ឌិតហើយមានការងារល្អ ស្គាល់អ្នកធំច្រើន មូលហេតុនេះហើយទើបបងមិនសូវរវល់រឿងស្រីញីអីទេ ហើយក៍មិនមានចិត្តចង់រៀបការអីដែរ គិតតែយើងវិញ មើលឃើញកូនក្រមុំគេនៅនិង ប្រយ័ត្ននៅកំលោះចាស់ដូចបង 😂
* យ្យៃពីរឿងឃើញវិញ មិនខ្វះទេ អោយតែដើរជួបគឺឃើញហើយ ព្រោះញ៉ុមដើរបើកភ្នែកឡាហូតនិង 😂
- ចេះ ដុតបងទៀត😁 អើ អាឡៃតែយ្យៃគ្នា ដល់ថ្មគ្រែបាត់ នៅខេត្តបងល្បីណាស់ក្រឡាន និងណែមថ្មគ្រែ ចាំបងរកកន្លែងឈប់ទិញអោយញុាំ
* និងហើយល្បង ក្រឡាននិងណែមនៅទីនេះល្បីណាស់ ញ៉ុមចង់ទិញទុកយកទៅហូបនៅព្រៃវែង ព្រោះខានហូបរាប់ឆ្នាំហើយ កុំភ្លេចថតរូបអោយញ៉ុមផង ទុកបង្ហោះfbបង្អួតគេ😂
- ធ្វើចារឹកដូចកូនក្មេងចឹង តោះចាំបងថតអោយ 😄
ពួកយើងចុះចេញពីឡានពត់ពេនខ្លួន កុំអោយស្ពឹកពេក ស្រាប់តែបងចំរើនស្រែកហៅខ្ញុំ អោយទៅ ឈកន្លែងគ្រែដែលមានក្រឡាននិងណែម ហើយអោយខ្ញុំកាន់ក្រឡានធ្វើដូចអ្នកលក់ចឹង បន្ទាប់មកគាត់ចុចថតមិនដឹងប៉ុន្មានរយបុ៉ស្តិទេ ច្រចៗ ញាប់ដូចឆ្កែអេះ 😂 សូម្បីតែអ្នកលក់ក៍សើចដែរ 😁 បន្ទាប់ពីថតរូបគ្រប់ស្តាយហើយ បងចំរើនទិញក្រឡាន 7គីឡូ និង ណែម 2ថង់ទៀតមិនដឹងជាប៉ុន្មាននោះទេ ខ្ញុំហុចលុយ10$អោយគាត់ ប៉ុន្តែគាត់មិនទាំងមើលលុយខ្ញុំផង រួចរាល់ហើយ គាត់ដាក់ក្រោយឡានខ្លះ និងមួយផ្នែកទៀតហុចអោយខ្ញុំ ។ ប៉ុន្តែខ្ញុំហុចអោយប៉េងឡុង និងពួកម៉ាកខ្ញុំ3នាក់ទៀតនៅកៅអីខាងក្រោយ ពួកយើងនាំគ្នាហូបក្រឡាននិងណែម រហូតដល់ពាក់កណ្តាលផ្លូវហឹរម្ទេសនិង ក្តៅកពេក ទើបឈប់ឡានយកទឹកផឹករួចបន្តទៅមុខទៀត ។

មួយសន្ទុះក្រោយមក ស្រាប់បងចំរើនបើកអែបស្តាំរួចឈប់ង៉ក់ ។ ខ្ញុំមិនទាន់បាត់ឆ្ងល់ផង ស្រាប់តែបងចំរើនប្រាប់អោយខ្ញុំចុះចេញពីឡាន បន្ទាប់មកគាត់ក៍ចេញពីឡានដែរ រួចចង្អុលទៅម្ខាងផ្លូវថែមទាំងនិយាយ " តោះអូនទៅឈកន្លែងនោះបងថតរូបអោយ " ខ្ញុំមើលទៅតាមទិសដែលគាត់ចង្អុល ពេលនោះទើបខ្ញុំបាត់ឆ្ងល់ ព្រោះថា គាត់ចង់អោយខ្ញុំថតរូបនៅកន្លែងរូបសំណាក់សត្វផ្សោត 😄 គ្រាន់តែរូបផ្សោតធ្វើពីថ្មមួយសោះ ខ្ញុំថតរូបបានជាង10ប៉ុស្តិ មានអាឈកាន់មុខ កាន់ក្រោយ ឆ្វេង ស្តាំវិលក្បុង ត្រូវនិងcamera man ពូកែរកប្លង់ទៀតវ៉ល់ហ្មង 😄 ។

អស់ចិត្តអស់ចង់ហើយ ពួកយើងឡើងឡាន រួចចេញដំណើរទៅមុខទៀត ។ យើងធ្វើដំណើរតាមផ្លូវក្បែរមាត់ទន្លេមេគង្គ ឆ្ពោះទៅទិសខាងជើង មានកន្លែងខ្លះខ្ញុំអាចឃើញទឹកទន្លេធំល្វឹងល្វើយ ពណ៏ខៀវដូចទឹកសមុទ្រមើលទៅស្រស់ស្អាតណាស់ ។ មិនយូប៉ុន្មាន រថយន្តបានទៅដល់កន្លែងមួយ ហើយបងចំរើនបើកអែបឆ្វេងដៃ ពេលនោះមានមនុស្សស្រី ប្រុស ជាច្រើនរត់មកក្បែរឡានពួកយើង ចេញពីឡានមិនទាន់ទាំងផុតផង ពួកគេដណ្តើមគ្នាហុចក្រដាសមីនុយ មុខម្ហូប អោយពួកយើង ។ ខ្ញុំសំលឹងទៅក្រោមក្បែរទន្លេ ឃើញកាចុសជាច្រើន ហើយនៅផ្លូវចុះទៅមាន បាដា យ៉ាងធំហើយវែង នៅលើបាដានោះគេសសេរថា " ចូលរួមទាំងអស់គ្នា ដើម្បីទន្លេស្អាត និងទីក្រុងបៃតង " បន្ទាប់ពីទុកឡានរួច បងចំរើនដើរមករកពួកយើង គាត់ញញឹមយ៉ាងស្រស់រួចប្រាប់ខ្ញុំ " ដល់ព្រែកកាំពីហើយអូន តោះជួយជញ្ជូនឥវ៉ាន់ក្នុងឡានចុះទៅក្រោម " ពួកយើងជួយគ្នាកាន់របសរប ដើរជាក្រុមចុះទៅមាត់ច្រាំងទន្លេ ម្ចាស់កាចុសបាននាំពួកយើងដើរឆ្លងស្ពានឈើឬស្សី រហូតដល់កាចុសនៅខាងត្បូង បន្ទាប់ពីកុម្ម៉ងបាយម្ហូបរួច ពួកយើងទុករបស់របហើយផ្លាស់ខោអាវលេងទឹក ខ្ញុំមើលម៉ោងគឺ10:25នាទីព្រឹក ។ រដូវចូលឆ្នាំខ្មែរបែបនេះ មានមនុស្សម្នារទៅលេងនៅកាំពីច្រើនកុះករ ។ ខ្ញុំស្លៀកខោកីឡាពណ៏ទឹកបុ៊ិច អាវយឺតក្ងានពណ៏ស វាលក្លៀកពួកម៉ាកខ្ញុំរួមទាំងប៉េងឡុងផងនោះក៍ស្លៀកខោកីឡាដែរ តែអាវដៃខ្លីទាំងអស់ ចំណែកបងចំរើន វិញគាត់មិនទាន់ផ្លាស់ខោអោយនោះទេ គាត់ស្លៀកខោក្រណាត់ជើងវែង ពណ៏ខ្មៅ អាវយឺតសដៃខ្លី ហើយគេងលើអង្រឹងចុចទូសព្ទលេង ។ ចំណែកខ្ញុំនិង ពួកម៉ាកខ្ញុំផ្លាស់ខោអាវសឹងមិនទាន់ លោតទឹកប្រូង 😂 ។ ថ្វីបើ ទឹកនៅកាំពីមិនមែនជាទឹកសមុទ្រ ប៉ុន្តែនៅរដូវប្រាំង គឺថ្លារឡើងខៀវដូចទឹកនៅកំពង់សោមបេះបិត ហើយលើកសាច់ទៀតផង ខ្ញុំឈលើដុំថ្មធ្វើអោយខ្លួនខ្ញុំងើបផុតពីទឹកត្រឹមភ្លៅ មើលមកសាច់ខ្លួនអែង ម៉ាយហ្គត😱😱😨 !!! សឡើងចាំង ខ្ញុំងាកទៅចំបងចំរើនពេលណាក៍ឃើញគាត់តាមសំលឹងមកខ្ញុំដែរ ហើយញញញឹមឡើងសង្ហារមករកខ្ញុំទៀតផង កុំថាឡើយអ្នកដទៃចាប់អារម្មណ៍ សូម្បីតែខ្ញុំខ្លួនអែងក៍លង់ខ្លួនអែងដែរ សម៉ត់ខៃ ខ្ញុំលិបទឹកមើលដុំថ្មនៅក្រោមទឹក ពិតជាស្រស់ស្អាតប្លែកភ្នែក ដោយសារមានខ្សែរទឹកហូរ ទើបធ្វើអោយខ្ញុំបើុង ឆ្ងាយពីកាចុស មើលទៅបងចំរើនដូចជាបារម្ភខ្ញុំណាស់ អោយតែខ្ញុំទៅឆ្ងាយបន្តិចដឹងតែស្រែកហៅ " អូន ហ្អា !!! នៅលេងជិតៗនិងហើយ កុំទៅឆ្ងាយពេក ទឹកហូរខ្លាំងណាស់ " ចំណែកខ្ញុំគ្មានអារម្មណ៍ភ័យខ្លាចជាមួយការលង់ទឹកនោះទេ ព្រោះខ្ញុំជំនាញហែលទឹកហើយ សូម្បីតែនៅបឹងយក្សឡោម ទឹកស្ងប់ ហើយមានចរន្តស្រូបទៅក្រោមម៉េស នៅតែខ្ញុំអាចហែលលេងបានចំងាយ20ម៉ែត្រជាងពីកាំជណ្តើរដោយគ្មានអាវពោង ចំណែកទឹកទន្លេវិញមានខ្សែរទឹកដោលយើងឡើងលើងាយស្រួលហែលសឹងអី តែកុំអោយថាយើងចចេសរឹងរូសមនុស្សចាស់ទុំបារម្ភហើយយើងមិនស្តាប់គាត់ ទើបខ្ញុំបណ្តែតខ្លួនមកវិញហើយ លេងក្បែរៗកាចុសជាមួយពួកម៉ាកខ្ញុំវិញ ខ្ញុំគិតថា ពួកយើងដូចជាមានអ្វីម្យ៉ាងចំឡែកហើយព្រោះ គ្រប់គ្នាដែលនៅលើអង្រឹង និង អ្នកលេងទឹកនៅកាចុសផ្សេងទៀតទាំងស្រីទាំងប្រុស សុទតែសំលឹងមកពួកយើងគ្រប់គ្នា មានប្រុសៗខ្លះ អាយុស្របាលបងចំរើន ក៍មើលមកពួកយើង ហើយញញឹមដាក់ទៀត ចំណែកពួកយើងក៍មិនខ្វល់អីដែរ គិតតែពីមុជទឹកឱប កគ្នាសប្បាយក្អះក្អាយ ។ ខ្ញុំឃើញបងចំរើនលួចថតខ្ញុំ តែខ្ញុំធ្វើជាមិនដឹង ប្រហែលកន្លះម៉ោងក្រោយមក គេលើកបាយម្ហូបមក ពេលនោះបងចំរើនបានហៅពួកយើងឡើងមកហូបបាយសិន កំពុងតែឃ្លានល្មម ។ មកដល់លើកាចុសភ្លាម ខ្ញុំមិនបានផ្លាស់ខោអាវនោះទេ គ្រាន់តែដោះអាវចេញនៅតែខ្លួនទទេ ស្លៀកខោសើមដដែរ ។ មុខម្ហូបអ្នកទន្លេរ សំបូរបែបណាស់ ប្រហែលបងចំរើនអ្នកកុម្ម៉ងហើយ ក្នុងនោះមានត្រឺក្អែកចំហុយធំៗ2 ខ្យងចំហុយទឹកដោះគោ2ចាន មាន់ដុត2 ឆាក្តៅអន្ទង់1ចានធំ និងមានសាច់លីងស្អីទេមានជាតិណាស់ចំនួន2ចានផងដែរ ចំណែកគ្រឿងផឹកវិញ យើងមានទឹកផ្លែឈើជាច្រើនយកមកពីផ្ទះ តែកុំអោយថាកម្មវិធីសប្បាយហើយមិនមានស្រា ទើបបងចំរើនអោយគេយកអាន់ឆ័រ2យួថែមទៀត ។ មុននិងហូបបាយខ្ញុំបានថតរូបជុំគ្នាជាច្រើនបុស្តិទុកជាអានុស្សាវរីយ ។ ពួកយើងហូបបណ្តើរផឹិកបណ្តើរពិតជាសប្បាយរីករាយមែនទែន ។
ហូបបាយរួចពួកយើងសំរាកបន្តិចដើម្បីអោយស្រកបាយនិងស្វាងស្រវឹង រហូតដល់ថ្ងៃកាន់តែក្តៅ ទើបពួកយើងចុះទៅងូតទឹកលេងទៀត ។ ម្តងនេះបងចំរើនផ្លាស់ខោអាវចុះទៅលេងជាមួយពួកយើងដែរ ។ គាត់ស្រាតខោវែងចេញ សល់តែខោស្លីបត្រឹមភ្លៅ និងអាវវាលក្លៀកដូចខ្ញុំដែរ រួចរាល់ហើយគាត់ហែលតំរង់មកខ្ញុំ ដល់ភ្លាម គាត់បបួលខ្ញុំហែលទៅឆ្ងាយពីកាចុស រួចសុំខ្ញុំថតសែលហ្វីជាមួយគាត់ ដោយកៀកកខ្ញុំហើយងាកមុខមករកខ្ញុំស្ទើរតែច្រមុះដល់ថ្ពាល់ខ្ញុំទៅហើយ ខ្ញុំចាប់ផ្តើមមានអារម្មណ៍ប្លែកៗ ព្រោះតែកាយវិកា និងភាពស្រស់សង្ហាររបស់គាត់ ខ្ញុំតែងតែដៀងភ្នែកមើលគាត់ជារឿយៗ ពេលនៅក្បែរគាត់ខ្ញុំហាក់មានអារម្មណ៍កក់ក្តៅ គាត់មានទំរង់មុខមូលធំ សាកសមជាមួយច្រមុះស្រួច ភ្នែកតូច បបូមាត់ពណ៏ផ្កាឈូក ធ្មេញតូចៗសស្គុះ ថ្វីបើគាត់មានអាយុរាងច្រើនបន្តិចមែន តែគាត់នៅតែសង្ហារខ្លាំងណាស់ ផ្ទៃមុខសម៉ត់ មានរោមតូចស្តើងៗ ទុកជើងសក់និងពុកមាត់ខៀវ មាឌឡើងធំមាំ ។ ខ្ញុំកំពុងតែភ្លឹកមិនទាន់បាត់ផងស្រាប់តែភ្ញាក់ព្រើតព្រោះគាត់យកក្បាលមកទង្គិចក្បាលខ្ញុំអោយមើលទៅកាម៉េរា ។ ថតលើទឹកមិនអស់ចិត្ត គាត់បបួលខ្ញុំថតក្រោមទឹកទៀត ម្តងនេះគាត់ឱបខ្ញុំកាន់តែខ្លាំងហើយ រាប់1-2-3 ពួកយើងលិបទៅក្នុងទឹក ហើយញញឹមបើកភ្នែក ម្តងនេះមិនដឹងថាគាត់កំពុងគិតអីនោះទេ ព្រោះគាត់យកថ្ពាល់គាត់មកប៉ះថ្ពាល់ខ្ញុំបន្ទាប់មកទើបចុចថតជាច្រើនបុ៉ស្តិ រហូតដល់ជិតអស់ខ្យលដង្ហើមទើបងើបមកវិញ គាត់នៅតែសុំថតបែបនេះជាច្រើនដង ហើយប្តូរស្តាយរហូត មានកាន់ដៃ កៀកក ឱបស្មា និងជាច្រើនទៀត ដោយសារតែយល់ថាគាត់បងប្អូនពួកម៉ាកខ្ញុំ ម្យ៉ាងមើលមកគាត់ដូចជាចូលចិត្តខ្ញុំ ហើយខ្ញុំក៍ចូលចិត្តគាត់ទើបធ្វើអោយខ្ញុំ ព្រមថតជាមួយគាត់ដោយមិនរុញរា រហូតដល់មានអារម្មណ៍ថាក្រហាយភ្នែកទើបគាត់បបួលមកក្បែរកាចុសវិញ ។ រូបភាពដែលថតបានពិតជាអស្ចារ្យណាស់ ទូរសព្ទគាត់Iphone7plus jet black ថតនៅក្រោមទឹកសោះ តែរូបភាពដែលថតបាន គឺច្បាស់ល្អមិនចាញ់នៅលើគោកឡើយ ។ ថតរូបតែ2នាក់រួចហើយ ពួកយើងមកថតជុំគ្នាទៀត ប៉ុន្តែភាគច្រើនបងចំរើនតែងតែថតសែលហ្វីជាមួយខ្ញុំជាងគេរហូតដល់ប៉េងឡុង ឆ្ងល់ក៍និយាយឡើង " ហេ បងចំរើន និងអាធាថ្ងៃនិងម៉េចចឹង? ធ្វើអីប្លែកៗណាស់នៀក មើលទៅដូចជាត្រូវដងត្រូវផ្លែគ្នាណាស់ បើថាស្គាល់គ្នាពីមុនទៅមិនថាទេ តែនេះទើបស្គាល់គ្នា2ថ្ងៃសោះ ស្អិតល្មួតប៉ុណ្ណឹងហើយ អត់យល់សោះម៉ង នែ ! ពួកហែងគិតដូចអញអត់ ? " ពួកម៉ាកខ្ញុំផ្សេងទៀតគ្រាន់តែសើចញឹមៗ ស្រាប់តែបងចំរើនឆ្លើយមក " ប្លែកអីហែងអាឡុង គ្រាន់តែអញនិងសុធាថតរូបជាមួយគ្នាសោះ ម៉េចហែងច្រណែនមែន ? " ប៉េងឡុងសើចរួចតបវិញ " បាទមិនបានច្រណែនអីទេ តែខ្ញុំគ្រាន់តែឆ្ងល់ថា រាល់ដងបើទៅដើលេងជាមួយបងប្អូនយើង បងអែងមិនសូវរញ៉េរញ៉ៃទេ បើមិនទៅរកកន្លែងគេងលេងទូសព្ទ ក៍ទៅស្តាប់ចំរៀងក្នុងឡានដែរ ហើយអាធាក៍ចឹងដែរ ទៅដើរលេងជាមួយវាភាគច្រើនវានៅជុំគ្នា មិនទៅណាឆ្ងាយទេ តែនេះ ទាំងបងអែង ទាំងវា ចូលចិត្តតែធ្វើអីពីរៗនាក់និង មិនអោយខ្ញុំឆ្ងល់ម៉េចកើត តិចពីរនាក់និង នែ..នែ..ទេដឹងហី 😁" ប៉េងឡុងយ្យៃដល់ៗបែបនេះធ្វើអោយខ្ញុំឡើងអៀនតែបានលេសទំលាក់ទៅលើបងចំរើន ខ្ញុំសើចរួចយ្យៃ " ហែងមើលបើល្បងហែងគិតតែមកសុំអញថតជាមួយ អោយអញប្រកែកម៉េចកើត ? 😝" បងចំរើនសើចហាសហាស រួចតបវិញ " ចឹងកុំអោយគេថាប្លែកទៀត បងឈប់ងូតហើយ ទៅគេងលើអង្រឹងវិញ 😄" បងចំរើនយ្យៃរួចក៍ឡើងទៅគេងលើអង្រឹង ចំណែកពួកយើងនៅតែបន្តងូតប្រឡែងគ្នា រហូតដល់ម៉ោងជាង2រសៀលទើបពួកយើងឡើងទៅលើកាចុសវិញរួចផ្លាស់ខោអាវ ពេលនោះបងចំរើនអោយគេគិតលុយ មិនដឹងថាអស់ប៉ុន្មាននោះទេ ពួកខ្ញុំចង់ជួយចេញគាត់ដែរ តែគាត់បដិសេធ បន្ទាប់មកពួកយើងឡើងឡានចេញដំណើរ ។ ខ្ញុំដឹងថា បងចំរើនមិនបានជិះត្រលប់មកទីរួមខេត្តក្រចេះវិញនោះទេ គាត់បើកឡានចេញទៅទិសខាងជើងបន្តទៀត ខ្ញុំក៍មិនដឹងថាគាត់នាំពួកយើងទៅណាទៀតដែរ ។ គាត់នាំខ្ញុំនិយាយដូចកាលចេញពីព្រៃអីចឹងដែរតែម្តងនេះសំណួរប្លែកបន្តិច ដោយសារតែជិះផ្លូវឆ្ងាយផង ម្យ៉ាងទើបតែងើបពីលេងទឹកផងនោះពួកម៉ាកខ្ញុំរួមទាំងប៉េងឡុងផង គេងលក់អស់សល់តែខ្ញុំពីរនាក់បងចំរើនប៉ុន្នោះ គាត់ចាប់ផ្តើមងាកមករកខ្ញុំរួចនិយាយ
- ថ្ងៃនេះដើលេងសប្បាយដែរសុធា ?
* សប្បាយណាស់ល្បង ☺️
- ហឹមមម !! បងសុំសួរសំណួរអូនខ្លះៗបានដែរ ? តែមិនមែនល្បងប្រាជ្ញានោះទេ ជារឿងផ្ទាល់ខ្លួន
* បើអាចឆ្លើយ ខ្ញុំនិងឆ្លើយ ល្បងអែងមានរឿងអី សួរមកចុះ
- ដំបូង អូនអែងហៅ បងថាបងៗទៅ ពីមុនមកធ្លាប់មានសង្សារទេ ?
* ធ្លាប់តើបង
- ចុះអាលូវ ?
* អាលូវមានក៍ដូចមិនមានដែរ យូរៗបានជួបគ្នាម្តង ចង់ណាយចិត្តរៀងខ្លួនទៅហើយ ☺️
- ប៉ាម៉ាក់ ដែលបង្ខំអោយរៀបការអត់ ?
* អត់បង្ខំទេ តែគាត់ធ្លាប់នាំទៅអោយមើលកូនក្រមុំគេ
- ស្អាតអត់ ? ហើយមានពេញចិត្តគេវិញដែរ ?
* ស្អាតណាស់ ភាគច្រើនកូនពៅ ហើយជាកូនអ្នកមានធូរធាទៀត តែញ៉ុមអត់ស្រលាញ់ផង 😁
- ហុី 😳 !! ស្អាតហើយមានទៀត តែអត់ស្រលាញ់គេ ចុះមើលទៅគេស្រលាញ់អូនអែងវិញអត់ ? តែបងគិតថាដឹងតែស្រលាញ់វិញហើយ ព្រោះអូនអែងសង្ហារសឹងអី 😊
* ញ៉ុមអត់ដឹងថាគេស្រលាញ់រឺអត់ផង តែញ៉ុមឃើញគេឧស្សាហ៍លួចញញឹមដាក់ញ៉ុម
- ណ !! ឃើញទេ ថាហើយត្រូវតែចឹង បងហ៊ានធានាថា គ្រប់មនុស្សស្រីដែលជួបអូនអែង ប្រាកដជាពេញចិត្តនិងអូនអែងមិនខានទេ ព្រោះអូនអែងស្អាត សូម្បីតែបង ប្រុសដូចអូនអែងសោះ ក៍មើលអូនអែងឃើញស្អាតដែរ☺️
* ហិហិ ☺️ចេះតែបញ្ជោញ៉ុមហើយ ស្អាតអីចឹង ចុះបងអែងពេលណាយកប្រពន្ធ ?
- មុខបងចឹងណាយក ក្រហើយមុខអាក្រក់ទៀត គេមិនលើកកូនអោយទេ 😂
* ដាក់ខ្លួនណាស់បងអែងនេះ ប៉ុណ្ណឹងហើយក្រទៀត មុខមាត់ឡើងដូចតារាហើយនៅតែថាអាក្រក់ទៀត មិនដឹងទៅរកអ្នកស្អាតនៅណាបានទេចឹងហស ? បងអែងឆ្លើយអោយត្រង់មើល អាលូវនេះបងអែងមានគូរដណ្តឹង រឺសង្សារនៅ ?
- នៅទេ បងឈប់គិតរឿងប្រពន្ធកូននេះយូឆ្នាំហើយ តែអាលូវបងកំពុងលួចស្រលាញ់កូនគេហើយ តែប្រហែលមិនអាចទៅរួចទេមើលទៅ ព្រោះរៀងប្លែកតិច ហាសហាហា😂😂😂
* ម៉េចចឹងបង 😳
- អត់អីទេស អូនអែងចេញធ្វើពេទ្យប៉ុន្មានឆ្នាំហើយ ? អាលូវធ្វើការនៅគ្លីនិកឯកជន រឺ នៅរដ្ឋ ?
* 2ឆ្នាំជាងហើយបង ធ្វើនៅគ្លីនិកឯកជននៅខេត្តព្រៃវែង បងអែងសួរធ្វើអី ?
- ចេះសួរៗទៅ អូ !! នែ បងសុំសួរមួយមើ បងមិនដឹងកើតអីទេ ពីមុនអត់អីទេ តែមួយរយះនេះ អោយតែបងញុាំរបស់អីរៀងហិរ និងផឹិកស្រាជ្រុលបន្តិចដឹងតែធ្វើទុកក្តៅពោះ ចុកឆ្អល់ ចង់តែរាគ
* ហិហិហិ បងអែងឈឺក្រពះហើយ តមស្រា របសផ្អាប់ និង ហិរមួយរយះ និងហូបថ្នាំទៅលែងអីហើយ
- អូ !! ចឹងហសអូន ចាំបងព្យាយាម ព្រោះធ្វើទុក្ខម្តងៗពិបាកទ្រាំណាស់ fbអូនអែងឈ្មោះអី គ្រាន់ឆាតសួរថ្នាំ😄
* វាយ អក្សរខ្មែរថា .........រូបប្រូហ្វាល់គឺ ......
- នេះឃើញហើយ អាខោនគេអស់ទាស់ ហេតុតែគេប្រុសស្អាត មិនដឹងថាadd fri បានរឺមិនបានទេបើfriនិងអ្នកfollowច្រើនម្លឹងៗ
* សាកចុចaddមើល បើមិនបានឆាតមក ចាំញ៉ុមaddវិញ ប៉ុណ្ណឹងច្រើន ? ញ៉ុមទទួលមិនទាន់អស់ផង នៅមួយភាគធំទៀតហស អ្នកfake accមនុស្សប្រុសចាក់សាក់ ពាក់ក្រវិល ទុកសក់វែង ញ៉ុមអត់ទទួលទេ

ពួកយើងសន្ទាគ្នាហូហែរ ជាច្រើនម៉ោង ហើយឡានបើកលើថ្នល់កៅស៊ូ ចុះពីថ្នល់កៅស៊ូចូលផ្លូវលំ អស់ពីផ្លូវលំ មកផ្លូវរលាក់ រហូតមកដល់ ខ្លោងទ្វាមួយគេដាក់ថា " វត្តព្រះវិហារធំសសរ100 " បងចំរើនបើកចូលក្នុងហើយរកកន្លែងចតឡាន ពេលនោះពួកម៉ាកខ្ញុំភ្ញាក់ល្មម បងចំរើននិយាយមកខ្ញុំ " តោះ ចូលទៅអុជធូប បន់ស្រន់តិចទៅ វិហារសសរ100នេះសាកសិទ្ធណាស់ បន់ចង់បានអី តែងតែបានដូចបំណង " ពួកយើងលុបមុខវែកសក់រួចនាំគ្នាឡើងទៅលើព្រះវិហារជាន់ទី2រួចអុជធូបបួងសួងមុខព្រះធំ រួចដាក់លុយក្នុងហិបពុទ្ធបូជា អ្នកដែលធ្លាប់ទៅដល់វិហារសសរ100ខេត្តក្រចេះដឹងហើយ វិហារនេះមានអ្នកទៅលេងច្រើនណាស់ ហើយពូកែសាកសិទ្ធទៀត ។ ពួកយើងអុជធូបបួងសុំសេចក្តីសុខរួចហើយ ថតរូបជាច្រើនបុស្តិ បន្ទាប់មក បបួលគ្នាទៅ កន្លែងមួយដែលខាងលើគេសសេរថា " បូជនីយដ្ឋានបួងសួង " រួចចូលលុយតាមសទ្ធាជ្រះថ្លារជូនលោកអាចារ្យ បន្ទាប់មកពួកគាត់បង្សុកូលអោយពរ ដល់ពួកយើង រួចពួកយើងថតរូបជុំវិញបរិវេណព្រះវិហារ ហើយជាចុងក្រោយពួកយើងចេញពីវត្តមកថតរូបនៅមាត់ទន្លេដែលជាកន្លែងកំសាន្តមួយ នៅក្បែរវិហារសសរ100ផងដែរ ។ ពួកយើងនៅអង្គុយលេងទីនោះយូគួរសមដែរ ទើបត្រលប់មកទីរួមខេត្តក្រចេះវិញ មកដល់ល្ងាចព្រិលៗល្មម ព្រោះម៉ោង6ជាងទៅហើយ ពួកយើងមិនបានចូលលេងមាត់ទន្លេទៀតនោះទេ បន្តដំណើរទៅផ្ទះប៉េងឡុងតែម្តង ។ យប់ដែលជាថ្ងៃចូលឆ្នាំទី2នេះ ពួកយើងមិនបានទៅរាំនៅវត្តទៀតទេ ព្រោះមានកម្មវិធីផឹកសុីជួបជុំគ្នា ជាមួយគ្រួសារសាច់ញាតិប៉េងឡុង បងប្អូនបងចំរើនក៍ទៅចូលរួមដែរ ។ តាមពិតទៅបងប្អូនជីដូនមួយប៉េងឡុង ស្អាតៗខ្លាំងណាស់ ទាំងស្រីទាំងប្រុស គ្រាន់តែអ្នកខ្លះមានប្រពន្ធកូន ខ្លះមានប្តីមានកូនអស់ទៅហើយ ដល់ពេលបងប្អូនគេជួបជុំគ្នាចឹងទៅ ផឹកសុីដាក់បាសរាំលេងសប្បាយមិនចាញ់នៅវត្តនោះទេ ។ បងចំរើនគ្រាន់តែដឹងថាខ្ញុំត្រូវត្រលប់មកព្រៃវែងវិញនៅថ្ងៃស្អែក ត្រូវនិងថ្ងៃចូលឆ្នាំទី3 គាត់ព្យាយាមឃាត់ ហើយសន្យានាំទៅដើរលេងនៅត្រើយម្ខាងទន្លេ គឺភ្នំសុពណ៏កាឡី និងរមណីយដាន្ឋជាច្រើនទៀត ប៉ុន្តែខ្ញុំដាច់ខាតមិនអាចនៅបាននោះទេ ព្រោះ ជារៀងរាល់ឆ្នាំ នៅថ្ងៃចុងក្រោយនៃបុណ្យចូលឆ្នាំខ្មែរ ខ្ញុំតែងតែស្រង់ទឹកជូនអ្នកមានគុណរបស់ខ្ញុំ ហើយទំលាប់ជាយូឆ្នាំមកហើយមិនដែលខានឆ្នាំណានោះទេ ។ ក្រោយពេលប្រាប់ហេតុផលទៅគាត់រួចហើយ គាត់យល់ពីមូលហេតុរបស់ខ្ញុំ ទើបគាត់លែងឃាត់ តែគាត់សុំអោយខ្ញុំទៅគេងជាមួយគាត់នៅផ្ទះគាត់ បន្ទាប់ពីផឹកសុីរួច ។ ប៉ុន្តែបំណងរបស់គាត់មិនបានសំរេចឡើយ ព្រោះប៉េងឡុង ឃាត់មិនអោយខ្ញុំទៅនោះទេដោយគេនិយាយថា " ស្អែកហែង ត្រូវត្រលប់ទៅផ្ទះហែងវិញហើយ អញខានដេកឱបនិងប្រឡែងហែងជាង2ឆ្នាំហើយ អញអោយហែងមកលេងអញ អញចេញទាំងថ្លៃឡានអោយហែង ហើយប៉ាម៉ាក់អញសន្យាជាមួយអ្នកផ្ទះហែងថាធានាសុវត្ថិភាពអោយហែង ទើបអ្នកផ្ទះហែងអោយហែងមក ដូចនេះយប់នេះហែងត្រូវនៅកំដអញណាអាពួកម៉ាក ហែងទើបតែស្គាល់បងចំរើនទេ តែអញស្គាល់ហែងមុន បើអញមិនអោយហែងមកទេ ស្មានតែហែងបានស្គាល់គាត់ ? " ខ្ញុំសើចរួចទៅនិយាយតាមដំណើររឿង ពេលនោះបងចំរើនក៍សើចដែរ ថែមទាំងនិយាយ " យើ មានគុណសម្បត្តិណាស់អាក្លុង ត្រង់អែងនាំវាដើរលេងហើយចេញលុយថ្លៃសុីចុកអោយវា ម៉េចក៍វាមិននឹកឃើញផង ចុះពួកម៉ាកអូនអែង3នាក់ទៀតនោះម៉េចវាមិនដេកឱប ចាំបាច់តែអូនអែងមួយ អានេះខូចណាស់ហែង អត់អីទេចឹង នៅគេងផ្ទះវាចុះ អាលូវម៉ោង 10ជាងទៅហើយ បងសុំទៅផ្ទះគេងមុនហើយណា ហើយយ្យៃចឹងស្អែកទៅវិញម៉ោងម៉ាន ? " ខ្ញុំដើរទៅសួរពួកម៉ាកខ្ញុំសិន រួចក៍មកប្រាប់គាត់វិញ " ពួកនោះថាទៅម៉ោង7 រឺ 8ព្រឹកអីនិង ព្រោះផ្ទះពួកគេខ្លះនៅឆ្ងាយ ត្រូវជិះឡានពីរត ទើបដល់ " បងចំរើនញញឹមងក់ក្បាលហើយ ដើរទៅផ្ទះគាត់វិញ ។ យប់នោះប៉េងឡុងពិតជាឱបបស់វាមែន ទំរាំបានដេកលក់ជិតភ្លឺ 😆 ឱបផង ស្ទាបផង ថើបផង យ្យៃពីថាដូចជ្រូកពុល ប៉េងឡុងរំខានខ្ញុំពេក ចំណែកខ្ញុំក៍មិនអោយអាបីនាក់ទៀតបានសើយសុខដែរ ខ្ញុំធាក់ពួកគេធ្លាក់ពីគ្រែ មិនអស់ចិត្តខ្ញុំឡើងរមៀលពីលើពួកគេ សើចចង់ធ្លាយបន្ទប់ 😄 .............សូមរង់ចាំតាមដានភាគបន្ត ។