រឿង នាងកូឡាបខ្មៅ (ភាគ3 ភាគបញ្ចប់)

 

រឿង នាងកូឡាបខ្មៅ

(ភាគ3 ភាគបញ្ចប់)

និពន្ធដោយ Wong Nau

#Khmer_Novel69

From: Future Bold Man

💃បងដឹងថាហេតុអីខ្ញុំនិង ពេជ្រឈ្លោះគ្នា ដល់ត្រូវបែកគ្នាទេ... តាមពិតទៅ ខ្ញុំដឹងថា​ពេជ្រ​គេតែងតែចង់បានអ្នកជួយឧប្ថម្ភគេ។ គ្រប់មនុស្សដែលគេជួបគេតែងតែព្យាយាមចង់ស្គាល់ចង់ដឹង ថាម្នាក់ណឹង មានស្ថានភាព បែបណា មានលុយឬអត់?

ខ្ញុំជ្រួញចិញ្ចើម... ព្រោះ គិតថាខ្ញុំធ្វើការចឹងមេចទៅអាចអោយពេជ្រមកគិតអីជាមួយខ្ញុំកើត
💃ក្រោយពីស្គាល់បងមក ពេជ្រគាត់សួរនាំខ្ញុំពីបង ហើយខ្ញុំក៏ប្រាប់គាត់តាមត្រង់ថា បងមកធ្វើការគឺដើម្បីចង់រៀន ហើយទៅរកសុីខ្លួនឯង។
🧔ហើយកូលាបយល់ថាពេជ្រព្យាយាមទាក់ទងខ្ញុំឬ?
💃ខ្ញុំប្រាប់បងហើយថា ពេជ្រគាត់ពូកែរកុហកណាស់។ តាំងពីស្គាល់បងមក គាត់ចេះទិញចំណីមកអោយខ្ញុំ ហើយតែងនិយាយលេងជាមួយបងរឿយៗ។ បងមិនចាប់ភ្លឹក តែខ្ញុំដឹងគំនិតគាត់... គឺគាត់ជាមនុស្សគិតក្បត់គ្រប់ពេល អោយតែគាត់អាចធ្វើបាន។

ខ្ញុំសម្រួលដង្ហើម ហុឺម....
💃បងដឹងអត់ថា ខ្ញុំលួចស្អប់​ច្រណែនបង ដោយសារប្រចន្ឌ ហួងហែង។ ពេលដែលបងមកប្រាប់ថា បងជួបជាមួយពេជ្រថ្ងៃអាទិត្យ ខ្ញុំចាប់ផ្តើមអន់ចិត្ត កាន់តែខ្លាំង ព្រោះ​ពេជ្រគេ ប្រាប់ថា ទៅញាំការមិត្តគេឯស្រុក​ និយាយទៅគេកុហកខ្ញុំឡើងឈ្ងុយ។ គេធ្វើអោយខ្ញុំយល់ថា ខ្ញុំអស់តម្លៃ ខ្ញុំនឹងត្រូវគេបោះបង់ពេលណាគេ រកបានអ្នកថ្មី។
🧔តាមពិតខ្ញុំដឹងតាំងពីដំបូងម្ល៉េះថា ពេជ្រគេយកកូលាប ដើម្បីប្រយោជន៍ តែខ្ញុំឃើញកូលាប យល់ថាជាសុភមង្គល់ ហើយបើខ្ញុំនិយាយនាំតែថាខ្ញុំបំបែកបំបាក់។ រឿងខ្លះនិយាយក្នុងបំណងល្អ សំរាប់យើង តែអ្នកស្តាប់គេអាចគិតថាជាបំណងអាក្រក់ ថាយើងមិនគាំទ្រគេទៅវិញ។
💃ខ្ញុំទទួលថា បើបងប្រាប់តាំងពីពេលណឹងក៏ខ្ញុំមិនស្តាប់ដែរ ព្រោះ​ខ្ញុំ​ចង់មានគេ បានគេនៅគ្រាន់កក់ក្តៅ ទោះដឹងថាគេមិនល្អជាមួយយើងច្រើន បានត្រឹមចេះរស់នៅជាមួយគ្នាក៏គ្រប់គ្រាន់ដែរ ដូចបងដឹងស្រាប់ថាខ្ញុំ កំព្រា​ សាច់ញាតិក៏គេមិនសូវរាប់រកដែរ ។ ពេជ្រហ្អា ធ្លាប់ធ្វើចឹងដាក់ខ្ញុំ2លើកហើយ ដល់អស់ផ្លូវក៏មករកជានាគ្នាវិញ។ ហើយខ្ញុំនៅល្ងង់មិនឈប់ នៅតែចិត្តទន់ព្រោះគិតថា មនុស្សនេះគេត្រូវការលុយ គេមិនសាហាវឃោឃៅទេ ចាត់ថាយើងបង់ថ្លៃឈ្នួល អោយបានជាគ្នាចុះ។ តែដល់ពេលគេបែកចិត្តតាំង ព្រីកព្រាក គ្រាំចិត្តរាល់លើក។ គិតថាហេតុអីកើតមកអភព្វទាំងញាតិ ទាំងប្រាក់កាក់ និងទាំងស្នេហា... ហេតុអ្វី​ជីវិតនេះមិនបានល្អដូចគេសោះ...ខ្ញុំអត់ប្រាថ្នា ប្រុសល្អ អីទេ​គ្រាន់តែចង់អោយគាត់ទុកខ្ញុំជាញាតិម្នាក់ មិនមែនបានថ្មី ក៏ធ្វើខ្លួនលែងស្គាល់គ្នា​ទៅបាត់ៗចឹងទេ។
🧔កូលាប ឥលូវយប់ហើយ អត់ចូលទៅធ្វើការវិញទេអី?​ បើអាចខ្ញុំគិតថា​ពួកយើងរកកន្លែងនិយាយគ្នាទៅ ល្អជាងបើមិនចូលធ្វើការវិញ។
💃បងចាំខ្ញុំម៉ាភ្លែតខ្ញុំទៅប្រាប់ អាឌីបន្តិចអោយវា ជួយធ្វើជំនួសខ្ញុំ។

ក្រោយពីតេប្រាប់អ្នកផ្ទះថាទៅផ្ទះយឺតរួច ពួកយើងបានឌុបគ្នាទៅ អង្គុយជជែកគ្នា នៅហាង​សេនវិច (ភ្លេចឈ្មោះ)​ជាប់​ Fish &​Chip។
ម្ចាស់ហាងសេនវិច 2នាក់បងប្អូន ជាខ្មែរអនិកជន។ គាត់ចាំមុខខ្ញុំបាន ព្រោះខ្ញុំធ្លាប់និយាយលេងជាមួយគាត់ម្តងជា2ដងដែរ (គាត់មិនសូវត្រូវគ្នាជាមួយមេខ្ញុំចឹងគាត់ចង់ដឹងរឿងពីខ្ញុំ ទើបធ្វើលេសស្និតស្នាល និយាយដើមមេខ្ញុំតិចតួចអោយខ្ញុំស្តាប់ ខ្ញុំក៏និយាយខ្លះអត់ខ្លះតាមការគួ ព្រោះ​យ៉ាងណាៗ ធ្វើមនុស្សត្រូវមានគោលការណ៍ កុំមាត់វែងរឿងរបស់មេ)​។ 2នាក់បងប្អូនគាត់ណឹងមានមួយស មួយខ្មៅ សក់រួញមាឌធំដូច ហ្វីលីពីន​ (មិនដឹងបងប្អញនបង្កើតឬយ៉ាងមេច មិនហ៊ានសួរ)​។ តែខ្ញុំចូលចិត្តនិយាយជាមួយបងមួយស ទំពែកជាង ព្រោះគាត់ចាស់ទុំ រូបរាងក៏ស្អាតជាងអ្នកខ្មៅ (ខ្មៅធាត់ស្រម៉ូមក្រញាញ់)​😜។ បងណឹងគាត់ងក់ក្បាលញាក់មុខ ព្រោះឃើញកូនកាលីគេដូចជាខ្ញុំ ចិត្តធំចូលហាងគាត់ញាំអី😆😆😆 ។ មិចអូនថ្ងៃនេះនឹកចង់សេនវិច? គាត់សួរ < ធ្វើការយូរដែរបង នៅសល់លុយខ្លះចង់មកញាំសេនវិចបងម្តង​ កុំអោយថា ស្គាល់តែក្លិនមិនបានខ្លួន😁> ខ្ញុំអោយតែជួបប្រុស រាងបែបហុីបហប ស្ទីលអុឺរ៉ុប ចេះតែភ្លេចខ្លួន បានសម្តី​តែម្តង។ អើមានអីអូន ញាំអោយស្គាល់ជាតិ រស់មួយជាតិធាតុមួយចាន​តើ​។ បាទបង​ ខ្ញុំ​រកសុំកន្លែងស្ងាត់តិចគៀនៗស្រួលនិយាយគ្នាជាមួយគាត់នេះ (ខ្ញុំចង្អុរទៅកូលាប)​ មិត្តភត្តិហ៎? បាទបង អ្នកជិតខាងយើង បុគ្គលិកនៅ Duplex. ណឹងហើយចឹង តោះទៅគៀននោះហ្មងទៅចឹង។ កូលាបនិងខ្ញុំហៅសេនវិចម្នាក់មួយនិងកូកា មួយដប ទឹកកក2កែវ ព្រោះ​ខ្ញុំមិនសូវញាំច្រើនទេ។
ហៅអីរួចរាល់អស់ កូលាបគាត់សម្លឹងមកខ្ញុំ ហើយនិយាយថា​
💃ខ្ញុំមើលទៅបងដូចជា រួសរាយមានក្តីសុខ អ្នកណាៗក៏បងត្រូវជាមួយ (គាត់សំដៅថៅកែរហាង សេនវិច)​
🧔 អូនឯងជឿអត់ថា បងជាមនុស្សពូកែរអៀន? តែបានសម្តី ដល់រឿងមែនទែន មិនសូវចាណាប់ទេ​។
💃 ហាស់ ហាស់​ ហាស់ ខ្ញុំមិនជឿទេបងអើយ មនុស្សប្រុស មនុស្សខ្ទើយ តែបានសម្តី ហើយ​ដឹងតែអូសក្រឡាបានច្រើនហើយ។ បើគេមិនហ៊ានគេក៏មិនបានសម្តីដែរ ញ៉ែធ្វើអី បើចុងក្រោយមិនហ៊ានអាដែល?
🧔អុញ​បងនិយាយមែនទែនបែរអត់ជឿ! តាមពិតបងម្ចាស់ហាងណឹង​គាត់អោយតម្រុយបងទេ... បងមើលដឹងថាគាត់អាចនិយាយលេងបាន ទើបហ៊ានលេងជាមួយគាត់នោះ​។ បើគេចេញមកខែងរ៉ែងហ្មងបងមិនហ៊ានលេងទេ។
💃អោយតម្រុយមេចបង? (ជ្រួញចិញ្ចើម)​
🧔កាលបងមកធ្វើការនៅ Fish &​Chip ក្បែរ នេះ​បង មើលទៅគាត់ហើយគាត់មើលមកបង ទាំងញញឹមរាក់ទាក់ផង។ បងគិតថាយើងជាក្មេងបំរើតាមហាងចឹង​គេថៅកែររឿងអីគេមកយកចិត្តទុកដាក់សម្លឹងមើលយើងនោះ ច្បាស់ជាមានបំណងអីហើយ។ មានម្តងមិត្តរួមការងារ គាត់អ្នកខេត្ត គាត់អត់ញាំអីពេលល្ងាចពីផ្ទះមក គាត់ឃ្លាន ហៅប្រហិតញាំ បងមើលទៅគាត់ខំសន្សំសំចៃណាស់ អាណិតក៏ទិញមួយចំណែកធំ ចែកគាត់ញាំ ហើយបងម្ចាស់ហាងណឹងគាត់ក៏ទិញ ស្លាបមាន់​អាំង​ ថ្លើមអាំង យកទៅក្លែមដែរ គាត់ឃើញបងទើបនឹងចូលធ្វើការ តែមានទឹកចិត្តចែករំលែក​ចំណីជាមួយមិត្តរួមការងារ ទើបគាត់ចូលចិត្តបង។ ហើយបងធ្លាប់ យក​ Hammus (អាហារប្រចាំហាងថៅកែរបង វាជំនួយកម្លាំង)​ អោយគាត់​។ គាត់ឃើញបងយកមកអោយគាត់ឡើងភ្ញាក់ ព្រោះគាត់ស្មានតែបងឈប់ ពីហាង Fish &​ Chip ទៅរកបានការងារឯណាឯណីហើយ។ គាត់សួរ បងត្រង់ៗថា ចាប់អារម្មណ៍ចង់ធ្វើការកន្លែងគាត់អត់? គាត់ថា​គាត់ចូលចិត្តបង តែបងប្រាប់ថា ថៅកែរក្បែរគ្នាឈប់ពីណឹងមកនេះវាមិនសម។ គាត់ថា​មានអីមិនសម វាជាការសំរេចចិត្តរបស់យើងតើ ចង់ធ្វើការនៅទីណាសិទ្ធិយើង។ បងចេះតែញញឹមៗទៅ។ គាត់សួរម្តងហើយម្តងទៀត បងប្រាប់ថា មិនហ៊ានទេ ចុងក្រោយគាត់ថា ណឹងហើយ បងអត់បង្ខំទេ ពេលណា​អូនចង់មកធ្វើ អូនមករកបងមក។
💃អូរចឹងទេ​ស្មានតែ គាត់គិតអីនែរ...
🧔 មិនចឹងទេ... គាត់ឃើញបងអាចនិយាយភាសាបាន ហើយម្តុំណឹងមានភ្ញៀវបរទេសច្រើន ចឹងបើបងធ្វើការកន្លែងគាត់ អាចហៅភ្ញៀវបានច្រើន។ មានម្តងនោះ មេបងគាត់ទិញអំបោស បងឃើញអ៊ំណឹងគាត់ចាស់ លើកអីវ៉ាន់ដាក់ស្មារមិនចង់រួចក៏ជួយទប់គាត់ ពេលងាកក្រោយមកវិញ បងមួយខ្មៅ(ជាប្អូន បងមួយស ទំពែកជាបង)​គាត់លើកមេដៃអោយ​ បងសើចអៀនគាត់ដើរចូលក្នុងទៅ។ បែបមកពីចឹងទើបគាត់ចូលចិត្តបង។
💃ចុះបងថីបានអៀនគាត់?
🧔 ជំរឿនមែនកូលាប? (ខ្ញុំគេចមិនចង់ឆ្លើយនឹងសំណួរ តែខ្ញុំអាចប្រាប់អ្នកអានថា ខ្ញុំចូលចិត្តភាពសាមញ្ញ ឬ​ សមភាព​ មិនបញ្ជោ មិនបន្ទោស ធម្មតាៗ​គឺ​អារម្មណ៍ខ្ញុំនឹងន៎បំផុត បើគេបញ្ជោគឺនៅមិនសុខ អាចគេចអៀនឬខឹងបើបញ្ជោបែបគិតថាខ្ញុំភ្លីភ្លើសុីជោរ បើបង្អាប់ក៏ខឹងដូចគ្នា ដែលចាត់ខ្ញុំមិនស្មើនឹងគេ)​
🧔ទៅបានហើយ និយាយរឿងកូលាបវិញ ថា​ មានរឿងអីចង់ប្រាប់បងនោះ?
កូលាបសម្លឹងខ្ញុំបែបចំអន់ដែលខ្ញុំគេចឆ្លើយសំនួរគាត់រួចបន្ត
💃រឿងនោះគឺ វាស្រដៀងរឿងដែលបងនិយាយប្រាប់ខ្ញុំនេះដែរ។ បងមានចាំ អ៊ំម្នាក់ជាជនបរទេស ដែលធ្វើការអោយក្រុមហ៊ុន Bitcoinទេ?
🧔អូរ​តាណឹង គាត់ស្គមដូចជាមកពី រដ្ឋស្អីទេ ដឹងតែអាមេរិក អាយុប្រហែល60ជាងណឹងមែន?
💃ណឹង! គាត់មកហាងខ្ញុំ និយាយសួរនាំខ្ញុំពីបង គាត់ចាប់អារម្មណ៍បងឯង​ហិហិហិ ព្រោះគាត់មកស្រុកខ្មែរ បំណងមកចូលនិវត្តន៍ លែងទៅវិញហើយ គាត់ចង់បាន ដៃគូ
🧔ជួយមិនបានទេ​ គាត់ចំណាស់ម្តាយខ្ញុំហើយ ហើយខ្ញុំកូនពៅទៀត! ខ្ញុំ​ចាំគាត់មិនមែនខ្ញុំចាប់អារម្មណ៍លើគាត់ទេ តែមកពី ខ្ញុំដឹងថាគាត់គិតអ្វីជាមួយខ្ញុំ។ យប់ណឹង គាត់មកទិញ wrape​ គាត់សួរនាំខ្ញុំហើយ គាត់ថា ចង់អោយខ្ញុំសំរេចចិត្ត​អោយគាត់​ញាំអាមួយណា​។ ខ្ញុំ​ឃើញគាត់ចាស់និងស្គមផង ខ្ញុំហៅសាច់ចៀមអោយគាត់យកអាខ្នាតធំ Megar Wrape និងទឹក Dasani មួយដប។ ពេលអេវីនកំពុងចំអិន អ៊ំណឹងគាត់មកនិយាយលេងនឹងខ្ញុំ ហើយប្រាប់ពីរឿងគាត់ធ្វើអី មកខ្មែរដើម្បីអី... ខ្ញុំចាប់អារម្មណ៍លើ​ការងារគាត់ Bitcoin ដែលជាប្រពន្ធ័ទូទាត់លុយសម័យទំនើប អាចទិញលក់ស្តុក លឺថា មានអ្នកក្លាយជាសេដ្ឋី ដោយសា​Bitcoin​ផងទើបសួរនាំគាត់ សរសើរគាត់ ថាមានការងារល្អ... ឆ្លាតពូកែរ ទាន់សម័យបច្ចេកវិទ្យា។ ហើយគាត់និយាយខ្សឹបៗ ខ្ញុំភាសារ ហិរញ្ញវត្ថុខ្លះ សេដ្ឋកិច្ចខ្លះមិនសូវចេះ ទើបប្រឹងស្តាប់ អោនទៅរកគាត់​ សន្ទាយូរៗទៅ កាន់តែចូលមកជិត គ្នានិយាយសឹងតែខ្សឹបគ្នាទៅហើយ។ គាត់ហាក់សប្បាយចិត្តដែលខ្ញុំចាប់អារម្មណ៍ស្តាប់គាត់។ ហើយខ្ញុំសង្ស័យថាគាត់ជាហ្គេយ...
💃គាត់ជាហ្គេយ ហើយបែបចូលចិត្តបង ចង់ច្បាស់លាស់ ខ្ញុំធ្វើការនៅក្លឹបស្គាល់មនុស្សប្រុសច្រើនយ៉ាងណាស់​។ ភាគតិចណាស់ដែលចេះសួរនាំព្រោះចង់ដឹងរឿងគេ តែសឹងតែ100%គឺសួរព្រោះចាប់អារម្មណ៍​ ហើយចង់បែបមែនទែនផងទើបចំនាយពេលដល់ម្លឹង។
🧔អូហ៍ ចឹងផង!
💃បងមិនមានបញ្ហាជីវិតដូចខ្ញុំ សំរាប់ខ្ញុំ​ទោះចាស់ប៉ុនអ៊ំណឹងក៏យកដែរ អោយតែគាត់ ពិតជាស្រលាញ់អាណិតខ្ញុំ ចង់រស់នៅជាមួយខ្ញុំ... ធ្វើមេ​ចខ្ញុំ... វាគ្មានផ្លូវនឹងរកបានមនុស្សល្អឯណាមកស្រលាញ់ទេ។ មានតែមនុស្សបោកប្រាស់ ចំអកឡកលើយ។

ខ្ញុំ​ព្យាយាមយល់ពីដួងចិត្ត កូលាប តើនាងនិយាយពិតឬ មានចេតនាផ្សេង
🧔ចុះកូលាបមេចក៏មិនសាកណែរនាំខ្លួនឯង អោយគាត់ បានដឹង​ទៅក្រែងបានឱកាស
💃ធ្វើហើយបង... តែធម្មតាទេ របស់ដែលគេមិនចាប់អារម្មណ៍ទោះយើងខំទៅក្បែរគេមិនសូវខ្វល់អោយតម្លៃ។

ខ្ញុំចេះតែមានចិត្តមួយគិតថា តើកូលាបកំពុងបញ្ជោខ្ញុំដើម្បីអោយខ្ញុំយកអ៊ំនោះឬយ៉ាងមេច ព្រោះ​ខ្ញុំនឹកដល់សុបិន្តរបស់ខ្ញុំនៅឡើយ ហើយមានការប្រុងប្រយត្ន​ថាតើនាងនឹងបញ្ឆោតខ្ញុំដូចក្នុងសុបិន្តទេ។ ខ្ញុំ​ញាំបង្ហើយសេនវិចយឺតៗ ផឹកកូកា ក្នុងចេតនា រង់ចាំអោយកូលាបនិយាយបន្តទៀត ព្រោះ​ចង់ដឹងពីបំណងគាត់​។..
💃បងនៅចាំបរទេស 2នាក់ ខ្មៅនិងស បានទេ? នៅយប់នោះ​ខ្ញុំបានទៅជាមួយបរទេស ២នាក់ណឹងតើ។ ពួកគេជាមិត្តអ៊ំណឹង។ ហើយបែបអ៊ំណឹងគាត់និយាយរឿងបងឯង បានជា2នាក់ណឹងមក ល​ បងអែង មើល​ ក្រែងបានសុីចុក ហើយយកទៅអួត អ៊ំណឹង។
🧔 តែបែរជាបានកូលាបទៅវិញ 🤣 ខ្ញុំនិយាយសើចព្រោះមិនចង់អោយព្រួញបាញ់មកខ្ញុំ ចង់អោយកូលាបនិយាយបន្ត
💃បងយ៉ូ... ខ្ញុំសារភាពថា យប់ណឹង ខ្ញុំចង់អោយបងឯង ទៅជាមួយបរទេស2នាក់ណឹងតើ អោយបងឯង ក៏ដូចខ្ញុំ ព្រោះខ្ញុំ មានអារម្មណ៍ថាអន់ អន់ជាងបងឯង។

ខ្ញុំភ្ញាក់នឹងសម្តីកូលាប
🧔ហើយថីបានចង់ឈ្នះចាញ់នឹងខ្ញុំ?
💃បងឯងខឹង?
🧔កូលាបដាច់ចិត្តនិយាយសារភាពមានន័យថា កូលាបដឹងខ្លួនថាមិនត្រូវហើយ ខ្ញុំមិនខឹងទេ
💃គឺពេជ្រ! ពេជ្រគេធ្វើអោយខ្ញុំគិតចឹង កំឡុងពេលពេជ្រ​ព្យាយាមទាក់ទងបង ពេលដែលគេខឹងខ្ញុំប្រចណ្ឌគេ គេតែងថា អោយខ្ញុំ <ខ្លួនឯងទៅរកម៉ូយ សប្បាយជាមួយអ្នកណាខ្លះ គេមិនប្រកាន់ផង ហេតុអី មកហួងហែងគេខ្លាំងម្ល៉េះ តឹងតែម្ខាងៗចឹងមិនកើតទេ> ខ្ញុំអន់ចិត្ត ខ្លាំងហ្មងពេលលឺសម្តីណឹង... ដំបូងៗគេនិយាយថាមិនប្រកាន់ទេ​ ហើយខ្ញុំក៏អត់មានលាក់បាំងអីដែរ ប្រវត្តិមេចប្រាប់គេចឹង ខំសប្បាយចិត្តដែរគេមិនប្រកាន់... តែ
🧔 សំរាប់មនុស្សទូទៅគេមិនបានដឹងថា កូលាបមានប្រវត្តិឆ្លងកាត់មកយ៉ាងមេចគេអាចគិតថា មិនល្អ​ តែខ្ញុំដឹងថាកូលាប មិនមានជីវិតជោគជ័យ មិនមានគ្រួសារជួយគាំពារ ទំនុកបំរុង ប្រឹងរស់ដោយខ្លួនឯង... ចឹងការងារអីក៏ដោយ កុំតែតែលួចគេ សម្លាប់គេ... ដើម្បីជីវិតតើ មិនមែនមានលុយហើយ ដើរ​ទាក់ប្រុសឯណា។ មែនណា ខ្ញុំយល់ថា ស្រីលក់ខ្លួនគាត់គ្រាន់បើត្រង់ណឹង ព្រោះគាត់ធ្វើបានលុយ តែអ្នកខ្លះមានមុខមានមាត់មានលុយ បែរជាដើរអោយខ្លួនគេទទេៗ ហើយអោយលុយគេថែមទៀត ហិហិហិ...
💃តែបងត្រូវដឹងថាអ្នកមានលុយគេមានជម្រើស គេយកអ្នកស្អាតៗល្អពេញចិត្ត​គេលែងហើយគេទាត់ចោល រកថ្មី។ ខុសពីអ្នកលក់ខ្លួន សឹងតែគ្រប់ធុនគ្រប់ធឺ ក្មេងចាស់ ខ្មៅស...ល្អអាក្រក់
🧔 ចុះកូលាបដែរបដិសេធភ្ញៀវទេ?
💃ធ្លាប់តើ ពេលភ្ញៀវខ្លះគាត់មើលទៅទំនង កាច​ ដូចពួកបរទេសខ្លះ ញៀនថ្នាំអី ខ្ញុំមិនហ៊ានទៅទេ ពួកណឹង វៃសាហាវណាស់... 🤪🤪🤪
🧔 ណឹងហើយ ជាអ្នកលក់ខ្លួនក៏អាចរើសមនុស្សដែរ មិនមែនគ្រប់ធុនទេ😀😃😃 កូលាប ខ្ញុំចង់អរគុណកូលាបវិញចំពោះការបើកចិត្ត និយាយគ្នាត្រង់ៗអស់ពីពោះ... ខ្ញុំជាមនុស្សពូកែរនិយាយលុះត្រាតែមានដៃគូ ដែលបើកចិត្តដូចកូលាបចឹង... បើនិយាយជាមួយមនុស្សលាក់បាំង... មើលទៅល្បិចច្រើន ខ្ញុំលែងដឹងនិយាយអ្វីតែម្តង។
💃ណឹងហើយបង​ និយាយជាមួយបង ខ្ញុំក៏សប្បាយចិត្ត មិនដែលបាននិយាយគ្នាជាមួយអ្នកណា អស់ពីពោះចឹងទេ មានអារម្មណ៍ថា ដូចនិយាយជាមួយមិត្តស្គាល់គ្នា100ឆ្នាំចឹង។ ហើយចុះអ៊ំណឹងបងឯងគិតមេច?
🧔ប្រាប់ហើយថា មិនអាចទេ។ បើខ្ញុំយកគាត់ ខ្ញុំយកលោកគ្រូបង្រៀននៅមហាវិទ្យាល័យខ្ញុំវិញ។
💃បងឯងដឹងអត់ថា ខ្ញុំចង់ធ្វើជាបងឯងពេលនេះណាស់

លឺគាត់និយាយចឹង ខ្ញុំនឹកដល់បទពិសោធន៍ខ្លះនឯង
🧔 កូលាប ខ្ញុំធ្លាប់ដូចប្អូនចឹងពីមុនមក គឺចេះតែគិតថា បើខ្ញុំជាគេ ខ្ញុំនឹងធ្វើបែបនេះបែបនោះ មិនធ្វើដូចម្នាក់ណឹងទេ។ តែការយល់បែបណឹងវាជារឿងដែលមិនត្រឹមត្រូវសោះឡើយ។ ខ្ញុំ​ជឿថា​បើសិនប្អូនជាខ្ញុំវិញ​ប្អូននឹងមិនយកអ៊ំនោះដូចគ្នា​ ព្រោះខ្ញុំមានមនុស្សក្នុងចិត្តហើយ។ អ្នកដែលខ្ញុំ ជួបតែម្តង ដេកជាមួយគ្នាតែម្តង តែខ្ញុំ​នៅតែសរសើរសំណាងខ្លួនឯង ដែលបានគាត់ ជាមនុស្ស ដំបូង​។ ទោះបីក្រោយៗមកខ្ញុំ មានទំនាក់ទំនងជាមួយអ្នកណា ខ្ញុំមិនដែលលេង លក្ខណៈសុីជំរៅទេ បើមានគឺ ខ្ញុំថបគេតែប៉ុននោះ។ ខ្ញុំ​អត់អាចទៅស្រលាញ់អ្នកណា ដែលអន់ជាង គាត់... និយាយទៅបើចង់រកថ្មី ចង់បំភ្លេចអ្នកចាស់ លុះត្រាតែអ្នកថ្មីល្អជាងអ្នកចាស់... បើអន់ជាងដដែល គឺមិនមានចិត្តស្រឡាញ់​ ទៅមិនរួច។
💃ស្តាប់ទៅរវៀងខ្ញុំនិងបងដូចទឹកនឹងប្រេងចឹង! បងទាល់តែអ្នកថ្មីល្អជាង ខ្ញុំអោយតែអាចរស់នៅជាមួយគ្នាបាន គឺល្អហើយ។

ខ្ញុំ ចាប់ផ្តើម​អារម្មណ៍​មិនល្អជាមួយកូលាប ព្រោះ​នាងដូចជាមិនយល់អ្វីដែលខ្ញុំចង់អោយនាងទៅ បែរជាទៅផ្លូវឆ្កុយផ្សេងមួយទៀតទៅវិញ។ អ្វីដែលសំខាន់នាងចង់យកអ្នកណាជារឿងរបស់នាង ខ្ញុំ​មិនចង់គឺមានហេតុផលភិនខ្ញុំ។
🧔កូលាប ទ្រឹស្តីជាច្រើនគេប្រដៅមនុស្សកុំអោយ យកខ្លួនទៅប្រៀបធៀបនឹងអ្នកដទៃ។ បើយើងល្អជាងគេ យើងអាចមើលងាយគេ ឬធ្វើឬកពារជាធំជាងគេនាំអោយគេស្អប់ ច្រណែន។ បើយើងអន់ជាងគេ គឺយើងមិនសប្បាយចិត្ត កើតទុក្ខ​ តូចចិត្ត​ ខ្វះភាពជឿជាក់...។ ចឹង ជារួម ខ្ញុំយល់ ខ្ញុំគ្រាន់តែបានកើតមកមានគ្រួសារ ដែលជួយទំនុកបំរុង ទើបខ្ញុំមានឱកាស មានជម្រើស ច្រើនជាងអ្នកដែលគ្មានគ្រួសារនៅចាំជួយជ្រុំជ្រែង ដូចជាកូលាប។ ខ្ញុំ​ពុំមានអ្វីពូកែរជាងកូលាបទេ។ អ៊ំណឹងគាត់ចូលចិត្តខ្ញុំ ក៏ព្រោះ គាត់គិតថា​ខ្ញុំ​ជាក្មេងបំរើ តាមហាង ក្រីក្រ​ងាយនឹងគាត់អូសទាញ ឬ​ស្តាប់បង្គាប់គាត់។ តែបើខ្ញុំជាអ៊ំណឹងវិញ ខ្ញុំនឹងយកកូលាប ព្រោះ​កូលាបទើបនឹងនិយាយមុិញណឹងថា អោយតែរស់ចុះសម្រុងបានសុខគឺយកហើយ។ ខ្ញុំជឿថាកូលាបគិតចឹង ហើយបើកូលាបអាចអោយអ៊ំណឹងគិតដូចខ្ញុំបាន នោះគាត់នឹងរើសយកកូលាបមិនខាន។
ខ្ញុំ​ចាប់ទូរសព្ទឃើញម៉ោង 10:35នាទី គិតថាល្មមសមរម្យនឹងបញ្ចប់កិច្ចសន្ទនា​ ល្វីញៗបែបនេះហើយ កុំអោយខូចអារម្មណ៍។ ខ្ញុំ​ប្រាប់លាកូលាប ពួកយើងមកផ្ទះរៀងៗខ្លួន ហើយ2ថ្ងៃក្រោយខ្ញុំឈប់ទៅធ្វើការ និងលែងទាក់ទងជួបមុខកូលាបរហូតដល់ឥលូវ។

### កូលាបខ្មៅ ខ្មៅព្រោះនាងមានចិត្តខ្មៅលាក់ក្នុងទំនាក់ទំនងដ៏ស្រស់ស្អាតពីខាងក្រៅខ្លួនរបស់នាង។

អរគុណ​ចំពោះការអានរហូតដល់ចប់ រឿងនេះជារឿងប្រឌិត គ្មានតួអង្គកូលាបពិតទេ ខ្ញុំគ្រាន់តែច្បិចយក ចំនុចខ្លះៗពីមនុស្សខ្ញុំ​ស្គាល់​មកសរសេរប៉ុននោះ៕