រឿង បងប្អូនសាច់ឆ្ងាយ (ភាគទី២)

រឿង បងប្អូនសាច់ឆ្ងាយ

(ភាគទី២)

និពន្ធដោយ មនុស្សថ្មី

#Khmer_Novel_69

គាត់មើលមុខខ្ញុំរួចសើចបំរុងបីក្មេងតូចនោះទៅវិញ តែនាងរមួលខ្លួនយំព្រោះមើលមិនទាន់ចប់ទេ ។ អ៊ុំស្រីនៅក្បែរនោះក៍និយាយឡើង " កូនអែងទុកវាអោយមើលសិនទៅ ចាំម៉ែនៅមើលវា បើមិនចប់ងាយគាស់វាបានទេ ណារីនិងតុក្កតា មើលទាល់ដេកលក់ហស " បងប្រុសនោះញញឹមរួចទុកណារីអោយអង្គុយវិញ គាត់ដើរចូលបន្ទប់បាត់ទៅ ។ បន្ទាប់មកអ៊ុំស្រីនោះនិយាយលេងជាមួយខ្ញុំជាច្រើន រង់ចាំរឿងតុកក្កតាចប់ តែទាស់យូហសបានចប់ភ្លាមៗ ខ្ញុំប្រើwifiសាលាដោនឡូត ទាល់ តែរឿងណាចាប់ពី2ម៉ោងទៅបានខ្ញុំដោនយក គាត់និយាយលេងជាមួយខ្ញុំយ៉ាងយូ រហូតដល់មេឃងងឹតព្រិលៗ មូសចាប់ផ្តើមមានមួយៗហើយ គាត់ព្យាយាមលួងណារី តែនាងនៅតែមិនព្រមទៅ អ៊ុំស្រីនោះក៍ស្រែកទៅក្នុងបន្ទប់ទល់មុខខ្ញុំ " បូរិទ្ធ ហ្អា !!! មកយកណារីតិចមើល វាមិនព្រមទៅសោះ រំខានទាំងក្មួយនេះមិនបានហូបបាយហូបទឹកទៀត " ស្រាប់តែបងប្រុសនោះចេញមកលួងម្តងទៀតតែនាងមិនទៅដដែរ គាត់ប្រហែលជាខឹងហើយ ចាប់បីយកទៅទាំងកំរោលតែម្តង ។ ណារីយំនោះយំលួងម៉េចក៍មិនស្ងៀម បងស្រីប្រពន្ធគាត់ប្រហែលជាបារម្ភហើយព្រោះទើបតែងើបពីឈឺផង គាត់និយាយពីមុខបន្ទប់គាត់មក " យំប៉ុន្នេះហើយយប់និងមិនបាច់បានដេកទេស ដេកភ្ញាក់ៗយំទល់ភ្លឺហស " ខ្ញុំលឺហើយ ចុចបើករឿងនោះបន្តទៀតហើយហុចអោយទៅអ៊ុំស្រីដែលអង្គុយក្បែរខ្ញុំរួចនិយាយ " ណេះអ៊ុំ !!! យកទៅអោយគាត់មើលសិនទៅ ចាំស្អែកចាំយកអោយខ្ញុំវិញ " អ៊ុំស្រីនោះទទួលយកipadពីខ្ញុំរួចក្រោកដើរចូលទៅក្នុងបន្ទប់ បន្តិចក្រោយមកស្ងាត់ឈឹង លឺតែសំលេងសើចទៅវិញ ខ្ញុំមើលពីលើអង្រឹងទៅ ឃើញប៉ាណារី ដាក់ណារីអោយអង្គុយលើភ្លៅ គាត់ជាអ្នកកាន់ipad អោយណារីមើល យូៗ ខ្ញុំឃើញសើចទាំងប៉ាទាំងកូន យប់កាន់តែត្រជាក់ខ្ញុំងើបពីអង្រឹងបើកភ្លើងក្នុងបន្ទប់រួចចូលបន្ទប់ទឹកងូតទឹក ។ ទំលាប់ខ្ញុំចូលបន្ទប់ទឹកយូណាស់ ព្រោះត្រូវដុសសំអាតកន្លែងជាច្រើន បើមិនស្អាតមិនឈប់ទេ 😜។ ងូតរួចបំរ៉ុងនិងចេញមកវិញ ស្រាប់លឺសំលេងអ៊ុំស្រីហៅខ្ញុំ " ក្មួយ !! ក្មួយហ្អើយ !!! " ខ្ញុំឆ្លើយពីក្នុងបន្ទប់ទឹកមក " បាទ អ៊ុំ !!!! " គាត់ក៍និយាយមកទៀត " ណេះយកសំលហូប " ខ្ញុំចេញមកក្រៅយ៉ាងលឿន រួចតបទៅគាត់វិញ " ហុឹមមម អោយខ្ញុំរហូត ខ្ញុំមិនទាន់បានអោយអីទៅអ៊ុំវិញផង " គាត់សើចរួចតបវិញ " មិនអីទេ ឃើញក្មួយអែងមិនទាន់ធ្វើម្ហូបទេព្រោះរវល់តែបើកតុក្កតាអោយណារីមើលតាំងពីរសៀល " ខ្ញុំញញឹមរួចទទួលយកចានពីគាត់ចូលទៅក្នុងផ្ទេរអោយគាត់វិញ រួចនិយាយ " អរគុណច្រើនអ៊ុំ " អ៊ុំស្រីនោះញញឹមរួចតប " ចា!!! " គាត់ទៅវិញទៅ ។ ខ្ញុំជូតខ្លួនសិតសក់រួច ដាក់ចៀនត្រីប្រលាក់2 ឆ្អិនហើយដួសដាក់ចាន ដួសបាយយកសំលនោះមកមើល គឺសំលកកូរ ។ ក្រោយពីហូបបាយរួច ខ្ញុំបិតបង្អួចចាក់គន្លិះទ្វា ចូលមុងបើកកុំព្យូទ័រ មើលកំប្លែងពាក់មី ។ មើលចប់ពីរបីរឿងមានអារម្មថាងុយដេក មើលទៅម៉ោង8:27នាទី ខ្ញុំរៀបនិងបិតកុំព្យូទ័រ ចូលដេកទៅហើយស្រាប់តែលឺសំលេងគោះទ្វានិងហៅ " អូន !!! អូនហ្អើយ បងយកipad អោយវិញ " ខ្ញុំលឺច្បាស់ថាជាសំលេងប៉ាណារី ខ្ញុំឆ្លើយពីក្នុងទៅ " បាទចាំតិចបង " ខ្ញុំបើកភ្លើងរួចបើកទ្វា ឃើញបងប្រុសនោះឈកាន់ipad នៅមុខបន្ទប់ គាត់ហុចipadអោយខ្ញុំរួចនិយាយទាំងញញឹម ៖
- ណេះ អូន អរគុណច្រើន សុំទោសផងដែលរំខានពេញមួយល្ងាច 😊
* មិនអីទេបង ប្រញា៉ប់យកមកវិញម៉េសមិនចាំស្អែក ???
- អត់អីទេ ពេលនេះណារីគេងលក់បាត់ហើយ ក្បាលខូចណាស់កូនម្នាក់និង ☺️
* គ្មានណាបង ណារីគួរអោយស្រលាញ់ណាស់ 
- អូ !! និយាយចឹង អូនឈ្មោះអី ??? មកពីខេត្តណា ???
* ខ្ញុំឈ្មោះ សុធា មកពីព្រៃវែង 
- ហុី ក្បែរគ្នាតាស បងវិញ ឈ្មោះ បូរិទ្ធ ស្រុកកំណើតនៅ ស្រុកចន្ទ្រា ខេត្តស្វាយរៀង អូនធ្វើការអីដែរ???
* ខ្ញុំនៅរៀនតាស 
- ចឹង ??? រៀនផ្នែកអី ??? ឆ្នាំទីម៉ានហើយអូន???
* គិលានុប្បដ្ឋាក ឆ្នាំទី1 
- អូ ឡូយ! អានិងស្រួលរកលុយសម័យនេះបើយើងមិនមានចំណេះ ពិបាករកការងារធ្វើណាស់
* ចុះបងនិងបងស្រី ធ្វើការអីគេ ឃើញពាក់ឯកសណ្ឋានដូចគ្នា 
- បងនិងប្រពន្ធបង ជាបុគ្គិកផ្នែកលក់ ធ្វើការងារនៅlucky citi mall ភ្លេចប្រាប់ ប្រពន្ធបងឈ្មោះសំណាង ចឹងប៉ុណ្ណឹងសិនហើយណាកុំអោយរំខាន យប់ហើយក្រែងលោអត់ងងុយ អរគុណច្រើនណា 😊
* បាទ 😊

>>>> ខ្ញុំចូលក្នុងបន្ទប់ចាក់គន្លិះទ្វា ហើយចូលដេកទៅ ។ ជារៀងរាល់ព្រឹកខ្ញុំមិនដែលក្រោកទាន់ពួកគាត់ទេ ម៉ោង6ទៅបាត់អស់ហើយ ។ រាល់ល្ងាចអោយតែខ្ញុំមកពីរៀនវិញ ហើយដេកលើអង្រឹង ដឹងតែណារី មកជិតហើយប្រាប់ខ្ញុំថា " ពូ ពូ ញ៉ុមចង់មើលតុកកាតាទៀត " ខ្ញុំមិនដែលអោយណារីអស់សង្ឃឹមនោះទេ អោយតែគេថាចង់មើល ខ្ញុំបើកកុំព្យូទ័រដាក់អោយមើលរហូត ពេលទៅសាលាខ្ញុំតែងតែដោនឡូតរាល់ថ្ងៃ យកមកcopy ដាក់USB flash មួយទំហំ32G ក្នុងនោះមានសព្វបែបយ៉ាង ។ លុះល្ងាចឡើងចេញពីធ្វើការវិញ បងណាងចុះពីលើម៉ូតូ និយាយឡើង " ទៀតហើយរំខានពូរហូត ណារី " អ៊ុំស្រីដែលត្រូវជាម្តាយគាត់តបទៅវិញ " អើ អ្នកណាទ្រាំបានបើឃើញមុខពូវាមិនបានផង ដឹងតែរំអុកទាល់តែបើកអោយវាមើលបាននៅសុខ យូ ៗអោយតែមិនឃើញក្មួយនិង ដឹងតែវាសួរម៉ែថា ពូនិងទៅណាបាត់ហើយម៉ាក់យៃ ??? អញឆ្លើយសំនួរវាឡើងចង់បែកពពុះមាត់ 😄" ខ្ញុំលឺហើយគ្រាន់តែសើចញឹមៗ ។ តែមិនតបអ្វីនោះទេព្រោះកំពុងបើកipad លេងfbដែរ ហិហិហិ😄 ។ ខ្ញុំកំពុងតែសើចវីដេអូដែលគេបង្ហោះក្នុងfb ដែលកាលនោះ វីដេអូកាត់តបាញ់ប្រហាគ្នារវាង PeyPey Dy និង ដូនជីfb. ខ្ញុំដាក់កាសសើចឡើងហៀទឹកភ្នែក ខ្ញុំអត់ដឹងថាបងបូរិទ្ធឈមើលដែរសោះ ទាល់តែគាត់ដកកាសពីត្រចៀកខ្ញុំទើបខ្ញុំដឹងថាគាត់នៅពីក្រោយ ហើយគាត់សួរខ្ញុំ " យី !!! អែងខំសួរគេឡើងបួនដប់ម៉ាត់កុំអោយតែនិយាយរកមួយម៉ាត់ " ខ្ញុំងាកទៅគាត់រួចតប " សុំទោសបងញ៉ុមអត់លឺផង បងអែងសួរថាម៉េចមិញ??? " គាត់សើចរួចនិយាយ " មិញបងសួរថា បានស្អីមើលនុងបានសើចឡើងចង់ដាច់អង្រឹង ??? " ខ្ញុំដោះកាសចេញពីipad រួចបែកសំលេងអោយលឺ ៗ ហើយនិយាយទៅគាត់ " នេះបងគេបង្ហោះក្នុងfbនេះអាគាត់នេះពូកែកាត់ត មែន សុំសសើរ " បងបូរិទ្ធឈមើលនៅក្បែរខ្ញុំ រួចសើចហាសហាស ខ្ញុំក៍ទ្រាំអត់បានដែរ សើចឡើងផ្អើលគេ សូម្បីតែបងណាងក៍ចេញមកសើចដែរ ។ មើលអស់វីដេអូ បងបូរិទ្ធសួរខ្ញុំ៖
- ម៉េចក៍បងអត់មានវីដេអូនិងចឹង ??? បងលេងfbដែរតាស 
* មកពីបងអែងអត់ចូលlike ក្នុងផេកមួយនិងបានជាមិនឃើញគេបង្ហោះ 
- likeម៉េចទៅបងអត់ដឹងផង ??? 
* បងអែងប្រើ ទូរសព្ទអីគេ ???
- នេះ galaxy note បើកinternet ហើយចុចលើfbទៅឃើញឈ្មោះបងហើយ 
* ហុឹមមមម អាខោនបងអែងរៀងញ៉េញ៉ៃតិច fri សុទ្ធតែប្រទេសគេនិងពួកចាមនិង មិនអីទេចាំខ្ញុំ រៀបចំអោយមានរបៀបរៀបរយជាងនេះ 
- បងអោយពួកម៉ាកបងបង្កើតអោយតាស ព្រោះបងបង្កើតខ្លួនអែងលេងមិនបានយូទេ បើកលែងចេញហើយ 
* ចឹងចាំខ្ញុំបង្កើតអោយមួយទៀត បង្កើតក្នុងipadវិញបានថតរូបតាំងទៅស្អាត ហើយចាំញ៉ុមជួយណែនាំអោយfriញ៉ុមអេដមក សង្ហារដូចបងអែងចឹងមិនខ្វះគេចងើស្គាល់ទេ ចាំតែចុចទទួលទៅ 
- ចឹងក៍បានដែរ កុំភ្លេចអេដអូនអែងផង ទុកគ្រាន់ឆាតគ្នាលេងពេលអផ្សុក 
* បាទ ចឹងម៉ោះ ញ៉ុមសុំថតមុខបងអែងមួយយកតាំងprofileអាលូវនេះ 
>>>> បងបូរិទ្ធញញឹមយ៉ាងសង្ហារ ត្រូវនិងមុខគាត់សង្ហារស្រាប់ផងនោះម៉ាអេម ខ្ញុំកែ360បន្តិចទៀតអស់ទាស់ម៉ងឃើញហើយចង់លង់ ។ បានរូបថតហើយ ខ្ញុំចាប់ផ្តើមបង្កើតgmail បន្ទាប់មកទើបបង្កើតfb ដោយដាក់ឈ្មោះថា ....... ( សុំទោសផងមិនអាចប្រាប់បានទេព្រោះជាអាខោនពិតបោះគាត់ហើយគាត់កំពុងលេងវារាល់ថ្ងៃ ) បង្កើតចប់សព្វគ្រប់ហើយ ខ្ញុំបានចុចឡាយលើផេកដែលកំប្លែងៗសើចជាច្រើន និង អេដគាត់ចូលក្រុមដែលមានប្រយោជន៍ បន្ទាប់មកខ្ញុំអោយគាត់កត់mailទុក តែខ្ញុំគិតថា មិនពិបាកចាំនោះទេ ព្រោះក្នុងmailមានឈ្មោះគាត់ចំណែកpassword គឺលេខទូរសព្ទគាត់ ។ ខ្ញុំអោយគាត់បើកនៅទូរសព្ទគាត់សាកមើល ឃើញថាវាដំណើរការល្អហើយ ខ្ញុំក៍ប្រាប់ឈ្មោះអាខោនបោះខ្ញុំអោយគាត់រក បន្ទាប់ពីរកឃើញហើយគាតើបានចុចអេដខ្ញុំយ៉ាងលឿន ខ្ញុំបើកអាខោនខ្ញុំរួចចុចទទួលគាត់យ៉ាងលឿនដែរ ក្រោយមកខ្ញុំថតស្រ្គីនអាខោនគាត់យកទៅផុស ក្នុងអាខោនខ្ញុំ ខ្ញុំសសេរថា
# សូមជួយអេដ អាខោនបងប្រុសញ៉ុមផង គាត់រួសរាយ គួរអោយស្រលាញ់ណាស់ អរគុណទុកជាមុន 
Hi all beloved fri !!! Pls help add acc my bro. He is friendly And lovely thx !!! #
បន្តិចក្រោយមកអាខោនគាត់មានអ្នកអេដចូលយ៉ាងច្រើន នេះក៍មកពីគាត់សង្ហារស្រាប់ផង បើគាត់មុខយ៉ាប់ក៍ខ្ញុំជួយមិនបានដែរ ☺️ ។ ពួកខ្ញុំកំពុងតែលេងជក់ទាំងពីនាក់ ស្រាប់តែលឺបងណាងហៅ " បងហ្អា យកណារីងូតទឹក ញុាំបាយនិងអាលដាក់អោយគេង ងងឹតហើយប្រយត្ន័មូសខាំកូន " តែណារីនៅតែមិនព្រមទៅទៀត ខ្ញុំនឹកឃើញក៍អោយបងរិទ្ធដោះម៉េមូ៉រី រួចខ្ញុំcopy រឿងខ្លះៗអោយគាត់រួចបើកអោយមើលក្នុងទូរសព្ទទើបនាងព្រមទៅ ។ បងរិទ្ធអរគុណខ្ញុំរួចនាំណារីចូលក្នុងបន្ទប់ ចំណែកខ្ញុំបិតកុំព្យូទ័រ ហើយចូលទៅងូតទឹកធ្វើម្ហូបរួចហូបបាយដេកលេងfb និងមើលកំប្លែងដូចសព្វដង ។ ពេលដែលខ្ញុំបើកfbភ្លាមមានសំលេងឆាតថ្មីបន្លឺឡើង ខ្ញុំចុចមើលទៅឃើញ បងបូរិទ្ធឆាតមក គាត់សសេរថា ៖
- អរគុណច្រើនណាសុធា 😊
* អរគុណរឿងអីលោកបង ?
- រឿងសព្វបែបយ៉ាង ជួយបង្កើតអាខោនអោយ ហើយជួយpromoteអោយទៀត មិនទាន់បានមួយថ្ងៃផងឥលូវអ្នកអេដមករាប់រយនាក់ទៅហើយ 😄
* ហូ !!! មកពីលោកបងអែងសង្ហារស្រាប់សោះនិង 😊
- សង្ហារអីទេស ធាត់ដូចជ្រូក ចាញ់អូនអែងនិង មានចំណេះ សង្ហារ ទាន់សម័យ ហើយឆ្លាតទៀត 
* ហិហិហិ ☺️ អត់ទាន់គេងហ៊េលោកបង ??? 
- មិញរៀបនិងគេងហើយតែឃើញអូនអែងអនឡាញ ឆាតលេងទៅ
* ចឹងហស ឆាប់សំរាន្តទៅលោកបង កុំអោយអត់ងងុយ
- បាទអរគុណ ចឹងរាត្រីសួរស្តីណា 
* បាទរាត្រីសួស្តី ..

សូមរងចាំតាមដានភាគបន្ត!