រឿង ឧត្តមស្នេហា (ភាគទី៦)

រឿង ឧត្តមស្នេហា
ភាគទី៦

និពន្ធដោយ នេត្រា

៙មិនបាច់ប្រឹងលាក់ប៉ាទេប៉ាស្ដាប់លឺអស់ហើយ
៙កូនមានរឿងមិចមិនព្រមប្រាប់ម៉ាក់ហ្អាស់
(ភ្លាមនោះខ្ញុំលាក់គាត់លេងបានទៀតហើយ ទឹកភ្នែកខ្ញុំដណ្ដើមគ្នាស្រក់មកយ៉ាងខ្លាំង ម៉ាក់ខ្ញុំគាត់ឃើញខ្ញុំចឹងក៏ស្ទុះមកអោបខ្ញុំឯប៉ាក៏មកអង្គុយក្បែរខ្ញុំហើយយកដៃស្ទាបក្បាលខ្ញុំគារ៉ុងក៏ស្ទុះងើបទៅអង្គុយនៅម្ខាង)
៙ម៉ាក់ញុំសុំទោស(ខ្ញុំនិយាយទាំងទឹកភ្នែក)
៙សុំទោសអី កូនមានធ្វើអីខុស
៙តែខ្ញុំ.......
៙កូនកុំព្រួយម៉ាក់ប៉ាមិនដែលប្រកាន់ចាប់ទោសនិងកូនទេ
៙ម៉ាក់!ប៉ា! ញុំក៏មិនចង់ចឹងដែរតែញុំធ្វើចិត្តមិនបានទេ
៙ប៉ាដឹងហើយ! ប៉ាចិញ្ចឹមកូនតាំងពីដូចមកដល់ប៉ុន្នេះរឿងអីដែលប៉ាមិនដឹងថាកូនប៉ាជាមនុស្សបែបមិចនោះ ប៉ាដឹងថាចរិតរបស់កូនប៉ាយ៉ាងមិចយ៉ាងមិុចជាងនណាទាំងអស់ (ប៉ានិយាយឡើង)
៙ប៉ាញុំ.........
៙អត់អីទេកូនប៉ានិងម៉ាក់កូនក៏ធ្លាប់ពិភាក្សាគ្នាពីរឿងកូនរួចមកហើយដែរ ប៉ានិងម៉ាក់មិនឃាត់ឃាំងកូនទេ កូនចង់ស្រលាញ់ប្រុសឬស្រីជាសិទ្ធរបស់កូន ចូរធ្វើតាមអ្វីដែលបេះដូងកូនចង់បានទៅ កុំបារម្មណ៍ពីប៉ាម៉ាក់អីតែប៉ាសុំតែម្យ៉ាងទេចូរកូនចេះឲ្យតំលៃខ្លួនផងក្នុងការបង្កើតស្នេហានោះ កុំតាមតែចំណង់មួយភ្លេតៗណាកូនណា
៙កូនកុំគិតថា ខ្លាចម៉ាក់ប៉ាខូចកិត្តិយស់គេឈ្មោះអី រឿងចឹងៗគ្មានអ្នកណាបង្ខំបានទេ សម័យនេះហើយខ្វះអីអ្នកស្រលាញ់ភេទដូចគ្នានោះ កុំអោយតែកូនម៉ាក់ដើរលក់ខ្លួនឬដើរលួចឆក់ផ្លន់គេធ្វើអំពើល្មើសច្បាប់ណាមួយគឺម៉ាក់និងប៉ាកូនសប្បាយចិត្តណាស់ទៅហើយ
៙បាទម៉ាក់! បាទប៉ា!(ខ្ញុំនិយាយទាំងស្ទុះទៅអោបម៉ាក់ផង)
៙តែប៉ាអាចសួរកូនមួយបានអត់
៙បាតប៉ា
៙អាមួយដែលកូនស្រលាញ់និងវានៅណាដែរ ហើយវាធ្វើបាបកូនមិចខ្លះ
៙បាតវានៅវត្ត តែវាអត់បានធ្វើបាបញុំទេ
៙និយាយប្រាប់ប៉ាតាមត្រង់មកស្រួលប៉ាទៅជួបវា មើលប្រដៅវាម្ដង
៙កុំអីប៉ា វាអត់បានធ្វើបាបញុំទេ វាគ្រាន់តែបដិសេធន៍និងញុំប៉ុន្នឹងឯង
៙វាធ្វើអោយកូនយំឡើងហើមភ្នែកហើយនៅថាវាអត់ធ្វើបាបកូនទៀត
៙ប៉ាញុំសុំប៉ា កុំទៅរករឿងវាអី វាមនុស្សល្អទេ មកពីកូនទេដែលទៅស្រលាញ់វាតែម្ខាង បើប៉ាមិនជឿប៉ាសួរអារ៉ុងទៅ
៙មែនអីរ៉ុង

៙បាតអុំ នេត្រាវា.......ជាមនុស្សល្អតើ
៙អឺអោយប្រកដណា
៙បាតប៉ា! ប៉ាកុំទៅធ្វើបាបវាអី
៙អឺបានហើយប៉ាកូនមិនធ្វើចឹងទេ ហើយកូនឯងល្មមឈប់យំឈប់អីទៅបើដឹងថាគេមិនស្រលាញ់ខ្លួនហើយចឹង ល្មមគិតសុខភាពរៀបចំខ្លួនឡើងវិញទៅ កុំអោយម៉ាក់ប៉ាបារម្មណ៍ ហើយបើមានរឿងអីប្រាប់ម៉ាក់ប៉ាភ្លាមលឺនៅ
៙បាតម៉ាក់
៙អឺចឹងរៀបចំខ្លួនអីទៅអាលនិងទៅហូបបាយម៉ាក់ចុះទៅក្រោមវិញហើយ
៙បាតម៉ាក់ញុំនិយាយជាមួយគារ៉ុងម៉ាភ្លេតញុំចុះទៅហើយ
៙រ៉ុងកុំភ្លេចជួយមើរតនាអោយអុំផងកុំអោយរតនាវាគិតឆ្កួតទៅលេបថ្នាំលេបអីលឺនៅ
៙បាតអុំ
៙អត់អីទេប៉ាញុំមិនធ្វើរឿងឆ្កួតៗចឹងទេ
(ក្រោយពីប៉ានិងម៉ាក់ចុះទៅបាត់គារ៉ុងក៏សួរខ្ញុំពីរឿងនេត្រាបន្តទៀត បានមួយសន្ទុះវាក៏លាខ្ញុំត្រឡប់ទៅវិញ ហើយខ្ញុំក៏ផ្ដាំវាអោយដាក់ច្បាប់អោយញុំមួយអាទិត្រផង ព្រោះញុំខ្មាស់អានេត្រាមិនទាន់ហៀនទៅរៀនទេ ណាមួយចង់ទៅដើរកំសាន្តនៅកំពង់សោមមួយអាទិត្រដើម្បីលំហែខួរក្បាលកុំអោយគិតរឿងស្នេហាឆ្កួតៗនេះបន្តទៀត)

ស្អែកឡើងញុំបានសុំប៉ាម៉ាក់ទៅលេងផ្ទះអុំនៅកំពង់សោម។ ទៅដល់ទីនោះដំបូងមានអារម្មណ៍ស្រោះស្រាយណាស់ព្រោះបានជួបអុំប្រុសអុំស្រីបងប្អូនជីដូនមួយរួមទាំងបរិយាកាស់ថ្មីស្រឡាងមួយដែលធ្វើអោយខ្ញុំអាចរំដោះទុក្ខពីស្នេហាសោកសង្រេងបានមួយរយះពេលដែរ តែអោយតែដល់ពេលមេឃងងឹត រៀបនិងអស់ស្ដង្គតជាពេលដែលខ្ញុំដើរតាមឆ្នេរសមុទ្រតែឯងដើម្បីស្រូបយកបរិយាកាស់ធម្មជាតិដ៏ស្រស់ត្រកាលនេះ ដឹងតែចិត្តខ្ញុំរវើរវាយនឹកទៅរឿងរ៉ាវស្នេហាកន្លងមកដែលធ្វើអោយខ្ញុំមិនអាចទប់ទឹកភ្នែកបានទេ ជាពិសេសគ្រប់ពេលដែលខ្ញុំនឹកដល់មុខមនុស្សម្នាក់ដែលខ្ញុំសែនស្រលាញ់និងសែនស្អប់គឺដឹងតែទឹកភ្នែកខ្ញុំដណ្ដើមគ្នាហូរមកឥតដាច់ទេ។

មករស់នៅទីនេះបានតែ៥ថ្ងៃគារ៉ុងក៏ទេប្រាប់ខ្ញុំអោយមកបាត់ដំបងវិញ ព្រោះ២ថ្ងៃទៀតដល់ពេលប្រឡងបញ្ចប់ឆ្នាំទី១ហើយ មុនដំបូងខ្ញុំបដិសេធន៍និងវាថា មិនមកទេ ធ្លាក់ក៏ធ្លាក់ទៅ ព្រោះខ្ញុំមិនចង់មកឃើញមុខអានេត្រាទេ ហើយបើបានឌុបឆ្នាំក៏ស្រួលដែរកុំអោយទៅរៀនជួបមុខអាឆ្កួតនិងទៀត តែគិតៗទៅខ្ញុំបែរជាមានអារម្មណ៍ថាហេតុអីខ្ញុំត្រូវគេចមុខពីអាត្រានិង ញុំមានបានធ្វើអីខុសដែលត្រូវរត់គេចពីវាឯណា ណាមួយបើធ្វើចឹងនាំតែវាបានចិត្តថាខ្ញុំខ្មាស់វាឬខ្លាចវា បានមិនហៀនមករៀន ចឹងខ្ញុំមិនឬតតែអន់ទៅហើយទេអី?អត់ទេត្រូវតែទៅប្រឈមមុខនិងវា ឌឺវាអោយណាណីវិញ! 😕😕😕
ក្រោយពីគិតហើយថ្ងៃសៅរ៍ ខ្ញុំក៏បានជំរាប់លាអ៊ំប្រុសអ៊ំស្រីត្រឡប់មកបាត់ដំបងវិញ ពេលមកដល់ផ្ទះម៉ាក់ប៉ាគាត់បានជជែកជាមួយខ្ញុំពីរឿងទៅលេងកំពង់សោមជាច្រើន ជាពិសេសគឺរឿងធ្វើចិត្តរបស់ខ្ញុំនិងហ្មង ដើម្បីកុំអោយគាត់បារម្មណ៍ខ្ញុំក៏ប្រាប់គាត់ថាញុំមិនអីទេ ញុំធម្មតាវិញហើយលេងកើតទុក្ខលេងយំយែកព្រោះរឿងស្នេហាទៀតហើយ។

គ្រាន់តែមកដល់ផ្ទះវិញយប់ឡើងខ្ញុំបានទេហៅមិត្តភក្តិជិតស្និតទាំងអស់ទៅលេងនៅខ្លឹបតែគ្មានអាណាទៅទេ វាប្រាប់ថារវល់គ្រប់ៗគ្នាបានតែគារ៉ុងម្នាក់គត់ដែលវាស្ម័គ្រចិត្តទៅជាមួយខ្ញុំទោះជាខានស្អែកត្រូវប្រឡងបញ្ចប់ឆ្នាំក៏ដោយ។ ខ្ញុំនិងគារ៉ុងបានទៅផឹកស៊ីនៅខ្លឹបមួយតែដោយសាតែក្នុងខ្លឹបរញេរញៃខ្លាំងពេកខ្ញុំក៏បបួលវាចេញពីខ្លឹបទៅស្ដាប់ចំរៀងនិងផឹក

ស្រានៅបាវិញម្ដង ពេលចូលដល់ក្នុងបាខ្ញុំក៏បានវ៉ាក់អឺនិងអានេត្រាដែលវាកំពង់តែផឹកស្រាម្នាក់ឯងនៅនិងប៉ានឹងដែរ ដោយសាវាមិនបានឃើញខ្ញុំ ទើបខ្ញុំរកកន្លែងមួយដែលកំបាំងមិនអោយវាឃើញរួចអង្គុយផឹកពីរនាក់គារ៉ុង ក្រោយពីគារ៉ុង

វាក្រលេកឃើញអានេត្រាវាក៏បបួលខ្ញុំឲ្យដូកន្លែងទៅបាផ្សេងវិញ តែខ្ញុំបដិសេធន៍ថានៅផឹកនឹងហើយខ្លាចអីអាខ្មោចនេត្រានិង😕😕😕 ខ្ញុំមិនសូវជាផឹកប៉ុន្នានទេគិតតែពីមើលទៅអានេត្រា ឃើញវាផឹកបណ្ដើរស្ដាប់ភ្លេងបណ្ដើរដូចជាមានវិបត្តិអីនៅក្នុងចិត្តចឹង ភ្លាមៗស្រាប់តែវាផឹកអស់មួយកែវហើយថែមមួយកែវទៀតអស់មួយហើយថែមមួយទៀតថែមៗៗទាល់តែទន់ខ្លួនដើរលេងចង់រួចទើបឃើញវាដើរទ្រេតទ្រតៗទៅរកបន្ទប់ទឹក ឈ្លៀតឱកាស់ល្អខ្ញុំក៏បានសុំគារ៉ុងទៅបន្ទប់ទឹកម៉ាភ្លេតដែរ។ ខ្ញុំដើរទៅតាមក្រោយអានេត្រាក្នុងគោលបំណងថានិងរកកន្លែងស្ងាត់សំពងវាម្ដងតែមានមនុស្សចេញចូលបន្ទប់ទឹកច្រើន ទើបខ្ញុំក៏ធ្វើជាចូលបន្ទប់ទឹកនោមដែរទៅ ក្រោយពីរៀងស្ងាត់មនុស្សខ្ញុំក៏ចេញមកវិញឈរចាំនៅពីមុខបន្ទប់អានេត្រាចូល បានម៉ាភ្លេតក៏លឺសម្លេងទ្វាបើកសន្សឹមៗនិងលេចមុខអានេត្រាដើរចេញមក ខ្ញុំរៀបតែនិងដាល់វាហើយ តែក៏ត្រូវវាចាប់ដៃបាននិងអូសចូលបន្ទប់ទឹកភ្លេតតែម្ដង ខ្ញុំព្យាយាមតាំងជំហរ រួចក៏ព្រលេងជង្គង់ដាក់ចំពងវាមួយទៅធ្វើអោយវាស្រែកទាំងកំរោល វាព្យាយាមចាប់ខ្ញុំតែក៏ត្រូវបានខ្ញុំរើរួចថែមបួនប្រាំកណ្ដាប់ដៃចំមុខផងចំទ្រូងផងយ៉ាងពេញទំហឹង ធ្វើអោយវាដួលទៅនិងការ៉ូ ខ្ញុំរៀបតែនិងរត់ចេញក៏ត្រូវវាចាប់ដៃខ្ញុំហើយប្រាប់អោយជួយវាផងខ្ញុំមិនគិតច្រើនទេក៏ប្រញាប់រត់ចេញមកក្រៅនិងទាញទ្វាបន្ទប់ទឹកបិតយ៉ាងលឿន ហើយក៏ធ្វើដើរចេញមកជាមួយគេជាមួយឯងធម្មតា មក់ដល់កន្លែងភ្លាមក៏ប្រញាប់បបួលគារ៉ុងអោយគេគិតលុយហើយក៏ចេញមកវិញទាំងអារម្មណ៍ សស្លាក់សស្លើក តែក៏សប្បាយចិត្តដែរ ព្រោះថាបានបញ្ចេញកំហឹងដែលមាននៅក្នុងចិត្តជាយូមកហើយ។

ក្រោយពីមកដល់ផ្ទះវិញម៉ោងជិត១១ទៅហើយខ្ញុំក៏បានងូតទឹកងូតអីរៀបនិងចូលដេកក៏បានឃើញប៉ារៀបចំខ្លួនចេញទៅក្រៅពេលខ្ញុំសួរគាត់ទៅណា គាត់ប្រាប់ថាមានក្មេងស្ទៀវវៃគ្នានៅក្នុងប៉ាត្រូវការប៉ូលីសទៅពិនិត្របន្ទាន់។
បន្ទាប់ពីប៉ាចេញទៅខ្ញុំក៏ចូលដេកធម្មតាតែថាថ្ងៃនេះដេកបណ្ដើរសើចបណ្ដើរនឹកឃើញរឿងដែលបានវៃអានេត្រាពីយប់មិញនោះដូចបានដោះទុក្ខដែលធ្លាប់មានចេញពីខ្លួនអស់ចឹង។
ព្រឹកឡើងខ្ញុំភ្ញាក់ទៅហូបអាហារពេលព្រឹកក៏ជួបម៉ាក់ប៉ានៅនិងតុបាយហើយក៏ឈ្លៀតសួរប៉ារឿងគាត់ចេញទៅពិនិត្រយប់មិញ ប៉ាគាត់ថាមានប្រុសម្នាក់ត្រូវពួកអាស្ទៀវលប់វៃនៅនិងបន្ទប់ទឹកស្ទើស្លាប់ស្ទើរស់ទៅហើយ
ខ្ញុំរៀងភ្ញាក់ក្រញាំងក៏សួរប៉ាបន្តថា នៅប៉ាមួយណា ហើយសភាពអាម្នាក់ដែលត្រូវគេវៃនិងមិចហើយ

ប៉ាប្រាប់ថារឿងនិងកើតនៅនិងបា...........ហើយថាជនរងគ្រោះរបួសនៅនិងមុខផងដើមទ្រូងផងដូចជាត្រូវគេវាយពេញទំហឹងដៃចឹងតែនៅដឹងខ្លួននៅឡើយទេ ហើយត្រូវបានក្រុមគ្រួសារមកយកនិងបញ្ចូនទៅមន្ទីពេទ្របាត់ទៅហើយមើលទៅមិនដឹងជាអាមិចអាម៉ាទេ

ញុំសួរគាត់ទៀតថាចុះចាប់បានជនល្មើសអត់

ប៉ាប្រាប់ថាអត់បានព្រោះទីនោះអត់មានកាមេរ៉ាសុវត្តិភាពចាប់រូបទេ
ហើយជនរងគ្រោះក៏មិនសហការជាមួយប៉ូលីសដែរ ពេលប៉ូលីសសួរនាំគេថា គេអត់ស្គាល់ជនដៃដល់ទេហើយដូចជាមិនច្បាស់ថាមានគេលប់វៃខ្លួនផងព្រោះស្រវឹងជ្រុលហើយអាចនិងដើរដួលបុកអីមួយក៏ថាបាន តែខាងប៉ាពិនិត្រទៅឃើញថាស្លាក់ស្នាមរបួសគេ គឺត្រូវគេលប់វៃច្បាស់ណាស់ ហើយសួរគេថាចង់ដាក់ពាក់បណ្ដឹងអត់គេតបថាមិនបាចទេកុំអោយវែងឆ្ងាយគេមិនចង់ខូចឈ្មោះដែលមកមានបញ្ហានៅនិងប៉ាបែបនឹង ហើយប៉ាគាត់បញ្ចាក់ទៀតថាមើលទៅអាម្នាក់នឹងដូចជាកូនអ្នកមានឬក៏អនេកជនមកពីស្រុកក្រៅហើយបានជាវាមិនចង់អោយខូចឈ្មោះដល់ម៉ែឪវា ហើយសួរនាំមិនទាន់បានប៉ាមាន់ផងក៏មានឡានពេទ្យនិងឡានអ្នកទទួលវាមក់ដលកន្លែងភ្លាមៗហ្មង

ពេលលឺប៉ានិយាយចឹងខ្ញុំក៏រាងធូចិត្តដែរព្រោះអានេត្រាវាមិនចំនាំខ្ញុំដែលជាជនដៃដល់វៃវាអោយដេកនឹងកន្លែង។ 

បន្ទាប់ពីហូបបាយហើយខ្ញុំក៏ទៅលេងផ្ទះគារ៉ុងដើម្បីយកឯកាសាមេរៀនមួយចំនួនមកមើលត្រៀមប្រឡង។ ពេលទៅដល់ផ្ទះវាខ្ញុំនិងវាបានអង្គុយលេងនិយាយពីរឿងរៀនជាច្រើន មួយសន្ទុះក្រោយទើបគារ៉ុងវាចាប់ផ្ដើមសួរខ្ញុំ
៙រតនា យប់មិញឯងទៅបន្ទប់ទឹកតាមនេត្រាធ្វើអី
៙មានណា អញរាកនោមពេកបានចេញទៅនោមនិងហ្អា
៙កុំកុហក់អញ អញឃើញឯងទៅចំពេលនេត្រាវាទៅដែរ
៙ចុះអាណាដឹងបើវាចៃដន្យចឹង
៙និយាយកាពិតមើល ឯងធ្វើអីលើវាអត់
៙មានធ្វើអី! ឯងឆ្កួតទេអី
៙បើចឹងមិចពេលឯងចេញមកវិញមិនឃើញនេត្រាវាមកដែរ ហើយឯងក៏ប្រញាប់គិតលុយចេញពីបាមេះ
៙អាណាដឹងហ្វីបើវាមិនចេញមកអញទៅធ្វើអីវាកើត ហើយខ្លាចឯងទាចេញពីប៉ានិងអី បានអញប្រញាប់ចេញតាមឯងទៅ
៙អញស្គាល់ឯងច្បាស់ណាស់ប្រាប់ត្រង់មកឯងធ្វើអីវា
(ដល់តែគារ៉ុងដេញសួរពេកខ្ញុំក៏ប្រាប់វាតាមត្រង់)
៙ឯងចង់ដឹងមែនអី?៙អើបើមិនចង់ដឹងដែរអញសួរ
៙អឺយប់មិញអញទៅបញ្ចេញកំហឹងលើអានេត្រា
៙បញ្ចេញកំហឹងអីគេ
៙អញទៅវៃអានេត្រា
៙ស្អីគេឯងវៃវា!!
៙អើអញឡើងជង្គង់ផងម៉ាត់ផងមានអីដេកស្បាប់លើឥតការ៉ូ តដៃអញមានរួចណា
៙អើអញកោតតែឯងចេះតែហៀនវៃវាដែរ
៙ខ្លាចអីហ្អាមនុស្សដូចគ្នាមាឌប៉ុនគ្នានិង
៙ហើយវាដឹងថាឯងវៃវាអត់និង?៙បានអីនិងដឹងបើវាស្រវឹងជោក
៙អើប្រយ័ត្នទៅឯង
៙ប្រយ័ត្នខ្មោចអីឪអញប៉េអឹមណា😜😜😜 ឯងហៀនលោតដាក់ឯងទាល់រៀងអាឡូវនិង កុំជោជាមួយអារតនាអាវ៉ា
៙អើកុំអាងពេកប្រយ័ត្នគេលោតវិញខានបាននៅផ្ទះ ទៅដេកនៅបន្ទប់បួនជ្រុងទៅអានាង
៙គ្មានទៅខ្មោចទេអឺយ
អើនិយាយចឹងឯងទេសួរវាតិចមើល វាមិចហើយ
៙ទេសួរនេត្រានិង!

៙អើរ អញចង់ដឹងមើលថាប៉ាម៉ានដៃរបស់អញនិងអាចអោយវាដេកពេទ្យបានអត់
៙អត់ទេ អញលេងហៀនទេទៅវាហើយ
៙ស្អីគេគ្រាន់ពឹងតិចមិនបានហ្អា
៙ហើយឯងចង់ដឹងពីវាធ្វើអីទៀត បារម្មណ៍មែន
៙អត់ទេ អញចង់ដឹងថាអញអាចធ្វើអ្នកប្រដាល់បាននៅ
៙យឺសអានេះ វ៉ៃគេហើយនៅចង់ដឹងថាគេឈឺប៉ុន្នាទៀត
៙អើរកុំសាំញាំច្រើនទេទៅតិចទៅ
៙ទេអីបើអញនិងវាមិនត្រូវគ្នាដែរនិង
៙ស្អីគេ ឯងកើតរឿងអីជាមួយវា
៙មានអីអញលត់វាពីដៃបែកមាត់ម្សាហើយនិង
៙ស្អីគេឯងវៃវាដែរ
៙អឺ
៙ហើយមិចបានឯងវៃវា
៙កាលទៅរៀនអញសួរវា រឿងឯងនិងវា វាឆ្លើយឌឺពេក អញទ្រាំមិនបានក៏ប្រហើរពីរកណ្ដាប់ដៃចូលមាត់វាទៅមានអីឈាមមាត់កខ្លាក់
៙អឺអាឆ្កួតបើឯងប្រាប់អញមុនតិចមានអី ហើយវាតដៃអត់
៙អត់ហៀនតដៃជាមួយអញទេ វាឈអោយអញវៃហ្មង កាលនិងសំណាងហើយដែលមានមិត្តរួមថ្នាក់មកឃាត់កុំអីបែបត្រូវលើសនិងមើលទៅ
៙ស្អីគេមានគេនៅពេញថ្នាក់ទៀត ហើយនាយក់ដឹងអត់
៙ហ្អើយកុំភ័យពេកគ្មានអាណាដឹងថាអញវៃវារឿងអីទេ សូម្បីតែគ្រូនាយកសួរនាំក៏អញមិនប្រាប់ដែរ
៙ចុះអានេត្រាវាថាមិចពេលគ្រូសួរ
៙អានិងវាហៀនពិតទូអីវា វាថាប្រកែកគ្នាតិចតួចនិង មានហៀននិយាយរឿងពិតណា
៙អើ អញខំតែភ័យ
៙តែអញស្ដាយណាស់ហ្អើយ វៃវាហើយដូចអាណិតវាហ្មិចទេគ្នាមិនទាំងដែលរករឿងអញអីតិចផង ជាពិសេសគឺរឿងឯងទៅវៃវាបន្ថែមទៀតនាគ
៙អើបើឯងប្រាប់អញពីដំបូងអញប្រហែលជារំសាយកំហឹងបានខ្លះដែរ តែដល់តែចឹងថែមតាហ្មងទៅ តែមិនណាស់ណាទេវាធ្វើបាបចិត្តអញមកក៏មិនតិចដែរ
៙តែឯងទៅស្រលាញ់វាខ្លួនឯងនិងបែជាថាវាខុសណា គ្រាន់គ្នាមិនស្រលាញ់តបសោះ😀😀😀
៙ឯងដឹងមិនអស់ទេ មែនតែប៉ុន្នឹងទេអាប្អូន អើប៉ុន្នឹងហើយឈប់និយាយរឿងវាទៀតចូលមេរៀនវិញ
(ខ្ញុំក៏បន្តនិយាយពីមេរៀនជាមួយគារ៉ុងមួយសនុ្ទះទៀតទើបលាវាត្រឡប់មកវិញ មកដល់ផ្ទះខ្ញុំផ្ដើមគិតរឿងអានេត្រាឡើងវិញក៏ដូចជាមានអារម្មណ៍ថាខ្លួនឯងខុសដែរ មិនគួរណាទៅវៃវាចឹងសោះ តែមិនដឹងធ្វើមិចបើទប់កំហឹងមិនបានខ្ញុំចាប់ផ្ដើមនឹកស្រណោះវាដែលត្រូវគារ៉ុងនិងខ្ញុំវៃឡើងទ្រមខ្លួនតែគ្មានឱកាស់តបត ណាមួយខ្ញុំក៏ដូចជាចង់ដឹងពីសុខភាព

វាខ្លាំងមែនទេន ព្រោះប៉ាប្រាប់ថាវាដូចជាត្រូវធ្ងន់គួរសំដែរ តើវាអាចគ្រោះថ្នាក់ដល់ស្លាប់ឬពិការអត់ បើវាគ្រោះថ្នាក់ដល់អាយុជីវិតដោយសាខ្ញុំ ខ្ញុំច្បាស់ជាមានវិប្បដិសារីអស់មួយជីវិតមិនខាន)

ស្អែកឡើងការប្រឡងថ្ងៃដំបូងក៏ចាប់ផ្ដើមខ្ញុំប្រញាប់ទៅសាលារៀនអោយបានមុនម៉ោងដើម្បីបានឃើញអានេត្រាតែទៅដល់សាលាអត់ទាន់ឃើញវាមកទេ ក្រោយពីមើលលេខតុលេខបន្ទប់អីហើយខ្ញុំក៏ចូលប្រឡងធម្មតា ពេលនៅសល់ប្រហែល៥នាទីដល់ម៉ោងចេញវិញ្ញាសា ក៏លេចមុខអានេត្រាមកប្រឡងដែរហើយលេខតុវាត្រូវអង្គុយមុខខ្ញុំទៀត មើលទៅសភាពវាដូចជាទ្រុឌទ្រោមណាស់ មុខមាត់រាងកាយវាឡើងសស្លេក ថ្គៀមមានបិតកៅអៀកនិងបង្ហាញស្នាមខៀវនៅជាប់តិចៗនៅឡើយ ហើយមើលទៅទ្រូងទល់អាវចេញមកក្រៅដូចជាមានរំបង់របួសចឹង ពេលឃើញវាក្នុងសភាពបែបនេះខ្ញុំស្រាប់តែមានចិត្រស្លុតមួយរំពេច ស្រណោះវាដោយមិនដឹងខ្លួន ខ្ញុំដឹងច្បាស់ថាសភាពវាយ៉ាងនេះគឺមកពីខ្ញុំទាំងអស់ តែខ្ញុំព្យាយាមធ្វើចិត្តរឹងមិនខ្ចីមើលមុខវាឡើយ
ក្រោយពីវាអង្គុយរួចមិត្តរួមថ្នាក់ក៏ចាប់ផ្ដើមសួរវា ថាវាកើតអីបានធ្លាក់ខ្លួនចឹង វាប្រាប់ថាវាងូតទឹកអោយកូនឆ្កែរហើយកូនឆ្កែររត់ចេញ វាដេញចាប់ក៏ដួលនៅបន្ទប់ទឹកបុកនិងគន្លឹះទ្វាទៅ តែមិនធ្ងន់ធ្ងរទេតែមួយអាទិត្រអីជាហើយ ពេលលឺវានិយាយចឹងខ្ញុំនិងមិត្តរួមថ្នាក់មួយចំនួនផ្ទះសំណើចដោយមិនដឹងខ្លួនហួសចិត្តនិងពាក្យវានិយាយមែនទេន
រំពេជនោះវាក៏ក្រលេកមើលមកក្រោយឃើញខ្ញុំភ្លាមក៏ប្ដូរទឹកមុខទៅជាញញឹមបញ្ចេញធ្មេញដ៏សរបស់វារួចសួរខ្ញុំ
៙រតនាសុខសប្បាយអត់
៙អត់អីទេ គ្មានចេះកើតទុកស្អីទេ(ខ្ញុំឆ្លើយទាំងធ្វើមុខក្រញូវដាក់វា)
៙ហើយបាត់ទៅណាមួយអាទិត្រមិនឃើញមករៀនចឹង
៙កុំចង់ដឹងពេក រឿងរបស់ញុំទេ ទៅណាស្រេចតែញុំ ទើសអីយើង
៙អត់អីទេបែកគ្នាយូសួរលេងទៅ
៙ហឺស.......😀😀😀(ខ្ញុំសើចទាំងមុខស្ងួតដាក់វា រួចវាក៏បែមុខទៅវិញ)
ក្នុងពេលប្រឡងខ្ញុំសង្គេតឃើញវាធ្វើដូចជាពិបាក់ក្នុងខ្លួនណាស់ចឹងវាចេះតែយកដៃញីក្បាលរហូត ខ្ញុំមិនដែលឃើញសភាពវាចឹងពីមុនមកទេ ខ្ញុំដឹងច្បាស់ថាមិនមែនលំហាត់ពិបាក់វាធ្វើមិនកើតទេវាជាសិស្សពូកែរឿងអីប៉ុន្នឹងវាធ្វើមិនកើតនោះ តែប្រហែលជាមកពីសុខភាពវាផ្ទាល់ខ្លួនវាទើបបានជាចឹង។ ការប្រឡងថ្ងៃទីមួយអានេត្រាវាមានចេតនាហៅខ្ញុំនិងនិយាយមកកាន់ខ្ញុំញឹកណាស់ តែខ្ញុំធ្វើមិនដឹងមិនលឺជានិច្ច មានពេលមួយវាសរសេរៗក៏រុះបិចមកក្បែរជើងខ្ញុំ វាព្យាយាមអោនរើសតែដូចជាពិបាក់ក្នុងការអោនមែនទេនព្រោះទ្រូងវាមានរុំបង់ពណ៍សរមួយហើយពេលវាបែមុខមកឃើញខ្ញុំវាក៏ញញឹមដាក់ខ្ញុំម្ដងទៀតតែខ្ញុំមិនខ្ចីសើចដាក់វាវិញឡើយ ព្រោះខ្ញុំស្អប់ណាស់ស្អប់បំផុតអាស្នាមញញឹមបង្កប់ព្រួញពិសរបស់វានិង បើកុំតែវាធ្លាក់ក្នុងសភាពបែបនេះកុំអីខ្ញុំនិងជូនកណ្ដាប់ដៃតម្រង់ឲ្យត្រូវមាត់វាទៅអោយវាភ្លក់ទៀតបាត់ទៅហើយ។
ថ្ងៃទីពីរដែលជាថ្ងៃប្រឡងបញ្ចប់នេត្រាវាមកប្រឡងធម្មតាដែរតែសភាពជំងឺវាដូចជាធ្ងន់ធ្ងរលើសម្សឹលមិញទៀត មុខមាត់វាដូចជាគ្មានសំណើមឈាមសូម្បីតែបន្តិច សស្លេកខ្លាំងមែនទេន អោយតែមើលសភាពវាពីក្រោយខ្ញុំចេះតែអាណិតវានិងចង់សុំទោសវាណាស់ តែដល់តែឃើញវាញញឹមញញែមដាក់មិនដឹងចិត្តខឹងហោះមកពីណាចូលខ្ញុំទេដឹងតែក្ដៅក្រហាយនិងលេចចេញចិត្តស្អប់វាភ្លាម ខ្ញុំបានព្យាយាមធ្វើមុខក្រញូវគួរអោយខ្លាចនៅចំពោះមុខវាគ្រប់កាលះទេសះ ទោះជាវាញញឹមនិងចង់និយាយមកកាន់ខ្ញុំក៏ដោយ។ ក្រោយពីបញ្ចប់ការប្រឡងម្នាក់ៗមានគម្រោងធ្វើដំនើរកំសាន្តទៅទីផ្សេងៗគ្រប់គ្ននិយាយបបួលគ្នាទៅដើរលេងទីនេះទីនោះតាមចិត្តម្នាក់ៗរៀងៗខ្លួន ពួកគេក៏បបួលអានេត្រាឲ្យទៅជាមួយដែរ

តែវាបដិសេធន៍។ បន្ទាប់មកវាក៏ដើរចេញពីបន្ទប់ប្រឡងក្នុងដំនើរមួយៗវាក៏បានហៅគារ៉ុងអោយទៅនិយាយលេងជាមួយវានៅក្រៅថ្នាក់ដែរ
ក្នុងស្ថានការឃើញវាបែបនិងខ្ញុំចាប់ផ្ដើមមានអារម្មណ៍ថាខ្លួនឯងសាងកំហុសធំពេកហើយ និងមានអារម្មណ៍ថាចង់ប៉ះ

ពៅវាវិញខ្លះ រួចក៏ចេញក្រៅថ្នាក់ថានិងទៅនិយាយលេងជាមួយវាដើម្បីលើកទឹកចិត្តវាកុំអោយអស់សង្ឃឹមនិងបញ្ហាសុខភាពតែមិនបានជួបវាទេ
ព្រោះវានិងគារ៉ុងបានចេញទៅនិយាយគ្នានៅក្រៅរបងសាលា ខ្ញុំក្រលេកទៅឃើញពួកវាកំពង់តែឈរនិយាយគ្នា ខ្ញុំមិនដឹងថាវានិយាយគ្នារឿងអីទេ តែឃើញគារ៉ុងនិងវាញញឹមរកគ្នាឡើងវិញហើយ ភ្លាមនោះអានេត្រាវាក្រលេកមកកាន់ថ្នាក់រៀនក៏ប្រទះនិងមុខខ្ញុំកំពង់តែមើលវាពីចម្ងាយ វាក៏ញញឹមដាក់ខ្ញុំម្ដងទៀត ព្រោះតែទប់អារម្មណ៍មិនបានខ្ញុំក៏បែរមុខចេញរួចដើរចូលក្នុងថ្នាក់ធ្វើព្រងើយ ពេលចូលដល់បន្ទប់ខ្ញុំរកមើលប្រឡោះបង្អួចលួចមើលពួកវានិយាយគ្នាបន្តខ្ញុំឃើញនេត្រាវាដាក់មុខលេងញញឺមហើយក៏និយាយគ្នាបន្តជាមួយគារ៉ុងបានប្រហែលជា៥នាទីក៏ឃើញឡានលុចស៊ីស៣៣០ពណ៍សរយ៉ាងថ្មីស្រឡាងមកឈប់ក្បែរពួកវា ហើយក៏ឃើញស្រីម្នាក់ដែលខ្ញុំស្គាល់ច្បាស់ថានាងគឺ កេសី ហើយនាងក៏ជាសង្សារបស់អានេត្រាដែរ នាងដើរចេញពីឡាន មកបើកទ្វានិងគ្រាអានេត្រាចូលទៅក្នុងឡាន
ពេលចូលដល់ក្នុងឡានអានេត្រាក៏លើកដៃលាគារ៉ុងហើយឡានក៏បរចេញទៅ។ ក្នុងចិត្តខ្ញុំពេលនេះចង់ដឹងណាស់ថានេត្រាវានិយាយអីខ្លះជាមួយគារ៉ុងអាចថាជារឿងផ្សាស់ផ្សារវាងវាទាំងពីរឬក៏ទាក់ទងនិងខ្ញុំ ដែរ។

សូមរងចាំតាមដានភាគបន្ត!