“ព្រោះខ្ញុំស្រលាញ់អ្នក វាជាក្ដីស្រលាញ់ដែលខ្ញុំមានចំពោះអ្នក”

“ព្រោះខ្ញុំស្រលាញ់អ្នក  វាជាក្ដីស្រលាញ់ដែលខ្ញុំមានចំពោះអ្នក”

អ្នកមានគូស្នេហ៍ហើយ​ តែចិត្តអ្នកនៅតែបើកចំហសំរាប់ទទួលអ្នកផ្សេងទៀត​ នោះជាចិត្តផិតក្បត់​ តែបើអ្នកមានគូស្នេហ៍រួចហើយ​ៗ​ចិត្តអ្នកបិទ​ មិន​ដែលមានចិត្តបើកចំហ​ សំរាប់អ្នកផ្សេងណាម្នាក់ទាល់តែសោះ​ ប៉ុន្តែស្រាប់តែកាលៈទេសៈពិសេសណាមួយ​ យ៉ាងចៃដន្យបំផុត​ អ្នកស្នេហ៍ថ្មីដោយគ្មានបំណងគិតទុកជាមុនទាល់តែសោះ​ តែជារឿងចៃដន្យ ឬជារឿងដែលអ្នកណាក៏ជៀសនឹងមានស្នេហ៍ផ្សេងពីគូស្នេហ៍ចាស់​មិនកើត​ វាជាកណីពិសេសដែលរុញច្រានដោយស្ថានកាណ៍ណាមួយសុទ្ធសាធ​ មិនមែនដោយសារចិត្តរំពៃដែលជាចិត្តបើកចំហរកអ្នកថ្មី​ ដែលជាប្រភេទចិត្តផិតក្បត់នោះទេ​ នោះអ្នកមិនមែនជាមនុស្សផិតក្បត់ខ្ញុំឡើយ​ តែអ្នកជាជនរងគ្រោះ​ ដែលខ្ញុំជាគូស្នេហ៍ចាស់របស់អ្នក​ មិនត្រឹមតែមិនបន្ទោសអ្នកទេ​ ថែមទាំងមានកាត្វកិច្ចលួងលោមអ្នកទៀតផង​ ព្រោះខ្ញុំមិនត្រឹមតែមិនបានមើលឃើញថាអ្នកជាមនុស្សផិតក្បត់ប៉ុណ្ណោះទេ​ តែខ្ញុំបានមើលឃើញថាអ្នកជាជនរងគ្រោះទៅវិញទេ។ ខ្ញុំស្រឡាញ់អ្នក​ វាជាក្តីស្រឡាញ់ដែលខ្ញុំមានចំពោះអ្នក​ វាគ្មានភាពអាត្មានិយមនៅក្នុងក្តីស្រឡាញ់នោះទេ​ តែវាចិត្តស្រឡាញ់ដែលខ្ញុំមានចំពោះអ្នក​ ចិត្តនោះវាបានរុញច្រានអោយខ្ញុំចំណាយពេលយ៉ាងច្រើនដើម្បីគិតគូដល់សុខទុក្ខអ្នក​ ជាងការចំណាយពេលគិតថាតើខ្ញុំនឹងត្រូវបានទទួលអ្វីពីអ្នក។ បើខ្ញុំមានក្តីស្រឡាញ់ចំពោះអ្នក​ រឿងអ្វីខ្ញុំមិនអាចយល់រឿងរ៉ាវបែបនេះដែលកំពុងកើតមានលើអ្នកដែលជាមនុស្សដែលខ្ញុំស្រឡាញ់បាននោះ? បើមានអ្នកណាម្នាក់គេ​សួរខ្ញុំ​ថា​ ហេតុអ្វីបានជាខ្ញុំមានចិត្តបែបនេះចំពោះអ្នក​ ខ្ញុំនឹងប្រាប់ថា "ព្រោះខ្ញុំស្រឡាញ់អ្នក​ វាជាក្តីស្រឡាញ់ដែលខ្ញុំមានចំពោះអ្នក"។ ខ្ញុំសុំលក្ខខណ្ឌតែម្យ៉ាងទេពីអ្នក​ សូមអោយអ្នកជាមនុស្សមានតំលៃក្នុងដួងចិត្តខ្ញុំ៕

By Mr.Khem Veasna